قوس قۇرامانىڭ قۋانىشى

استانادا گرەك-ريم كۇرەسىنەن قا­زاقستان رەسپۋبليكاسى پرەزيدەنتى نۇر­سۇل­تان نازارباەۆتىڭ كۋبوگى جولىن­داعى ءىى حالىقارالىق تۋرنير اياقتالدى. «سامۇرىق-قازىنا» ۇاق» اق-تىڭ باس دەمەۋشىلىگىمەن, تۋريزم جانە سپورت مينيسترلىگىنىڭ قولداۋىمەن وتكەن تۋرنير باس-اياعىنا دەيىن قىزىقتى جانە تارتىستى ءوتتى. وندا قۇرامالار ەكى توپقا ءبولىنىپ, «ا» توبىندا قازاقستان-2, وزبەكستان, قىر­عىزستان, ءازىربايجان مەن ۆەنگريا كوماندالارى كۇش سىناسسا, «ۆ» توبىندا تۇيە بالۋان نۇرماحان تىناليەۆ باستاعان قازاقستاننىڭ ءبىرىنشى قۇراماسى, ءوڭتۇس­تىك كورەيا, جاپونيا, قىتاي مەن بەلارۋس بالۋاندارى بەلدەستى. وسى توپتاردا ۇزدىك شىققان ءتورت كوماندا جارتىلاي فينالدا كەزدەسىپ, شەشۋشى سىنعا جولداما الدى. ءسويتىپ, جارتىلاي فينالدا قارسىلاس­تارى­نان ەسە جىبەرگەن قازاقستان-2 قۇرا­ماسى مەن وڭتۇستىك كورەيا بالۋاندارى ءۇشىنشى ورىن ءۇشىن بەلدەسسە, فينالدا قازاقستاننىڭ ءبىرىنشى قۇراماسى ۆەنگريا كومانداسىمەن كەزدەستى. وسى ەكى كەزدەسۋ دە بىلىكتى باپكەر مۇ­رات­بەك قاسىمحانوۆ باسقاراتىن قۇراما­لارى­مىز ءۇشىن وڭاي بولعان جوق. اسىرەسە, فينالدا ءبىزدىڭ بالۋاندارىمىز بەن باپكەرلەرىمىز ءبىراز قارا تەرگە ءتۇستى دەۋگە بولادى. 7 سالماق دارەجەسىندە وتكەن فينالدا قازاقستان-1 كومانداسى قارسىلاس­تارىن 4:3 ەسەبىمەن جەڭىپ, باس جۇلدەگە يە بولدى. بۇل باسەكەدە اسحات قۇدايبەر­گەنوۆ (55 كگ.), اسحات دىلمۇحاممەدوۆ (74 كگ.), المات كەبىسباەۆ (60 كگ.) پەن اسا اۋىر سالماقتاعى نۇرماحان تىناليەۆ ۆەنگرلەردى جەڭسە, دارحان باياحمەتوۆ (66 كگ.), الزاحور وزديەۆ (84 كگ.) پەن مارعۇلان اسەم­بەكوۆ (96 كگ.) ەسە جىبەرىپ الدى. فينالدا تىناليەۆ پەن ديك-باردوس ءميحاليديدىڭ بەلدەسۋى تارتىستى ءوتتى. سول كۇنى ەكى الىپتىڭ كۇرەسىنە دەيىن تابلودا ەسەپ 3:3 بولىپ تۇردى. 74 كگ. سالماققا دەيىن قازاق­ستان قۇراماسى 3:1 ەسەبىمەن جەڭىپ جاتقان بولاتىن. ا.وزيەۆ پەن م.اسەمبەكوۆتىڭ جەڭىلىسى ۆەنگرلەرگە ەسەپتى تەڭەستىرۋگە ءمۇم­كىندىك بەردى. الايدا, ءبىزدىڭ تۇيە بالۋان­نىڭ نامىسقا تىرىسىپ, سوڭعى ساتتە ۆەنگردى الىپ سوققاندا «داۋلەت» سپورت كەشەنىنە جينالعان مىڭداعان جانكۇيەرلەردىڭ ەس-ءتۇسى كەتتى دەسە بولادى. وسى كەزدە نۇرماحان وزىنە لايىقتى باتىر دەگەن اتتى تاعى دا دالەلدەدى. ال ءۇشىنشى ورىن ءۇشىن كەزدەسۋدە قازاقستان-2 قۇ­راماسى كورەيا بالۋاندارىن 5:2 ەسەبىمەن ۇتتى. ءبىزدىڭ كوماندادا نۇرباقىت تەڭىز­باەۆ (60 كگ.), ايبەك ەڭسەحانوۆ (66 كگ.), اسەت ءادىلوۆ (74 كگ.), جاناربەك قاب­دولوۆ (84 كگ.), ەسەنگەلدى جالعاسباەۆ (120 كگ.) جەڭىسكە جەتسە, بەكجان مىرزاليەۆ (55 كگ.) پەن جاسۇلان سىدىقوۆ (96 كگ.) ەسە جىبەردى. ءسويتىپ, قولا جۇلدەنى يەلەنگەن ەكىن­شى قۇرامامىزعا 10 مىڭ اقش دول­لارى, ەكىنشى ورىنداعى ۆەنگرياعا 15 مىڭ اقش دوللارى, ال باس جۇلدەنى جەڭگەن قازاق­ستان-1 كومانداسىنا 25 مىڭ اقش دول­لارى تابىس ەتىلدى. ال قالعان كومان­دالارعا 5 مىڭ اقش دوللارىنان تارا­تىلدى. وسى تۋرنيردە قازاق بالۋاندارى تەك ءبىزدىڭ ەكى قۇرامامىزدا عانا ەمەس, شەتەل كوماندالارىنىڭ ساپىندا دا ونەر كور­سەتتى. مىسالى, قىتاي قۇراماسىندا عى­لىم­بەك قاناپيا ۇلى, ەسجان مۇحتارجان بەلدەسسە, بەلارۋس ساپىندا ءبىر جىلدان بەرى وسى ەلدىڭ ازاماتتىعىن العان ەربول قالاباەۆ كۇش سىناستى. ول بىلىكتى باپكەر ساپۋنوۆتان ءتالىم العان كورىنەدى. تاعى ءبىر ايتاتىن نارسە, تۋرنيرگە حالىقارالىق كۇرەس قاۋىمداستىعىنىڭ پرەزيدەنتى را­فاەل مارتينەتتي مىرزا دا كەلگەن بو­لاتىن. ول وسى مۇمكىندىكتى پايدالانىپ, ەلىمىز كۇرەسىن وركەندەتۋگە قوسقان ۇلەسى ءۇشىن ءبىر توپ ازاماتتارعا FILA وردەنىن تابىس ەتتى. ءسويتىپ, FILA-نىڭ «التىن» ور­دەنى تۋريزم جانە سپورت ءمينيسترى تال­عات ەرمەگياەۆكە, وليمپيادا چەمپيونى جاقسىلىق ۇشكەمپىروۆ پەن بىلىكتى باپكەر ۆاديم پسارەۆكە بەرىلسە, «كۇمىس» وردەن ەڭبەك سىڭىرگەن جاتتىقتىرۋشى تاڭات ساعىندىقوۆقا, كۇرەس فەدەراتسياسىنىڭ ۆيتسە-پرەزيدەنتى رايا ۇدەرباەۆا مەن باپكەر مۇحتار ابدۋلينگە تابىس ەتىلدى. ال «سامۇرىق-قازىنا – استانا» قورىنىڭ باس ديرەكتورى, داڭقتى بالۋان داۋلەت تۇر­لىحانوۆتى رافاەل مارتينەتتي قۇر­مەت پەن دوستىقتىڭ بەلگىسى رەتىندە FILA-نىڭ ءتوس بەلگىسىمەن ماراپاتتادى. داستان كەنجالين.