گەرمانيا مەن لاتۆيا ديپلوماتتارىن قابىلدادى

كەشە پارلامەنت سەناتىنىڭ توراعاسى قايرات ءمامي گەرمانيا فەدەراتيۆتى رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى راينەر شلاگەتەردى ونىڭ ءبىزدىڭ ەلىمىزدەگى ديپلوماتيالىق قىزمەتىنىڭ اياقتالۋىنا بايلانىستى قابىلدادى, دەپ حابارلادى پالاتانىڭ ءباسپاسوز قىزمەتى. ر.شلاگەتەرگە قازاقستان-گەر­مانيا ىنتىماقتاستىعىن دامى­تۋ­عا قوسقان ۇلەسى ءۇشىن العىس ايتا كەلىپ, ق.ءمامي نەمىس ديپلو­ما­تىنىڭ الداعى قىزمەتى تابىستى بولۋىنا تىلەكتەستىگىن ءبىلدىردى. ەكىجاقتى قاتىناستاردىڭ دامۋ قارقىنىن اتاپ وتكەن توراعا 2010 جىلعى شىلدەدەگى فەدەرالدى كانتسلەر ا.مەركەلدىڭ قازاقستانعا رەسمي ساپارىنىڭ ناتيجەلەرىن جوعارى باعالادى. ق.ءماميدىڭ ايتۋىنشا, قا­زاق­ستاننىڭ گەرمانياداعى جانە گەر­مانيانىڭ قازاقستانداعى جىل­دا­رى تابىستى ءوتتى, بۇل شارالار ەكى ەلدى جاقىنداستىرۋعا جاردەمدەس­تى. پارلامەنتارالىق ىنتىماق­تاس­تىق ساياسي ۇنقاتىسۋدىڭ ما­ڭىز­دى قۇرامى ەكەنىن ايتقان ق.ءمامي سەناتتا فەدەرالدى پارلامەنتپەن ىنتىماقتاستىق توبى جۇمىس ىستەيتىنىن, ال گفر بۋن­دەستاگىندا «گەرمانيا – ورتالىق ازيا» پارلامەنتتىك توبى بار ەكەنىن اتاپ ءوتتى. ەكى ەل پارلامەنتتەرى اراسىنداعى بايلانىس­تار­دى كەڭەيتۋدە بۋندەستاگ پرەزيدەنتى ن.لاممەرتتىڭ بىلتىر كۇزدە قازاقستانعا كەلگەن رەسمي ساپارى ەرەكشە ماڭىزدى بولعانى اتالدى. ر.شلاگەتەر ەلشى رەتىندەگى قىز­مەتىنە جاردەمدەسكەنى جانە قولداۋ بىلدىرگەنى ءۇشىن قازاقستان باسشىلىعىنا العىس ايتىپ, قا­زاقستان – گەرمانيا ىنتى­ماق­تاس­تىعىن, ونىڭ ىشىندە پارلامەنت­ارا­لىق دەڭگەيدەگى بايلانىس­تار­دى ودان ءارى نىعايتۋدى جاقتاي­تى­نىن ءبىلدىردى. *** كەشە سونداي-اق سەنات توراعاسى قايرات ءمامي لاتۆيا رەسپۋبلي­كا­سى­نىڭ قازاقستانداعى توتەنشە جانە وكىلەتتى ەلشىسى يۋريس ماك­لا­كوۆستى ونىڭ ءوتىنىشى بويىنشا قابىلدادى. توراعا يۋ.ماكلاكوۆستى ونىڭ ەلشى بولىپ تاعايىندالۋىنا باي­لا­نىستى قۇتتىقتادى جانە بۇل لاۋا­زىم­دا قازاقستان مەن لاتۆيا ىن­تىماقتاستىعىن ودان ءارى دامى­تۋعا جاردەمدەسەتىنىنە سەنىم ءبىلدىردى. لاتۆيا قازاقستاننىڭ ەۋ­رو­پاداعى ساياسي جانە ەكونو­مي­كا­لىق ماڭىزدى ارىپتەسى بولىپ تا­بىلادى, دەدى توراعا. ەكى مەملەكەتتى ورتاق ماقسات پەن نيەت بىرىكتىرىپ وتىر. ءبىزدىڭ ەلدەرىمىز ارا­سىن­داعى سىندارلى ساياسي ۇنقا­تىسۋ جوعارى دەڭگەيدەگى جۇيەلى بايلانىستارعا نەگىزدەلگەن. مەملەكەتارالىق ءوزارا ءىس-قي­مىل­دىڭ بارلىق باعىتتارى بوي­ىنشا قازاقستانمەن ەكىجاقتى قا­تىناستاردى دامىتۋعا لاتۆيانىڭ مۇددەلى ەكەنىن ايتا كەلىپ, يۋ.ماكلاكوۆس ينۆەستيتسيا, ساۋدا-ەكو­نوميكا, ءبىلىم بەرۋ جانە تۋريزم سالالارىنداعى ىنتىماقتاستىق­تىڭ كەلەشەگى زور ەكەنىن اتاپ ءوتتى. لاتۆيا ديپلوماتىنىڭ پىكىرىنشە, پارلامەنتارالىق بايلا­نىس­تار جوعارى دەڭگەيدە قول جەتكەن ۋاعدالاستىقتاردى جۇزەگە اسىرۋعا ىقپال ەتەدى.