eGov.kz پورتالى وسى جەردەن جەكە تۇلعاعا جشس تىركەلگەنى تۋرالى بىلۋگە بولادى

بۇگىنگى كۇنى ەلەكتروندى ۇكى­مەتتىڭ پورتالىنان زاڭدى تۇلعا­نىڭ, ونىڭ  بولىمشەسى نەمەسە وكىلدىگى  تۋرالى  انىقتامانى تەگىن الۋعا بولادى. بۇرىن بىرنەشە كۇن كۇتەتىن اقپاراتتى ەندى www.egov.kz  پور­تا­لىنان  30 مينۋتتىڭ ىشىندە الا الاسىز. انىقتامانى الۋ ءۇشىن جۇيەگە زاڭدى تۇلعا تۋرالى مالىمەتتەردى: بسن, نەمەسە ۇيىمنىڭ اتاۋىن, سالىق تولەۋشىنىڭ ءنومىرىن نەمەسە باسشىنىڭ اتى-ءجونىن ەنگىزۋ كەرەك. بۇعان قوسا, قازىرگى ۋاقىتتا  eGov پورتالىندا جەكە تۇلعالار­دىڭ زاڭدى تۇلعاعا قاتىسى بار­لىعى (جوقتىعى) تۋرالى انىقتا­مانى تەگىن الۋعا بولادى. ول ءۇشىن جەكە تۇلعانىڭ جسن ءنو­مىرىن بىلسەڭىز جەتكىلىكتى. ۇكىمەت پەن ازاماتتىڭ دەلدال­دارسىز,  تىكەلەي قارىم-قاتىناس ورناتۋى قازاقستاننىڭ دەمو­كرا­تيالىق قوعامى ءۇشىن قا­لىپتى جاعداي. مەملەكەتتىڭ اقپارات­تىق تەحنولوگيالاردى كۇن­دە­لىكتى ومىرگە ەنگىزۋى ءوز ءنا­تي­جەسىن بەرۋدە: كوپتەگەن مەملەكەتتىك قىزمەت كورسەتۋلەر كەز كەلگەن قازاقستاندىق ءۇشىن ينتەرنەت جەلىسىندە قول­جەتىمدى. قازىرگى كۇنى ەلەك­ترون­دى ۇكىمەت پور­تالى 70-تەن استام ەلەك­تروندىق قىزمەت كور­سە­تۋلەر ۇسى­نادى, 2011جىلدىڭ با­سىنان بەرى 3 ميلليوننان استام  ەلەكتروندىق  انىق­­تاما  بەرىلدى. بايلانىس جانە اقپارات مينيسترلىگىنىڭ ءباسپاسوز قىزمەتى.