ءتىل مايدانىنىڭ مايتالماندارى

مادەنيەت مينيسترلىگىنىڭ ءتىل كوميتەتى مەملەكەتتىك ءتىل سايا­سا­تىن بۇقارالىق اقپارات قۇرال­دارىن­دا كەڭىنەن ناسيحاتتاۋ, مەم­لەكەتتىك ءتىلدىڭ قازاق جانە ورىس ءتىلدى باسىلىمداردا ناسيحاتتالۋ بەلسەندىلىگىن ارتتىرۋ ماقساتىندا «مەملەكەتتىك ءتىل جانە بۇقارا­لىق اقپارات قۇرال­دارى» اتتى رەسپۋب­ليكالىق كونكۋرس جاريا­لان­عان بولاتىن. جۋر­ناليستەر مە­رەكەسى قار­سا­ڭىن­دا وسى كون­كۋرس­تىڭ قو­رى­­تىن­دىسىن جاريالادى. سونىمەن كونكۋرس ەرەجەسىنە سايكەس – «ۇزدىك اۆتور» نومينا­تسيا­سى ءتورت باعىتتا باعالاندى. ولار: ءباسپاسوز, تەلەارنا باعدار­لا­مالارى, راديو حابارلارى جانە سايت ماتەريالدارى. قازىلار القاسىنىڭ شەشىمىمەن ءى ورىندى – اقمولا وبلىسى «ارقا اجارى» گازەتىنىڭ ءتىلشىسى قايىرباي تورەعوجا, «ەگەمەن قا­زاق­ستان» گا­زەتى­نىڭ شولۋشىسى – ءسۇ­لەيمەن مامەت, «قازاقستان» تە­لە­ارناسى­نىڭ كوم­مەنتاتورى گۇل­ناز ايتاقوۆا يەلەنسە, ءىى ورىن – «اي­قىن» گازەتى­نىڭ ءتىلشىسى كام­شات تاس­بولاتوۆاعا, باتىس قازاق­ستان وب­لىستىق «ينفورمبيرجا» گازەتىنىڭ ءتىلشىسى ناتاليا جۋكوۆاعا, اقتوبە وبلىستىق تە­لەارناسىنىڭ قىزمەت­كەرى اياگوز پاتيلاقىزى مەن قازاق راديوسى­نىڭ قىز­مەت­كەرى وڭعاربەك قۇرالوۆ­قا بۇ­يىردى. ال «انا ءتىلى» گازەتى­نىڭ ءبولىم رەداكتورى دينارا ىزتىلەۋ, «الاش ايناسى» گا­زەتى­نىڭ ءتىلشىسى ساكەن كوكەنوۆ, «7» تەلەارنانىڭ «نىسانا» باعدارلا­ما­سىنىڭ ءتىلشىسى ساكەن ابديەۆ, اق­توبە وب­لىستىق «ريكا-تۆ» جۋر­­نا­ليسى جانارگۇل دوسوۆا  ءىىى ورىن الدى. بەرىك سادىر. سۋرەتتى تۇسىرگەن ورىنباي بالمۇرات.