زاڭدار حالىقارالىق قۇقىقپەن ۇيلەسىم تابادى

كەشە پارلامەنت سەناتىنىڭ توراعاسى قايرات ءماميدىڭ توراعالىق ەتۋىمەن جوعارى پالاتانىڭ وسى سەسسياداعى سوڭعى وتىرىسى بولدى. سەناتتىڭ بۇل وتىرىسىندا قا­­راۋ ءۇشىن پالاتا بيۋروسى 18 ماسەلە ۇسىنىپتى. ونىڭ ەڭ ال­عاشقىسى رەسپۋبليكالىق بيۋد­جەت­تىڭ اتقارىلۋىن باقىلاۋ ءجو­نىندەگى ەسەپ كوميتەتىنىڭ مۇشەسىن سايلاۋ ەكەن. ول بويىنشا دەپۋتاتتار پارلامەنت سەناتى ءتور­اعاسىنىڭ ۇسىنىسىن قاراي كەلىپ, كەزىندە مەملەكەتتىك قارجى-با­قى­لاۋ كوميتەتىندە, جوعارعى كە­ڭەستەگى باقىلاۋ پالاتاسىندا, قارجى مينيسترلىگىندە جاۋاپتى قىزمەتتەر اتقارعان سەناتور جانسەيىت سارسەنقۇلوۆتى تاعايىن­داۋ­عا وزدەرىنىڭ تولىق قوسى­لا­تىن­دىقتارىن داۋىستارىن بەرۋلەرىمەن دالەلدەدى. ءسويتىپ, بۇ­رىنعى سەناتور كاسىبي سالاعا قىز­مەت اۋىستىردى. سونىمەن قاتار, پالاتا باسقا جۇمىسقا اۋىسۋىنا بايلانىستى پارلامەنت سەناتى­نىڭ دەپۋتاتى ج.سارسەن­قۇلوۆ­تىڭ وكىلەتتىگىن توقتاتتى. ءبىرىنشى كەزەكتە قارالعان «قا­زاقستان رەسپۋبليكاسى مەن تۇرىك رەسپۋبليكاسى اراسىنداعى سترا­تە­گيالىق ارىپتەستىك تۋرالى شارت­تى راتيفيكاتسيالاۋ تۋرالى» زاڭ جوباسىنا نەگىز بولعان ۋاعدا­لاستىق 2009 جىلعى 22 قازاندا انكارا قالاسىندا جاسالعان بو­لا­تىن. شارتتىڭ ماقساتى قازاق­ستان مەن تۇركيا اراسىنداعى سايا­سي, ەكونوميكالىق, عىلىمي-تەح­ني­كالىق, ەكولوگيالىق, اقپارات­تىق, گۋمانيتارلىق, مادەني جانە باسقا دا سالالارداعى ەكىجاقتى ىنتىماقتاستىققا جاڭا ساپا بەرۋ, سونداي-اق ونىڭ قۇقىقتىق با­زاسىن نىعايتۋ بولىپ تا­بى­لا­دى. قازاقستان تاۋەلسىزدىگىن ال­عان­دا العاش تانىعان باۋىرلاس ءتۇ­رىك ەلىمەن ىنتىماقتاستىقتى كوز­دەيتىن زاڭ جوباسىنا دەپۋت­تات­­تار ءبىراۋىزدان قولداۋ ءبىل­دىردى. مۇنان سوڭ دەپۋتاتتار, كۇن تارتىبىنە سايكەس, بىرقاتار حالىق­ارالىق كەلىسىمدەر مەن شارت­تار­دى تالقىلاپ, راتيفيكاتسيالاۋ تۋ­رالى زاڭ جوبالارىن قابىلدادى. بۇل كۇنى سەناتورلار الدىنا ەڭ ءجيى شىققان مينيستر ەلىمىزدىڭ ەكونوميكالىق ينتەگراتسيا مي­نيس­ترى جانار ايتجانوۆا بولدى. جانار سەيداحمەتقىزى ءبىر ەمەس, باقانداي 5 زاڭ جوباسىنا قاتىس­تى مىنبەرگە كوتەرىلدى. ول نەگى­زىنەن ەلىمىزدىڭ ينتەگراتسيالىق بىرلەستىكتەرگە – كەدەن وداعى مەن بىرىڭعاي ەكونوميكالىق كەڭىس­تىك­كە قاتىسۋشى مەملەكەتتەردىڭ قىز­مەتىنە قاتىستى كەلىسىمدەر توپتاماسىن راتيفيكاتسيالاۋ ءما­سەلەلەرى بولاتىن. كەلىسىمدەردەگى مالىمەتتەر بوي­ىنشا ج.ايتجانوۆا, اۋىل شارۋا­شىلىعى ءمينيسترى ا.مامىت­بەكوۆ, ۇلتتىق بانك توراعا­سىنىڭ ورىنباسارى ب.تاجىياقوۆ دەپۋتات­تار­دىڭ كوپتەگەن ساۋالدارىنا جاۋ­اپ بەردى. تالقىلاۋ ناتيجەسى بويىنشا زاڭ جوبالارى قابىل­دان­دى. ال تۇرعىن ءۇي قاتىناس­تا­رى جانە يسلامدىق قارجىلاندى­رۋدى ۇيىمداستىرۋ ماسەلەلەرى بويىنشا زاڭ جوبالارى سەنات ەن­گىزگەن وزگەرىستەرىمەن پارلامەنت ماجىلىسىنە قايتارىلدى. وسى سەسسيانىڭ سوڭعى وتى­رى­سىندا قارالۋعا ءتيىس ماسەلەلەردىڭ ىشىنە «قازاقستان رەسپۋبليكا­سى­نىڭ ۇكىمەتى مەن فرانتسۋز رەس­پۋبليكاسىنىڭ ۇكىمەتى ارا­سىن­دا­عى ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىن­تى­ماق­تاستىق تۋرالى كەلىسىمدى را­تي­فيكاتسيالاۋ تۋرالى» جانە «قا­زاقستان رەسپۋبليكاسىنىڭ ۇكى­مەتى مەن فرانتسۋز رەسپۋبليكا­سى­نىڭ ۇكىمەتى اراسىنداعى فران­تسۋز رەسپۋبليكاسى قارۋلى كۇش­تە­رىنىڭ اۋعانستان يسلام رەس­پۋبليكاسىن تۇراقتاندىرۋ مەن قالپىنا كەلتىرۋ جونىندەگى ءىس-قي­مىلدارعا قاتىسۋىنا بايلانىستى قازاقستان رەسپۋبليكاسىنىڭ اۋما­عى ارقىلى اسكەري م ۇلىك پەن پەرسونالدىڭ ءترانزيتىن قامتا­ماسىز ەتۋ تۋرالى كەلىسىمدى راتي­فيكاتسيالاۋ تۋرالى» زاڭدار ەن­گىزىلگەن ەكەن, ولار دا قابىلدان­دى. باسقا دا بىرقاتار زاڭ جو­بالارى ماقۇلداندى. وتىرىس سوڭىندا جوعارى پا­لا­تانىڭ باسشىسى بيىلعى سەس­سياداعى سەنات قىزمەتىنىڭ قورى­تىندىلارى تۋرالى ايتتى جانە دەپۋتاتتىق كورپۋس پەن پالاتا اپپاراتىنىڭ قىزمەتكەرلەرىنە قا­جىرلى قىزمەتىنە وراي ريزا­شىلىعىن ءبىلدىردى. وتىرىستا ءداستۇر بويىنشا سەناتورلار تاراپىنان دەپۋتات­تىق ساۋالدار جاريا ەتىلدى. ا.بي­جانوۆ, ر.احمەتوۆ, ح.ۆاليەۆ, ق.بايماحانوۆ جانە س.پلوتنيكوۆ ەل ومىرىندەگى كوكەيكەستى ماسەلە­لەر بويىنشا دەپۋتاتتىق ساۋالدارىن جولدادى. انار تولەۋحانقىزى.