جۇلدەگەر جۋرناليستەر

قازاقستان جۋرناليستەر ودا­عى­نىڭ باسقارماسى باق وكىلەرى اراسىنداعى شىعارماشىلىق جۇ­مىس­تار جونىندەگى رەسپۋبليكالىق كونكۋرستىڭ قورىتىندىسىن شى­عاردى. بيىلعى جىلعى قازاقستان جۋرناليستەر وداعى سىيلىعى­نىڭ تومەندەگىدەي نوميناتسيا­لارى بويىنشا لاۋرەاتتارى مەن ديپلوماتتارىنىڭ ەسىمىن جاريا­لادى. رەپورتەرلىك جۇمىس – «نەمەتسكايا ۆولنا» راديوسىنىڭ ءجۋرناليسى ۆيتالي ۆولكوۆكە – ورتا­لىق ازياداعى ماڭىزدى قوعام­دىق-سايا­سي وقيعالاردى جەدەل جەت­كىزگەنى ءۇشىن; ەكونوميكالىق شولۋ – «گولوس رەسپۋبليكي» گازەتى باس رەداك­تورىنىڭ ورىنباسارى وكسانا ماكۋشيناعا – ەلدىڭ الەۋ­مەتتىك-ەكونوميكالىق دامۋى جايىنداعى توپتاما ماتەريالدارى ءۇشىن; ساياسي ساراپتاما – «موسكوۆسكيە نوۆوستي» گازەتىنىڭ ساياسي شولۋشىسى اركادي دۋبنوۆقا – «نوۆايا گازەتا – قازاقستاندا» جاريالانعان پوستكەڭەستىك كەڭىس­تىكتەگى ازاماتتىق قوعامنىڭ دامۋ جولدارى تۋرالى پۋبليتسيس­تيكالىق ماقالالارى ءۇشىن;  جۋرناليستىك زەرتتەۋ – «وبششەستۆەننايا پوزيتسيا» گازەتىنىڭ باس رەداك­تورى باقىتگۇل ماكىمبايعا – سى­بايلاس جەمقورلىق پەن قارجى­لىق قۇقىق بۇزۋشىلىققا قاتىس­تى تالدا­ما­لىق ماتەريالدارى ءۇشىن بەرىلدى. ىزدەنۋشىلىك ماتەريال – «Central Asia monitor» گازەتىنىڭ شولۋشىسى ادولف ارتسيشەۆسكيگە – جاس جەتكىنشەكتەردى ادام­گەرشىلىك تۇرعىدا تاربيە­لەۋ­گە ىقپال ەتۋ تۇرعىسىنداعى سۇح­باتتار سەرياسى ءۇشىن; تەلەۆي­زيا­لىق جۇمىس – «قازاقپارات» اق­پارات اگەنتتىگىنىڭ بايقوڭىر عارىش ايلاعىنداعى ارناۋلى ءتىلشىسى سارا نۇرعاليەۆاعا – ەلدىڭ عارىش سالاسىنىڭ دامۋىنا قا­تىستى «كوچەۆنيك ۆسەلەننوي» تە­لەۆيزيالىق ءفيلمىن دايىندا­عا­نى ءۇشىن; زەرتتەۋ جۇمىسى – «قازاقستان» تەلەراديوكورپو­را­تسيا­سىنىڭ «قاراعاندى – قازاق­ستان» فيليالىنىڭ ءجۋرناليسى ءاشىمحان جامپەيىسوۆكە – تاۋەل­سىز قازاقستاننىڭ 20 جىلدىعىنا ارنالعان پۋبليتسيستيكالىق باع­دار­­لا­مالارى ءۇشىن; فوتوسۋرەت جۇ­­مىسى – فوتوسۋرەتشى يۋري مال­تسەۆكە (مارقۇم) – «بەزگرانيچ­نىي مير بولشوگو چەلوۆەكا» اتتى فوتوالبومدى دايىنداۋداعى كاسىبي شەبەرلىگى ءۇشىن; مەدياجوبا – «قازاق ادەبيەتى» گازەتىنىڭ باس رەداكتورى جۇماباي شاشتاي ۇلى­نا – ادەبي باسىلىمدارداعى جۋرناليستىك داستۇرلەردى قايتا جان­داندىرعانى ءۇشىن قازاقستان جۋرناليستەر وداعىنىڭ سىيلىعى بەرىلدى. ال اقپاراتتىق قىزمەتتى ۇيىم­داستىرعانى ءۇشىن «كازين­پرەسس» رەداكتسيالىق-باسپا توبى امانگەلدى احمەتالىموۆ اتىن­داعى سىيلىقپەن «Tengrinews.kz» ينتەرنەت-پورتالىنىڭ شىعارماشىل توبىن, «قازاقستان – ZAMAN» حالىقارالىق گازەتى راحىمباي حانالى اتىنداعى سىي­لىقپەن «ار-اي» تارازدىق  جاستار گازەتىنىڭ ءفوتوتىلشىسى التىن­بەك قارتاەۆتى ماراپاتتادى. سون­داي-اق «ايعاق–تۆ» تەلەرا­ديوكومپانياسىنىڭ, «قازاقستان» تەلەراديوكورپوراتسياسىنىڭ, «كتك» تەلەارناسىنىڭ, «دوبرىي ۆەچەر!» (پەتروپاۆلوۆسك) گازەتى­نىڭ, «كاراۆان», «نادەجدا» (ورال), «ۋيعۋر اۆازي» گازەتتەرىنىڭ جانە «ال-پاري» جۋرنالىنىڭ شىعار­ماشىلىق ۇجىمدارى ەل تاۋەل­سىزدىگىنىڭ 20 جىلدىعى قارسا­ڭىن­دا قازاقستاندىق ءباسپاسوزدىڭ دا­مۋىنا قوسقان ۇلەسى ءۇشىن قازاق­ستان جۋرناليستەر وداعى­نىڭ ديپلومدارىنا يە بولدى. قازاق-بريتان تەحنيكالىق ۋنيۆەرسيتەتىنىڭ رەكتورى ەسكەندىر بەيسەمبەتوۆ, «نۇر وتان» حدپ ءباسپاسوز قىزمەتىنىڭ جەتەكشىسى جانار بەكبانوۆا, قازاق­ستان­نىڭ اقش-تاعى توتەنشە جانە وكىلەتتى ەلشىسى ەرلان ىدى­رىسوۆ, قازاقستان پارلامەنتى سەناتى ءباسپاسوز قىزمەتىنىڭ جەتەكشىسى راۋشان قاجىباەۆا, ەقىۇ وكىلدىگىنىڭ باق بوس­تا­دىعى جونىندەگى باسشىسى دۋني مياتوۆيچ, قىرعىزستان رەسپۋب­لي­ك­اسىنىڭ پرەزيدەنتى روزا وتۋن­باەۆا, «قازاقستان حالىق بانكى» اق باسقارما توراعاسى ءۇمىت شاياحمەتوۆا ءباسپاسوزدى قول­داۋ جانە جۋرناليستەرمەن جاقسى قارىم-قاتىناس ورناتقاندارى ءۇشىن قازاقستان جۋرناليستەر وداعىنىڭ ديپلومدارىمەن ماراپاتتالدى.