ەلشىلىك ەسىگىن اشتى

كەشە سىرتقى ىستەر ءمينيسترى ەرجان قازىحانوۆ قا­زاق­ستانعا رەسمي ساپارمەن كەلگەن سەربيا رەسپۋب­لي­كا­سى­نىڭ مەملەكەتتىك حاتشىسى يۆان مركيچپەن كەزدەستى. كەزدەسۋ بارىسىندا تاراپتار ەكى ەلدىڭ اراسىنداعى ەكونو­مي­كالىق ىن­تى­ماقتاستىقتار, ءما­دەني-گۋما­ني­­تار­لىق بايلا­نىس­­تاردى دامىتۋ ماسەلە­لە­رىنىڭ وزەكتى ماسەلەلەرى بوي­ىنشا پىكىر الماستى. سونىمەن بىرگە ۇكىمەتارالىق كوميسسيا­نىڭ وتى­رىسىندا قارالۋعا ءتيىستى ماسە­لەلەردى تالقىلادى. ونىڭ نەگىزگى باعىتتارىن 2010 جىلدىڭ قازان ايىندا قازاق­ستان پرەزيدەنتى نۇر­سۇلتان نازارباەۆ پەن سەربيا پرەزيدەنتى بوريس تاديچ سوڭعىنىڭ اس­تا­ناعا رەسمي ساپارمەن كەلگەن جو­لىنداعى ەكىجاقتى كەزدەسۋدە انىق­تاعان ەدى. سول ساپارىندا ەلباسى ن.نازارباەۆ پەن ب.تاديچ استانادا سەربيا رەس­پۋبليكاسىنىڭ ەلشىلىگىن اشۋ تۋرالى كەلىسىمگە دە قول جەتكىزگەن بولاتىن. كەشە, سىرتقى ىستەر ءمينيسترى ە.قا­زىحانوۆپەن بولعان كەزدەسۋدەن شىققان سوڭ سەر­بيانىڭ مەملەكەتتىك حاتشىسى يۆان مركيچ سول تاپ­سىرمانى ورىن­داۋعا كەلگەنىن دە ءمالىم ەتتى. ەلشىلىك سەربيا مەن قا­زاق­ستان اراسىنداعى بەرىك بايلا­نىسقا دانەكەر بولار دەگەن سەنىمدەمىز, دەدى ول جۋرناليستەرگە. كەشە كەشكىلىك وسى ەلشى­لىكتىڭ سالتاناتتى اشىلۋ ءراسىمى بولدى. ول ەلورداداعى قىمبات قوناقۇيلەردىڭ ءبىرى «رەديس­سون­دا» ەسىگىن اشتى. جاقسىباي سامرات.