وفيتسەرلەر, ساپقا تۇر!

ۇلتتىق قورعانىس ۋنيۆەرسيتەتىن كەزەكتى تىڭداۋشىلار ءبىتىرىپ شىقتى. بيىلعى 63 ءبىتىرۋشى «ماگيستر» اكادەميالىق دارە­جە­سىندە «اسكەري جانە اكىمشىلىك باسقارۋ», «اسكەري ءبىلىم», «تەح­نيكالىق قامتاماسىز ەتۋدى باس­قارۋ», «تىلدىق قامتاماسىز ەتۋدى باسقارۋ», «تاربيە, الەۋمەت­تىك-قۇقىقتىق ۇدەرىستەردى باس­قا­رۋ» ماماندىقتارىن يگەرىپ شىعىپ وتىر. ولاردىڭ اراسىندا ءتورت وفيتسەر وقۋدى وزات ءبىتىردى. ولار – پودپولكوۆنيكتەر رۋسلان كوكيشەۆ, جاندار اشىربەكوۆ جانە مايورلار سەرگەي ارىس­تان­باەۆ, مۇرات شاقاەۆ. بۇل جەردە تەك قورعانىس مينيسترلىگىنىڭ وفيتسەرلەرى عانا ءبىلىم المايدى. سونىمەن قاتار, باسقا دا اسكەرلەر مەن اسكەري قۇرالىمداردىڭ وكىلدەرىنە دە وقۋعا مۇمكىندىك جاسالعان. ۇجىم­دىق قاۋىپسىزدىك شارتى ۇي­ىمىنا كىرەتىن كورشىلەس تاجىك­ستان رەسپۋبليكاسى مەن قىرعىز رەسپۋبليكاسىنىڭ اسكەري قىز­مەتشىلەرى دە وسىندا وقيدى. ۇلتتىق قورعانىس ۋنيۆەرسيتەتى قازاقستان رەسپۋبليكاسى قا­رۋلى كۇشتەرى اسكەري اكادە­مياسىنىڭ بازاسىندا قۇرىلعان. 1997 جىلى قازاقستان رەس­پۋب­ليكاسى پرەزيدەنتىنىڭ جار­لى­عىمەن الماتى جوعارى اسكەري ۋچيليششەسى قر قك اسكەري اكا­دەمياسى بولىپ قايتا قۇرىلعان بولاتىن. كەيىن, 2003 جىلى «ۇلت­تىق قورعانىس ۋنيۆەرسيتەتى» مەملەكەتتىك مەكەمەسى بولىپ قايتا اتالدى. بۇل جوعارى وقۋ ورنىنىڭ بۇگىنگى تاڭداعى نەگىزگى تاپسىر­ما­سى اسكەري ماماندارعا ماگيستراتۋرا, اديۋنكتۋرا بويىنشا عىلىمي-پەداگوگيكالىق جوعارى اسكەري ءبىلىم بەرۋ بولىپ تابى­لادى. سونىمەن بىرگە, جوعارى اسكەري ءبىلىمدى مامانداردىڭ بىلىكتىلىگىن ارتتىرۋ, ولاردى جو­عا­رى اكادەميالىق كۋرستاردا كۋرس­تىق دايىندىقتان وتكىزۋ, اسكەري عىلىم سالاسىنداعى عىلىمي ىزدەنىستەرگە جاعداي جاساۋ. ۇلتتىق قورعانىس ۋنيۆەرسيتەتى – ورتالىق ازيا ايماعىن­داعى وفيتسەرلەرگە جوعارى اسكە­ري ءبىلىم بەرەتىن, قارۋلى كۇشتەر مەن باسقا دا اسكەرلەر مەن ءاس­كەري قۇرالىمدار ءۇشىن مامان­دار­دى قايتا دايىنداۋدى جۇزەگە اسىراتىن بىردەن-ءبىر وقۋ ورنى. وكسانا پارپۋرا. ---------------------------- سۋرەتتى تۇسىرگەن ەرمەك سارباسوۆ.