اتقارۋشى ديرەكتورمەن كەزدەستى

22 ماۋسىمدا قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) اتقارۋشى ديرەكتورى چينار الدەميردى قابىلدادى, دەپ حابارلادى وسى ۆەدومستۆونىڭ ءباسپاسوز قىزمەتى. قابىلداۋ كەزىندەگى اڭگى­مەدە قازاقستان سىرتقى ساياسات ۆەدوم­ستۆوسىنىڭ باسشىسى اوسشك ۋاقىت وتكەن سايىن الەمدىك قو­عام­داستىقتا جوعارى بەدەلگە يە بولىپ كەلە جاتقانىن اتاپ ءوتتى. ءمينيستردىڭ اتاپ وتۋىنشە, بۇعان بۇۇ-نىڭ كەڭەستى ورتالىق ازيا­داعى, سونداي-اق اۋعانستانداعى تەر­روريزممەن كۇرەس جونىندەگى جۇ­مىس توبىنا كىرگىزگەنى جانە ەقىۇ-نىڭ جانجالداردىڭ ال­دىن الۋ بويىنشا  جۇمىس توبىنا ەنگىزگەنى ناقتى دالەل بولادى. ەرجان قازىحانوۆ, سونداي-اق ءتۇر­كيانىڭ اوسشك توراعا­لى­عى­نا قولداۋ كورسەتكەنى ءۇشىن رەسمي انكاراعا العىس ايتتى. وعان مى­سال رەتىندە تۇركيا پرەزيدەنتى ابدۋللا گۇلدىڭ اۆسترياعا مەملەكەتتىك ساپارى بارىسىندا اوسشك-ءنىڭ نەگىزگى باسىمدىق­تا­رى­نا ارنال­عان تۇساۋكەسەردى كەلتىردى. قابىلداۋدا تاراپتار وسى جىل­­دىڭ كۇزىندە نيۋ-يوركتە وتە­تىن بۇۇ باس اسسامبلەياسى كەزەكتى وتىرىسىنىڭ الاڭىندا اوسشك سىرتقى  ىستەر مينيستر­لەرىنىڭ بەيرەسمي كەڭەسىن شاقىرۋ جونىندەگى تۇركيانىڭ ۇسىنىسىن دا تالقىلادى. كەزدەسۋ كەزىندە مينيستر اتقارۋشى ديرەكتوردى وسى ماۋسىم ايىنىڭ سوڭىندا استانادا وتەتىن يكۇ سىرتقى ىستەر مينيسترلەرى كەڭەسىنىڭ 38-ءشى سەس­سيا­سىنىڭ كۇن تارتىبىمەن تانىس­تىردى. ءاليسۇلتان قۇلانباي.