نوتارياتتىق قىزمەت جەتىلدىرىلەتىن بولدى

پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتانىڭ سارسەنبى كۇنگى جالپى وتى­رىسىندا بىرقاتار زاڭ جوبالارى ماقۇلداندى. اۋەلى «قا­زاق­ستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا تالقىعا ءتۇستى, دەپ حابارلادى وسى پالاتانىڭ ءباسپاسوز قىزمەتى. ادىلەت ءمينيسترىنىڭ ورىن­با­سا­رى ءامىرحان امانباەۆ بايانداما جاساپ, زاڭناما جانە سوت-قۇقىق­تىق رەفورما كوميتەتىنىڭ مۇشەسى زاعيپا باليەۆا قوسىمشا تۇسىنىك بەرگەن وسى زاڭ جوباسىمەن زيات­كەرلiك مەنشiك قۇقىعى ماسەلە­لە­رiن رەتتەيتىن قولدانىستاعى زاڭ­نا­مالىق اكتiلەرگە وزگەرiستەر مەن تولىقتىرۋلار ەنگiزۋ كوزدەلگەن. ازاماتتىق كودەكسكە ەنگىزىلىپ وتىرعان وزگەرىستەر ءارتۇرلى تاۋار­لاردى, جۇمىستاردى جانە قىز­مەت­تەردى دارالاندىرۋ قۇرال­دا­رى­­نىڭ تىركەۋ باسىمدىعىن زاڭ­نا­مالىق دەڭگەيدە رەتتەۋگە باعىت­تالعان. ويتكەنى, قازىرگى تاڭدا ءبىر-بىرىنە ۇقساس نەمەسە ارالاسىپ كەتكەن بىردەي تاۋار تاڭبالارى مەن فيرمالىق اتاۋلاردى تىركەۋ بارىسىندا ماسەلەلەر تۋىنداي­دى. بۇدان باسقا, جوباعا سايكەس كەز كەلگەن تۇلعا ۋاكىلەتتى ورگانعا تاۋار تاڭبالارىنىڭ پايدالا­نى­ل­­ماۋىنا بايلانىستى ونى جارام­سىز دەپ تانۋ تۋرالى قارسىلىق بەرۋگە قۇقىلى بولىپ تابىلاتىن تاۋار تاڭبالارىن پايدالانباۋ ماسەلەلەرى بويىنشا زاڭنامالىق اكتىلەردىڭ نورمالارىن بىردەي قولدانۋ كوزدەلىپ وتىر. قازاقستان رەسپۋبليكاسىنىڭ ءبۇ­­كىلالەمدىك ساۋدا ۇيىمىنا (بسۇ) كىرۋى شارتتارىنىڭ ءبىرى ۇلتتىق زاڭ­نامانىڭ نورمالارىن ۇيىم شەڭ­بە­رىندە جاسالعان          زياتكەرلىك مەنشىكتىڭ ساۋدا اسپەكتىلەرى بويىنشا (تريپس) كەلىسىم­نىڭ تالاپ­تارى­نا سايكەس كەلتىرۋ بولىپ تابىلادى. وسىعان بايلانىستى «تاۋار تاڭ­بالارى, قىزمەت كورسەتۋ تاڭ­با­لارى جانە تاۋار شىعارىلعان جەرلەردىڭ اتاۋ­لارى تۋرالى» زاڭ­عا ەنگىزىلىپ وتىرعان وزگەرىستەر مەن تولىقتىرۋلار تاۋار تاڭ­با­لا­رى مەن گەوگرافيالىق كورسەت­كىش­­تەردى تىركەۋ باسىمدىعىن رەتتەيتىن نورمالاردى جەتىلدىرۋگە جانە زاڭنا­ما­نى حالىقارالىق قۇقىق نورمالارىمەن ۇيلەستىرۋگە با­عىت­تالعان. زاڭ جوباسى ءبىرىنشى وقىلىمدا ماقۇلداندى. كەلەسى كەزەكتە ۇجىمدىق قاۋىپ­سىزدىك تۋرالى شارتقا قاتى­سۋشى مەملەكەتتەر اراسىنداعى حاتتامانى بەكىتۋدى كوزدەيتىن ەكى زاڭ جوباسى قارا­لىپ, تولىقتاي ماقۇلداندى. زاڭ جو­با­لارىنىڭ ماقساتى تۋرالى قورعا­نىس مي­نيس­ترىنىڭ ورىنباسارى اسەت قۇر­مانعاليەۆ بايانداما جاسادى. حا­لىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ەرجان يساقۇلوۆ قوسىمشا ءتۇسى­نىك بەردى. سونداي-اق «نوتاريات تۋرالى» زاڭعا وزگەرىستەر مەن تولىقتىرۋ­لار ەنگىزۋدى قاراستىراتىن زاڭ جو­باسى تالقىلاندى. بۇل زاڭ جو­باسى نو­تا­رياتتىق قىزمەتتى مەملەكەتتىك رەتتەۋدى جەتىلدىرۋ جانە سىبايلاس جەم­قور­لىققا جاعداي جاسايتىن ءبىر­قاتار نورمالاردى الىپ تاستاۋ ماقساتىندا ازىرلەن­گەن. وسىنى ەسكەرگەن دەپۋتاتتار بىرقاتار تالقى­لاۋدان سوڭ زاڭ جوباسىن ماقۇلداۋ كەرەك دەپ شەشتى. سونداي-اق «قازاقستان رەس­پۋب­ليكا­سىنىڭ كەيبىر زاڭناما­لىق اكتىلەرىنە ەكولوگيالىق ءما­سە­لەلەر بوي­ىن­شا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا تالقى­عا شىعارىلدى. ءما­جىلىستىڭ ەكو­لو­گيا ماسەلەلەرى جانە تابيعات پايدالانۋ كوميتەتىنىڭ مۇشەسى, جۇمىس توبىنىڭ جەتەكشىسى ۆلاديمير نەحوروشەۆ بايانداما جاساپ, زاڭ جو­باسى تۋرالى جان-جاق­تى ماعلۇمات بەردى. زاڭ جوبا­سى­نىڭ ءبىرىنشى وقىلىمدا قابىل­دان­عان بىرقاتار نورمالارىنىڭ رە­داكتسياسى ناق­تى­لانىپ, جەتىلدىرىلگەن. زاڭ جوباسى ەكىنشى وقىلىمدا ماقۇلداندى.