جيىرما جىل جەتىستىكتەرى

«تاۋەلسىزدىككە 20 جىل: قازاقستان جولى» دەگەن  تاقىرىپپەن سەمەي مەملەكەتتىك پەداگوگيكا ينستيتۋتىندا دوڭگەلەك ۇستەل وتكىزىلدى. اقش, وڭتۇستىك كورەيا, رەسەي جانە قازاقستان عالىمدارى قاتىسقان القالى جيىندا ەگەمەن ەلىمىزدىڭ 20 جىل ىشىندەگى الەۋمەتتىك-ەكونوميكالىق سالالار­داعى جەتىستىكتەرىمەن بىرگە, بولاشاقتاعى دامۋ باعىتتارى تالقىلاندى. دوڭگەلەك ۇستەلگە قاتىسۋشىلار اتالعان ينستيتۋتتىڭ رەكتورى, تاريح عىلىمدارىنىڭ دوكتورى, پروفەسسور م.ەسكەندىروۆتىڭ, قازاق­ستان پەداگوگيكا عىلىمدارى اكادەمياسىنىڭ پرەزيدەنتى, پەداگوگيكا عىلىمدارىنىڭ دوك­تورى, پروفەسسور ا.قۇسايىنوۆتىڭ, توم مەملەكەتتىك پەداگوگيكالىق ۋنيۆەرسيتەتىنىڭ پرو­­فەس­سورى ا.سيتنيكوۆانىڭ, التاي مەملەكەتتىك پەداگوگيكالىق اكادەمياسىنىڭ پرو­فەس­سورى پ.شەپتەنكونىڭ, دجيونگسانگ (وڭتۇستىك كورەيا) ۇلتتىق ۋنيۆەرسيتەتىنىڭ ۆيتسە-پرەزيدەنتى, پروفەسسور تە دجونگتىڭ, پيتتسبۋرگ (اقش) مەملەكەتتىك ۋنيۆەر­سي­تەتىنىڭ ورتالىق ازياداعى زەرتتەۋلەر ورتا­لىعىنىڭ پرو­فەس­سورى چۋنگ ءليدىڭ جانە تاعى باسقا بىلىكتى عالىمداردىڭ تاۋەل­سىز قازاقستاننىڭ 20 جىل ىشىندەگى ءجۇرىپ وتكەن جولى تۋرالى سىندارلى ءسوز­دە­رىن زەيىن قويا تىڭدادى. قازاقستانداعى ادام كاپيتالىنىڭ ساپا­سى تۋرالى ءسوز قوزعالعاندا كورەيادان كەلگەن قوناق دجونگسانگ ۇلتتىق ۋنيۆەرسيتەتىندە ەكىجاقتى كەلىسىم ناتيجەسىندە وقىپ جاتقان سەمەي پەداگوگيكالىق ينستيتۋتىنىڭ ستۋدەنتتەرى تۋرالى جىلى لەبىز بىلدىرە كەتۋدى ۇمىتپادى. دوڭگەلەك ۇستەلگە قاتىسۋشىلار ەلىمىز­دىڭ وتكەن 20 جىل ىشىندەگى جەتىستىكتەرىن ءبىراۋىز­دان ۇلت كوشباسشىسى نۇرسۇلتان نازار­باەۆتىڭ اتىمەن تىعىز بايلانىس­تىردى. داۋلەت سەيسەن ۇلى. سەمەي.