مۇمكىندىگى شەكتەۋلى جاندارعا قامقورلىق

جۋىردا سەمەيدە مۇمكىندىگى شەكتەۋلى جاندارعا ارنالعان الەۋمەتتىك تۇرمىس ءۇيى اشىلدى. وندا ەكى شاشتاراز بەن ەكى تىگىنشى ارباعا تاڭىلعان, ياكي وزدىگىنەن جۇرە المايتىن مۇگەدەك جاندارعا قىزمەت كورسەتۋدە. قازىرگى تاڭدا سەمەيدەگى مۇمكىندىگى شەكتەۋلى جانداردىڭ جالپى سانى 13 مىڭنىڭ ۇستىندە. بۇرناعى جىلى مۇندا ولارعا ارنالعان تەگىن تاكسي قىزمەتى ۇيىمداستىرىلعان ەدى. ال سوڭعى قايىرىمدىلىق جوباسىن الماتىداعى «بوتا» قوعامدىق قورى قارجىلاندىرىپ وتىرعان كورىنەدى. جۋىردا اتالعان قور الىستاعى ابىرالى وڭىرىندەگى تاڭات اۋىلىندا بالاباقشانىڭ اشىلۋىنا دانەكەر بولعان ەدى. مۇمكىندىگى شەكتەۋلى جاندار جوعارىداعى قايىرىمدىلىق شاراسى­نا اق العىستارىن بىلدىرە كەلىپ, جاڭادان اشىلعان بۇل الەۋمەتتىك تۇرمىس ءۇيىنىڭ اۋماعى جاعىنان ۇلكەن قالاعا ازدىق ەتەتىندىگىن دە جاسىرمادى. ءساتى كەلگەندە بۇل تىلەك تە ءوز شەشىمىن تابادى دەپ سەنەمىز. داۋلەت سەيسەن ۇلى. سەمەي.