باس حاتشىنى قابىلدادى, پارلامەنت سپيكەرىمەن كەزدەستى

كەشە پارلامەنت ءماجىلىسىنىڭ توراعاسى, تۇركىتىلدەس مەملەكەتتەر پارلامەنتتىك اسسامبلەياسىنىڭ ءىس باسىنداعى توراعاسى ورال مۇحامەدجانوۆ اتالعان ۇيىمنىڭ باس حاتشىسى راميل عاسانوۆتى قابىلدادى, دەپ حابارلادى ءماجىلىستىڭ ءباسپاسوز قىزمەتى. باس حاتشى كەزدەسۋدە بيىلعى جىلعى 12 ماۋسىمدا ءتۇر­كياداعى پارلامەنتتىك سايلاۋدىڭ دايىن­دىعى مەن ءوتۋ بارىسى ءجو­نىندەگى تۇركپا بايقاۋشى­لارى­نىڭ ەسەبىن تابىس ەتتى. سونداي-اق ورال مۇحامەدجانوۆ تۇركپا حات­شى­لىعىنىڭ قىزمەتىمەن دە تا­نىستى. كەزدەسۋدە تۇركپا توراعاسى باس حاتشىعا اتالعان ۇيىمنىڭ, تۇركپا-نىڭ استانادا وتكەن ەكىنشى وتىرىسىندا شىعارىلعان شەشىمگە سايكەس قۇرىلعان تۇ­راق­تى كوميسسيا قىزمەتىنىڭ جۇمىس جوس­پارى جوباسىن ازىرلەۋدى تاپسىردى. سونىمەن قاتار, تۇركپا حاتشىلىعىنىڭ قۇرىلىمى تۋرالى جوبانى تابىس ەتۋدى ءوتىندى. بۇگىنگى تاڭدا تۇركىتىلدەس مەملەكەتتەر پارلامەنتتىك اسسامبلەياسى يسلام كون­فە­رەنتسياسى ۇيىمىنىڭ (يكۇ) پارلامەنتتىك وداعىندا جانە ءوز كەزەگىندە يكۇ تۇركپا-دا باقىلاۋشى مارتەبەسىنە يە بولدى. تۇركپا وكىلدەرى شىلدە ايىنىڭ باسىندا بەلگراد قالاسىندا وتەتىن ەقىۇ پا سەسسياسىنا شا­قى­رىلىپ وتىر. باسقا دا حا­لىقارالىق پارلامەنتتىك ۇي­ىم­دارمەن ءوز­ارا ىنتىماق­تاس­تىق بايلا­نىستار ورناتىلۋدا. تۇركپا باس حاتشىسى استاناعا قر سىرتقى ىستەر ءمينيسترىنىڭ شاقىرۋى بوي­ىن­شا, يكۇ-عا مۇشە ەلدەر سىرتقى ىستەر مينيستر­لەرى­نىڭ 38-ءشى سەسسياسىنىڭ جۇ­مى­سىنا قاتىسۋ ءۇشىن كەلگەن بولاتىن. *  *  * پارلامەنت ءماجىلىسىنىڭ توراعاسى, ەۋرازيالىق ەكو­­نوميكالىق قوعام­داس­تىق (ەۋرازەق) پارلامەنت­ارا­لىق اسسامبلەياسىنىڭ ءتور­اعاسى ورال مۇحامەدجانوۆ كەشە, سونداي-اق قىرعىز رەسپۋبليكاسى جوگوركۋ كە­نەشىنىڭ توراعاسى احماتبەك كەلدىبەكوۆتى دە قا­بىلدادى. كەزدەسۋ بارىسىندا ەۋرازەق مۇشەلەرى بولىپ تا­بىلاتىن قازاقستان مەن قىر­عىز­ستان­نىڭ ءوزارا كەلىسىلگەن قۇقىق­تىق ساياساتىن قالىپتاستىرۋ جونىندەگى, سون­داي-اق ەۋرازەق-تىڭ ماقساتى مەن مىندەتتەرىن جۇزەگە اسىرۋدى قامتاماسىز ەتۋدەگى ەكى مەملەكەتتىڭ ۇلت­تىق پار­لامەنتىنىڭ زاڭ شى­عارۋشى­لىق قىزمەتىن ۇيلەس­تىرۋ تۋ­را­لى وزەكتى ماسەلەلەر تال­قىلاندى. تاراپتار ەكى ەل اراسىن­داعى بايلانىستىڭ بۇگىنگى جاي-كۇيى مەن كەلەشەگى, باس­قا دا پارلامەنتارالىق ۇي­ىمدارمەن قارىم-قاتىناس تۋ­رالى ويلار ورتاعا سا­لىندى. «ەگەمەن-اقپارات».