«اقتاۋ-سيتي»: قۇرىلىس قارقىن الا باستادى

ەلباسى نۇرسۇلتان نازار­باەۆ­تىڭ قولداۋىمەن ومىرگە كەلىپ, ءوڭىردىڭ قارقىندى دامي ءتۇ­سۋىنە يگى ىقپال ەتە باستاعان «جەر-تەڭىز-اسپان» ىقپالداس­تى­رىلعان ينۆەستيتسيالىق مەگا-جوبانىڭ قۇرامداس ءبىر بولىگى «اقتاۋ-سيتي» قالا قۇرىلىسى. ەرتەگىدەي اسەم دە, اق شاڭقان ارمان قالانىڭ جوباسىن ناقتى ىسكە اسىرۋ وتكەن جىلى باستاۋ الدى. بۇل كۇندەرى «اققۋ» دەپ اتالاتىن ءبىرىنشى شاعىن اۋدان­نىڭ العاشقى 6 تۇرعىن ءۇيىنىڭ قۇرىلىسى قارقىندى ءجۇرىپ جا­تىر. كەشە وبلىس اكىمى قىرىم­بەك كوشەرباەۆ, اقتاۋ قالاسى­نىڭ اكىمى وسپان قازاقباەۆ, مەردىگەر كومپانيا باسشىسى «كاسپي» الەۋمەتتىك كاسىپكەرلىك كور­پوراتسياسىنىڭ باسشىسى ا.نۇر­عاليەۆ باسقا دا باسشى- قوسشى­لار قۇرىلىس باسىندا بولىپ كوشپەلى ءماجىلىس وتكىزدى. وبلىس باسشىسىنىڭ ايتۋىنشا وسىناۋ ارمان قا­لانىڭ قۇ­رىلى­سىن باستاۋ ال­عاشقىدا بىرىككەن اراب ءامىر­لىگىنىڭ قا­تى­سۋىمەن بولىپتى. الەمدىك قارجى داع­دارىسىنا وراي ول جوسپارعا وزگەرىس ەنگەن. ياعني, اراب ءامىر­لىگى بۇل جوباعا قالانىڭ ەكىنشى, ءۇشىنشى شاعىن اۋداندارىن سالۋ­عا اتسالىسپاقشى. ال قازىرگى قۇرىلىستىڭ مەردىگەرى «كاسپي»  الەۋمەتتىك كاسىپكەرلىك كورپورا­تسيا­سى. ءبىر ايتا كەتەرلىگى سا­لى­ناتىن ۇيلەردىڭ نەگىزى – ەكونوم كلاسس. پاتەردىڭ ءبىر شارشى مەترى 1000 اقش دوللارى كولە­مىندە. بۇل پاتەر الۋشىلارعا ءتيىمدى بولماقشى. قالا قۇرىلى­سىن قارجىلاندىرۋعا يسلام دامۋ بانكى, «سامۇرىق-قازىنا» جىلجىمايتىن م ۇلىك قورى» اق-ى ۇلەس قوسپاقشى. تۇرعىن­دار­دىڭ وسكەلەڭ تالابىنا ساي سالىناتىن پاتەرلەر جايلى دا, ءساندى بولاتىندىعى قىزىعۋشى­لىق تۋعىزىپ تا وتىر. بۇل رەتتە قۇرىلىسشىلار العاشقى 46 مىڭ شارشى مەترلىك تۇرعىن ءۇيدى كەلەسى جىلى وسى مەزگىلدە پايدا­لانۋعا بەرمەكشى. سونىمەن قا­تار جاقىن كۇندەرى وسى جەردە قازاقستاننىڭ تۇڭعىش پرەزي­دەن­تى­نىڭ زياتكەرلىك مەكتەبى ءجا­نە ورتا ءبىلىم بەرەتىن ەكى مەكتەپ, سپورت كەشەنى, ارقايسىسى 280 ورىندىق ءۇش بالالار باقشاسى جانە باسقا دا الەۋمەتتىك نى­ساندار قۇرىلىسى باستالماقشى. ءسويتىپ كەلەسى ايدا «اقتاۋ سيتي» قالاسىنىڭ قۇرامىنا كىرەتىن نىسانداردى سالۋ جۇيەلى تۇردە قولعا الىنىپ, قالانىڭ ءبىرىنشى شاعىن اۋدانى ناعىز الىپ قۇرىلىستار الاڭىنا اي­نال­عالى وتىر. ارمان قالاداعى پاتەرلەردىڭ تاعى ءبىر ءتيىمدى جاعى تۋرالى «كاسپي» اكك باسشىسى اسقار نۇرعاليەۆتىڭ مالىمدەۋىنشە ءوزى ارزان, ءوزى اسەم ۇيلەرگە قونىستا­نۋ­شىلار ءۇشىن ءاربىر پاتەردە قاجەتتىڭ ءبارى جاسالىپ دايىن كۇيىندە بەرىلەدى. ال پاتەرلەردى ساتىپ الۋ «تۇرعىن ءۇي قۇرىلىس بانكى» ارقىلى جۇرگىزىلەدى. ءسوي­تىپ, اركىم ءارتۇرلى ساققا جۇگىرتىپ جۇرگەن ارمان قالا «اقتاۋ-سيتي» قۇرىلىسىنىڭ العاشقى شاعىن اۋدانى «اققۋ» قاناتىن كەڭگە سەرمەدى. قالا قۇرىلىسى قارقىن الا باستادى. ءبىز وسىناۋ جاۋاپتى دا, سەرپىندى جوبانى قولعا العان «MAG كاسپي» جاۋاپكەرشىلىگى شەكتەۋلى سەرىكتەس­تىگىنىڭ قۇرىلىسشىلارىنا ءسات ساپار, جەمىستى جۇمىس تىلەيمىز! جولامان بوشالاق. اقتاۋ .