يننوۆاتسيالىق مەكتەپ ماڭعىستاۋدا حالىقارالىق ءماجىلىس وتكىزدى

اقتاۋدا «قازاتومونەركاسىپ» ۇلتتىق اك­تسيونەرلىك كومپانياسى مەن «قازاقستان يادرولىق قوعامى» اسسوتسياتسياسىنىڭ ۇيىم­­داس­تىرۋىمەن ءى حالىقارالىق يننوۆا­تسيا­لىق مەكتەپ كونفەرەنتسياسى بولىپ ءوتتى. ايماق­تىڭ جۇرەگى اتاناتىن «ماەك-قازاتوم­پروم» جاۋاپكەرشىلىگى شەكتەۋلى سەرىكتەس­تىگى­نىڭ بازاسىندا بەس كۇنگە سو­زىلعان باس­قو­سۋدا اتالمىش كونفەرەنتسياعا قوسا ءون­دى­رىستى ءوڭىر ءۇشىن ەرەكشە ماڭىزعا يە ماسە­لە­لەر­دى ارقاۋ ەتكەن «ەنەرگيا, حيميا جانە سۋ» اتتى دوڭگەلەك ۇستەل ۇيىم­داس­تى­رىل­دى. القالى جيىنعا قازاقستان, رەسەي, ۇلى­­بريتانيا, گەرمانيا, فرانتسيا, بەلگيا سياقتى ەلدەردىڭ يندۋستريالىق جانە ينجەنەرلىك كومپانيالارىنىڭ جەتەكشى ما­ماندارى, عىلىمي ورتالىقتارى مەن ۋني­­ۆە­رسيتەتتەرىنىڭ وكىلدەرى قاتىستى. ءاڭ­گى­مە ارقاۋى اقتاۋ جانە پاۆلودار قالا­لارىندا يننوۆاتسيالىق حيميالىق كلاستەر قۇرۋ, ەنەرگيانى ۇنەمدەۋ تەحنولوگيا­لارى­نىڭ تاجىريبەسى مەن دامۋ جايى اتوم ەلەكتر ستانساسىن جوبالاۋدىڭ زاماناۋي تەح­نولوگيالارى, ۆبەر-300 رەاكتورلىق قون­دىرعىسىنا ارنالعان يادرولىق تۇششىتۋ­دىڭ سينەرگەتيكالىق تيىمدىلىگى جانە جال­پى «قازاتومونەركاسىپ» كاسىپورىندارى­نىڭ يننوۆاتسيالىق دامۋ ماسەلەسىن تالقى­لاۋ بولدى. قازاقستانداعى العاشقى يننوۆاتسيا­لىق مەكتەپتىڭ اشىلۋ سالتاناتىندا «قاز­اتوم­ونەركاسىپ» ۇلتتىق اكتسيونەرلىك كوم­پانيا­سى» اق باسقارما توراعاسى ۆلاديمير شكولنيك ەلباسىنىڭ تاپسىرما­لا­رى­نا وراي اتوم ونەركاسىبى, ەنەرگەتي­كا­داعى عى­لى­مي-تەحنيكالىق دامۋ سالانىڭ ەكونو­مي­كالىق تيىمدىلىگىن قامتاماسىز ەتىپ, باسە­كەگە قابىلەتتىلىگىن ارتتىرۋ جايى تۋ­را­لى اڭگ­ى­مە­لەدى. ال ەلىمىزدەگى العاشقى يننوۆ­ا­تسيا­لىق مەكتەپتىڭ اقتاۋدا اشى­لۋى­نىڭ دا ءوزىن­دىك سەبەبى بار. ويتكەنى, ماڭعىستاۋدا الەمدە العاش رەت جىلدام نەيتروندى بن-350 رەاكتورى سالىنىپ, ىسكە قوسىلدى. ماڭ­­عىستاۋدا الەمگە العاش رەت تەڭىز سۋى تۇششىتىلىپ, حالىق كادەسىنە جاراتىلدى. كۇنى بۇگىندە ءوندىرىستى ولكە سونى جاڭا­لىق­تار مەن سەرپىندى جوبالار ايماعىنا اينا­لىپ وتىرعاندىعىن تىلگە تيەك ەتتى. وبلىس اكىمى قىرىمبەك كوشەر­باەۆتىڭ ايماقتاعى يندۋستريالىق-يننو­ۆا­تسيالىق جانە ينۆەس­تي­تسيالىق جوبالار­دىڭ جۇزەگە اسۋى, باسقو­سۋ­دىڭ باستى تا­قىرىبى بولىپ وتىرعان ەنەرگەتيكا سالا­سىنىڭ وزەكتى ءما­سە­لەلەرىن قامتىعان حابارلاماسى جي­نال­عاندار قى­زى­عۋ­شىلى­عىن تۋدىردى. بۇل رەتتەگى سوڭعى دا, ەلەڭ ەتكىزەر جاڭالىق وڭىردە «جەل ەلەكتر ستان­ساسىن سالۋ» ينۆەستيتسيالىق جو­باسى بول­دى. اتالمىش يگى شارا ەنەر­گيا­نىڭ بالا­مالى كوزدەرىن پايدالانۋ ار­قىلى ەلەكتر ەنەرگياسى تاپشىلىعى پروب­لە­ماسىن شەشۋگە نەگىز بولاتىندىعى كو­ڭىل­گە قوندى. جانە دە بۇل جوبانىڭ قازىر­دىڭ وزىندە ءجۇ­زەگە اسىرۋ قولعا الىنىپ, وڭ­تۇستىك كورەيا­نىڭ «DMK-Ko» كومپانيا­سى­مەن ارادا مەموراندۋمعا قول قويىلىپ, تەحني­كالىق-ەكونوميكالىق نەگىزدەمەلەر جاساۋ باستال­عانى ايتىلدى. سونداي-اق ءوڭىر باسشىسى قارقىندى دامىپ كەلە جات­قان ايماق ءۇشىن اسا قاجەتتى ەنەرگيا كوزى سانالاتىن ماەك-ءتىڭ قۇرال-جابدىق­تارى ەسكىرىپ كەلە جاتقا­نىن ەسكەرىپ «وسى كاسى­پ­ورىن بازاسىندا قۋاتتى بۋ-گاز ەنەر­گيا بلو­گىن سالۋ جوبا­سىنىڭ كەيىنگە قال­دىرىلىپ كەلە جاتقان­دىعى جانە دە قارقىندى دامۋ­داعى ايماق ءۇشىن اسا قاجەتتى وسى ەنەرگيا كوزىن تەزدەتىپ سالۋ­دى «قازاتومونەركاسىپ» ۇلتتىق كوم­پانيا­سى ىسكەرلىك پەن ءىستى العا ءجۇر­گىزۋ­دىڭ جول­دارىن قاراستىرسا دەگەن ۇسىنىس ايتىلدى. ءتورت كۇنگە سوزىلعان يننوۆاتسيالىق مەكتەپ كونفەرەنتسياسى مەن «ەنەرگيا, حيميا جانە سۋ» تاقىرىبىنداعى دوڭگە­لەك ۇستەل وتىرىسىندا وتىزدان استام بايانداما تىڭدالدى. «ساس» ينجەنەرلىك فيرما­سى­نىڭ ديرەكتورى ۆ.شپايزەر, بەلگيانىڭ SCK-CEN عىلىمي-زەرتتەۋ ورتالىعىنىڭ باس ديرەكتورى ح.ابدەرراحيم, ۇلىبري­تا­نيانىڭ «Nuvia Limited» كومپانياسى­نىڭ وكىلى د.ۋەللس جانە باسقالار ءسوز سويلەپ, وي-پىكىر تالاستىرىپ, تاجىريبە الماستى. «قازاتومونەركاسىپ» ۇلتتىق اكتسيونەرلىك كومپانياسىنىڭ باسشىسى ۆلاديمير شكولنيكتىڭ ايتۋىنشا بۇل باس­قوسۋداعى اڭگىمە اۋقىمدى دا, ماڭى­زدى­لىعىمەن ەرەك­شەلەندى. ويتكەنى, حالىق­ارالىق دارە­جەدەگى ماجىلىستەردە اتوم ەلەكتر ستانسا­لا­رىن جو­بالاۋدىڭ زاماناۋي تەحنولوگيالارى, ەنەر­گيانى ۇنەم­دەۋدىڭ جولدارى, سۋدى وڭدەۋ مەن تۇششى­تۋ­دىڭ جاڭا حيميالىق تەحنو­لو­گيالارى, راديواكتيۆتى قالدىقتاردى رەتتەۋ اسپەكتىلەرى, نانوسۋتەگىلىك ەنەرگە­تي­كانى دامىتۋ پەرسپەكتيۆالارى, قازاق­ستان­دا بالامالى ەنەرگەتيكانى دامىتۋدىڭ جولدارى جان-جاقتى ءسوز بولدى. قورىتا ايتساق, ماڭعىستاۋ يادرولىق-ەنەرگەتيكالىق سالانى دامىتۋدا جەتەكشى ورىن الاتىن ايماق. جانە دە مۇندا وسى سالا بويىنشا قول جەتكەن جەتىستىكتەر دە مول. وعان قوسا قازىر شەتەلدىك سەرىكتەس­تەر­دىڭ قىزىعۋشىلىعىن ارتتىرا ءتۇسىپ وتىر­عان بىرنەشە يننوۆاتسيالىق جوبالار قولعا الىنىپ جۇزەگە اسۋدا. وسىلاردى ەسكەرسەك ءوز جۇمىسىن جەمىستى اياقتاعان ءى حالىق­ارا­لىق يننوۆاتسيالىق مەكتەپ كونفەرەن­تسيا­سى, دوڭگەلەك ۇستەل وتىرىسى وسى سالاداعى ارىپتەستەر اراسىنداعى ىسكەرلىك بايلانىس­تار مەن ءوزارا قارىم-قاتىناستارعا يگى ىق­پال ەتەتىن پايدالى باسقوسۋ بولعانى ءسوزسىز. جولامان بوشالاق. اقتاۋ.