كۇمىس كۇلكى سىڭعىرى

بۇعان دەيىن حابارلانعانىنداي, جاقىندا پارلامەنت سەناتى توراعاسىنىڭ ورىنباسارى الەكساندر سۋدين باستا­عان جوعارعى پالاتاداعى «ءوڭىر» دەپۋتاتتىق توبىنىڭ مۇشە­لەرى اقمولا وبلىسىنداعى اقكول بالالار ۇيىندە بولدى. سەناتورلاردىڭ بالالار ءۇيى تاربيەلەنۋشىلەرىمەن داعدىعا اي­نالعان كەزدەسۋى سەناتتا بىرنەشە جىل قىزمەت ەتىپ كەلە جاتقان دەپۋتاتتىق قۇرىلىمنىڭ جۇ­مىس جوسپارى اياسىندا ءوتتى. جاز­عى لاگەردە دەپۋتاتتار دەم­الىس­تاعى بالالاردىڭ دەنساۋ­لى­عىن نىعاي­تۋ باعدارلاماسىمەن, بالالار ءۇيىنىڭ ماتەريالدىق-تەح­نيكالىق جاعدايىمەن تانىستى. بالالار ءۇيىنىڭ ديرەكتورى ۆەرا كوۆالەۆانىڭ ايتۋىنشا, مەملەكەت بالالار ۇيىنە, ونىڭ تاربيلەنۋ­شىلەرىنە بارلىق جاع­داي­دى جاساپ, ولاردىڭ اقىلدى, پاراساتتى, جان-جاقتى ءبىلىمدى, وتانسۇيگىش ازامات بولىپ قا­لىپ­تاسۋلارى ءۇشىن كومەك قولىن سوزىپ كەلەدى. ورتالىق وسىدان 10 جىل بۇرىن «قازاقستان تەمىر جولى» ۇك» اق قاراماعىندا بولسا, قا­زىر جەرگىلىكتى اتقارۋشى ورگان­نىڭ بالانسىندا. مۇندا بالا­لار­عا دەمالۋ ءۇشىن بارلىق جاع­­داي جاسالعان. تابيعاتى سۇلۋ, اي­نالاسىن قاراعاي قورشاعان وسىن­داعى بالالار ۇيىنە جىل سايىن جازدا 200-دەن استام تاربيە­لەنۋ­­شىلەر 20 كۇنگە كەلىپ, دەم­الادى. بىلتىر وڭتۇستىك قازاق­ستان وب­لى­سى مەن باسقا دا وڭىرلەر­دەن كەلگەن بالالار دەمالىپ قايت­قان-تىن. تاعى ءبىر ايتاتىن نارسە, با­لالاردىڭ كۇمىس كۇلكىسىن قىمبات سەزىنەتىن ازاماتتار دا بالالار ۇيىنە كەلىپ, قولدان كەلگەنشە كومەك كورسەتۋدە. سونداي التىن جۇرەكتى ازاماتتاردىڭ ءبىرى اقىن ءمارزيا اياعانوۆا بالالارعا ولەڭ وقىپ, مەملەكەتتىك ءتىلدى ۇيرە­تۋ­گە اتسالىسىپ كەلەدى. سول كۇنى پارلامەنت سەناتى توراعاسىنىڭ ورىنباسارى الەكساندر سۋدين, «ءوڭىر» دەپۋتات­تىق توبىنىڭ جەتەكشىسى ەرمەك جۇماباەۆ, سەناتورلار سەرگەي پلو­تنيكوۆ پەن ەربولات مۇقاەۆ­تىڭ بالالارمەن كەزدەسۋى كەزىندە بالالار كونتسەرت قويىپ, وزدەرى­نىڭ العىرلىعى, زەرەكتىگىمەن بىرگە, مەملەكەتتىك ءتىلدى جەتىك بىلەتىندەرىن كورسەتتى. بالالار ءۇيى ديرەكتورىنىڭ ورىنباسارى با­لايىم ەرجانوۆانىڭ ايتۋىنشا, مۇندا مەملەكەتتىك ءتىلدى بىلەتىن تاربيەلەنۋشىلەر جىل سايىن كوبەيىپ جاتىر. ولاردىڭ بويى­نان وتانسۇيگىشتىك, ءوز ەلىن جا­نىنداي جاقسى كورەتىن قاسيەت­تەر­دى كورۋ قيىن ەمەس. ءبىز دە مۇنى كونتسەرت كەزىندە وزگە ۇلت بالالارىنىڭ: «تۋعان جەردەي جەر بولماس, اۋاسى جۇپار, ءماڭ­گىلىك جاسا, وتانىم, بەرەرىمدى بە­رەمىن», دەپ ولەڭ جولدارىن وقى­عاندا بايقادىق. كەزدەسۋ سوڭىندا «ءوڭىر» دە­پۋ­تاتتىق توبىنىڭ مۇشەلەرى با­لالارعا كومپيۋتەرلىك سىنىپ­قا ارنالعان جابدىقتار تارتۋ ەتتى. داستان كەنجالين. اقمولا وبلىسى, اقكول اۋدانى.