ءوز پاتەرىڭىزدىڭ كىلتىن الىڭىز

قازاقستاننىڭ تۇرعىن ءۇي قۇ­رىلىس جيناق بانكى مەملەكەتتىك باعدارلاما بويىنشا پاتەر الۋعا وتىنىشتەردى قابىلداي باستادى. قازاقستاننىڭ تۇرعىن ءۇي قۇ­رى­لىس جيناق بانكىنىڭ سالىمشى­لارى 2011-2014 جىلدارعا ارنال­عان قازاقستان رەسپۋبليكاسىنداعى تۇرعىن ءۇي قۇرىلىسىنىڭ مەملەكەتتىك باعدارلاماسى اياسىندا ءوز تۇرعىن ءۇي جاعدايلارىن جاقسار­تۋعا مۇمكىندىك الدى. 2011 جىلعى 16 مامىردان باستاپ 15 شىلدەگە دەيىن بانك سالىمشىلاردان اتال­مىش باعدارلاما شەڭبەرىندە سالۋ جوسپارلاناتىن ۇيلەردەن «تازا» ارلەنگەن پاتەرلەر ساتىپ الۋعا وتىنىشتەر قابىلداپ جاتىر. بۇل مەملەكەتتىك باعدارلا­ما­نىڭ باستاپقى ماقساتى: رەسپۋبليكا ازاماتتارىن ءارى ساپالى, ءارى قىم­بات ەمەس تۇرعىن ۇيمەن قامتا­ماسىز ەتۋ. باعدارلاماعا قاتىسۋ ءۇشىن بولاشاق باسپانا يەسى تۇر­عىن ءۇي قۇرىلىس جيناق بانكىمەن كەلىسىم-شارت جاساسىپ, بەلگىلى ءبىر مولشەردەگى سومانى جيناقتاۋى ءتيىس. سودان سوڭ بانك سالىمشىلار پۋلىن جاسايدى جانە الدىن الا پاتەرلەردىڭ اۋدانى مەن جايلى­لىعىن كەلىسە وتىرىپ, قۇرىلىس كومپانياسىنا ءۇي سالۋعا تاپسى­رىس بەرەدى, دەمەك, پۋلعا تەك بانك سالىمشىلارى عانا قاتىسا الادى. تۇرعىن ءۇي باعدارلاماسىنا قا­تى­سۋدىڭ ەرەكشەلىگى سول, بانك سالىمشىسى تۇرعىن ءۇيدى وتە ءتيىمدى تالاپتاردا ساتىپ الادى. قاراپ كورىڭىز: بىرىنشىدەن, كرەديت بەرۋ تالاپ­تارىنىڭ قولايلىلىعى: كوممەر­تسيا­لىق بانكتەرگە قاراعاندا, تۇر­عىن ءۇي قۇرىلىس جيناق بانكىندە سالىستىرمالى تۇردە جيناقتاۋ مولشەرلەمەلەرى جوعارى دا, كرەديت بەرۋ مولشەرلەمەلەرى – تومەن. ەكىنشىدەن, بانك ءوز كليەنتتەرىنە قامقورلىقپەن قاراپ, ۇيلەردى ءمۇم­كىندىگىنشە قالانىڭ ايتۋلى جەرلەرىندە, كليەنتتەر تازا اۋامەن دەم- الىپ, دامىعان الەۋمەتتىك ينفرا­قۇرىلىم يگىلىكتەرىن پايدالانا الاتىنداي ەتىپ, كورىكتى جەرلەردە سالۋعا تىرىسادى. كەز كەلگەن بانك ءوز كليەنتتەرىنە مۇنداي قامقور­لىق جاساي قويمايدى! تۇرعىن ءۇي قۇرىلىس جۇيەسىنىڭ ماڭىزدى وپەراتورى بولىپ تابى­لاتىن تۇرعىن ءۇي قۇرىلىس جيناق بانكى ءوز تالاپتارىنا ساي كەلۋى ءۇشىن سالىمشىلاردى ىرىكتەۋگە بالل­دىق جۇيە ەنگىزىپ وتىر. بانك ءاربىر تۇرعىن ءۇي قۇرىلىس جيناق شارتى ءۇشىن جالپى بالل ەسەپتەيتىن بولادى, ول شارتتىڭ دايىن بولۋ دارەجەسىنە جانە شارتتى سوما­نىڭ شاماسىنا قاراي انىقتالادى. كەلىسىم-شارتتىڭ ازىرلىگى باعا بەلگىلەۋ كورسەتكىشىنە جەتۋ, سالىم سوماسىنىڭ ەڭ تومەنگى مولشەرىنە جەتۋ, سالىم مەرزىمىنىڭ ەڭ تومەنگى كورسەتكىشىنە جەتۋ سياقتى ءۇش جال­پى كورسەتكىشتى باعالاۋ ار­قى­لى انىقتالادى. باعا بەلگىلەۋ كورسەتكىشىنە جەتۋ شاماسى كەلىسىم-شارتتاعى باعا بەلگىلەۋدىڭ دەرەكتى شاماسى مەن باعا بەلگىلەۋ كورسەتكىشىنىڭ ءتو­مەن­گى شاماسىنىڭ اراقاتىناسى ارقىلى انىقتالادى. سالىم سوماسىنىڭ ەڭ تومەنگى مولشەرىنە جەتۋ شاماسى جيناق­تال­عان قارجىعا تۋرا تاۋەلدى جانە ول دەرەكتى تۇرعىن ءۇي قۇرىلىس جي­ناق شارتى بويىنشا جيناقتالعان سومانىڭ ءجۇز پايىزدىق تولىق جيناقتاۋ شارتىنىڭ اراقاتىناسى ارقىلى انىقتالادى. سالىم مەرزىمىنىڭ ەڭ تومەنگى كورسەتكىشىنە جەتۋ شاماسى ءتو­لەۋ تۇرعىن ءۇي قۇرىلىسىنىڭ كە­لىسىم-شارتقا وتىرۋ ۋاقىتىنان باستاپ كورسەتىلگەن تولەۋ مەرزىمى ارقىلى انىقتالادى. كەلىسىم-شارت­تا كور­سە­تىلەتىن سومانىڭ تۇر­عىن ءۇي با­عاسىنا شاققانداعى شا­ماسى مىنا فورمۋلا ارقىلى انىق­تالادى: تۇر­عىن ءۇي قۇرى­لى­سى­نىڭ كەلىسىم-شارتىندا كورسە­تىل­گەن شاما ساتىپ الۋعا كوزدەل­گەن تۇرعىن ءۇي با­عاسىنا ءبولىنىپ, پايىز مولشەرىنە كوبەيتىلەدى. ەگەر تۇرعىن ءۇي بىرنەشە تۇر­عىن ءۇي قۇرىلىس جيناق كەلىسىم-شارتى ارقىلى الىناتىن بولسا, سالىمشىنىڭ وسى باعدارلاماعا قاتىساتىن بارلىق تۇرعىن ءۇي قۇرىلىس جيناق شارتتارىنىڭ ورتاشا ەسەپتەلگەن بالل سانى ەسەپتەلەدى. بانك سالىمشىلاردان رەس­پۋبليكالىق باسىلىمداردا حابار­لاندىرۋ بەرىلگەننەن باستاپ ءار قۇرىلىس نىسانعا ەكى اي مەرزىمدە وتىنىشتەر قابىلدايدى. ءار ءوتىنىش بەرۋشىگە ونى بولاشاقتا انىقتاۋ ءۇشىن جەكە نومەر بەرىلەدى. وتىنىشتەردى قابىلداۋ باستال­عاننان باستاپ ءبىر اي ىشىندە بانك پاتەرلەردىڭ تۇرىنە, بولمە سانىنا بايلانىستى بالل سانىن ەسەپتەيدى. ادىلدىك قاعيداسىن ۇستانىپ, ءار ايماققا سايكەس بانكتىڭ فيليال­دا­رى سالىمشىلاردىڭ العان باللدار سانىن ەڭ جوعارى شامادان ەڭ ءتو­مەنگى شاماعا دەيىن ءتىزىم رەتىندە كور­سەتەدى دە, وسى ءتىزىمدى بانك ءوز ساي­تىنا جاريالايدى. بانك سا­لىم­شى­لارى وسى سايتتان وزدەرى­نىڭ ال­عان باللدارىن الدىن الا بەلگىلەنگەن رەتتىك سانى ارقىلى كورە الادى. پاتەرلەردىڭ سانى مەن تۇرىنە, جانە بولمەلەر سانىنا بايلانىس­تى سالىمشىلاردىڭ العان باللدا­رىنا قاراپ, ولاردىڭ تولەۋ قا­بى­لەتى انىقتالادى; سالىمشى ءوزىنىڭ تولەۋ قابىلەتىن راستاۋى كەرەك. ەگەر كەيبىر سالىمشىلاردىڭ ال­عان باللدارى بىردەي بولىپ جاتسا, باسىمدىلىق تۇرعىن ءۇي قۇرىلىس جيناق بانكىنە ءوتىنىشتى بۇرى­نى­راق بەرگەن ادامدا بوپ ەسەپتەلەدى. تۇرعىن ءۇي قۇرىلىس جيناق بان­كىنىڭ تۇرعىن ءۇي باعدارلا­ما­سى­نا قاتىسۋ – ءوز تۇرعىن ءۇي جاع­دايىڭىزدى جاقسارتۋداعى ناقتى مۇمكىندىك رەتىندە تانىلادى! ايناش ەCالي. قوسىمشا اقپاراتتى «قازاقستاننىڭ تۇرعىن ءۇي قۇرىلىس جيناق بانكى» اق مىنا تەلەفوندارى ارقىلى الۋعا بولادى: الماتى ق., 279-25-55, استانا ق., 40-72-76, تالدىقورعان ق., 24-40-48, قاراعاندى ق., 43-62-02, قىزىلوردا ق., 26-26-64, پاۆلودار ق., 34-08-99, وسكەمەن ق., 75-48-65, اتىراۋ ق., 32-04-00, تاراز ق.. 42-58-80, اقتوبە ق., 55-72-21, اقتاۋ ق., 43-96-91, قوستاناي ق., 53-38-20, پەتروپاۆل ق., 42-79-94, كوكشەتاۋ ق., 25-63-04, شىمكەنت ق., 21-33-62, ورال ق., 54-03-33, سەمەي ق., 52-22-90 نەمەسە مىنا سايتتا: www.hcsbk.kz