باۋىرلاس قالالار ىنتىماقتاستىعى

وتكەن سەنبىدە سەنات توراعاسى قايرات ءمامي استاناعا رەسمي ساپارمەن كەلگەن انكارا مەرى مەليح گوكچەكتى قابىلدادى. كەزدەسۋ بارىسىندا قازاقستان مەن تۇركيا اراسىنداعى قاتى­ناس­تاردى ودان ءارى نىعايتۋ ماسە­لە­لەرى تالقىلاندى, دەپ حابارلادى سەناتتىڭ ءباسپاسوز قىزمەتى. تۇركيا قازاقستاننىڭ ماڭىز­دى ستراتەگيالىق ارىپتەسى بولىپ تابىلادى, ءبىزدىڭ حالىقتارىمىز­دى ورتاق مادەني جانە تاريحي تا­مىرلاستىق, ءتىلىمىزدىڭ جاقىن­دى­عى بايلانىستىرادى, دەدى ق.ءما­مي. استانا مەن انكارا ارا­سىن­داعى باۋىرلاس قالالار رەتىندەگى قاتىناستاردى اتاپ وتە كەلىپ, توراعا ەكونوميكالىق دامۋ, ساياسي جانە الەۋمەتتىك جاڭعىرۋ سالا­سىن­داعى مەملەكەت الدىندا تۇر­عان مىندەتتەردى تابىستى شەشۋدە قازاقستان ەلورداسى ەرەكشە ورىن الاتىنىن اتاپ ءوتتى. توراعا, سونداي-اق پارلامەنت­ارالىق بايلانىستاردى ەكىجاقتى ىنتىماقتاستىقتىڭ ماڭىزدى بولىگى بولىپ تابىلاتىندىعىن, بيىلعى جىلى ءساۋىر ايىندا استانادا وتكەن تۇركپا-نىڭ ءىى جالپى وتىرىسىنىڭ ناتيجەلەرىن جوعارى باعالادى. ال م.گوكچەكتىڭ ايتۋىنشا, قا­زاق­­ستان مەن تۇركيا ەلوردا­لا­رى ارا­سىنداعى باۋىرلاستىق بايلانىستار ەكىجاقتى قارىم-قاتىناستاردى ودان ءارى نىعايتۋعا ىقپال ەتەدى. «ەگەمەن-اقپارات».