وتاندى قورعاۋ – ءار ازاماتتىڭ مىندەتى

“وتان ءۇشىن وتقا ءتۇس – كۇي­مەيسىڭ” دەگەن ەكەن باۋكەڭ, باۋ­ىر­جان مومىش ۇلى. وسى ءسوزدىڭ وزەگىنە بويلاساڭ كوپ اقيقات اشى­لادى. وتاندى قورعاۋ, ەڭ الدىمەن, ەر ازاماتتاردىڭ مىندەتى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسي­تە­تىنىڭ اسكەري كافەدراسى موتو­اتقىشتار جانە رحبق ماماندىعى بويىنشا ستۋدەنتتەرگە ءبىلىم بەرىپ كەلەدى. تىڭداۋشىلارعا اسكەري وفيتسەرلەر ساپالى ءبىلىم مەن سا­نالى تاربيە بەرۋدە بۇگىنگى اسكەري قورعانىس سالاسىنداعى جاقسى جەتىستىكتەردى تاجىريبەمەن ۇشتاستى­رىپ كەلەدى. «قازاقستان رەسپۋبلي­كاسىن قورعاۋ – ونىڭ ءاربىر ازا­ماتىنىڭ قاسيەتتى پارىزى مەن ءمىن­دەتى» – دەپ اتا زاڭدا كورسە­تىلگەن وسى ءبىر ماعىنالى ۇعىمدى وسكەلەڭ ۇرپاق جاستايىنان بويى­نا ءسىڭىرىپ ءوسۋى كەرەك. تىڭداۋ­شى­لاردى اسكەري قىزمەتكە دايىنداپ, ءوز وتانى – قازاقستان رەسپۋبلي­كاسى مەن ونىڭ حالقى الدىنداعى جاۋاپكەرشىلىگىن ۇعىندىرۋ اسكەري كا­فەد­را ءپانىنىڭ نەگىزى بولىپ تا­بىلادى. پاتريوتيزم – ءوز ەڭبەگىن, كۇش جىگەرىن تۋعان جەرى مەن وتانىن كوركەيتۋگە جۇمساۋ دەگەن ۇعىمدى بىلدىرەدى. پاتريوتتىق سەزىمنىڭ نى­سانى وتان دەسەك, ونىڭ نەگىزى تۋعان جەر, ۇلتتىق ءتىل, ءدىل, ءداستۇر, ولاردىڭ ادامعا جىلىلىق بەرىپ, ىزگى ەرلىك ىستەر قاينار كوزىنە اي­نالۋى پاتريوتيزمگە تاربيەلەۋدىڭ ارقاۋى بولىپ تابىلاتىنىن ءبىز­دىڭ ءار تىڭداۋشى ءتۇسىنىپ بىلەدى. اسكەري كافەدراداعى ەكى روتادا 6 ۆزۆود اسكەري جيىنعا قاتى­سىپ, اسكەري بىلىمدەرىن ۇشتاستى­رىپ جاتىر. بولىمشەلەردىڭ كومانديرلەرى مەن اعا وقى­تۋشى پول­كوۆنيك ا.يبراگيموۆ جانە پولكوۆنيك گ.يگنوتەنكو اسكەري كافە­دراداعى وقيتىن تىڭداۋشى­لار­عا ءوز بىلىمدەرىن وقۋ بارىسىندا ءجا­نە اسكەري جي­ىنداعى تاجىريبەلىك ساباقتاردى وقىتۋدا بار كۇش­تەرىن سالىپ كەلەدى. تاياۋدا اسكەري جيىنىڭ ءبىرىنشى اپتاسىندا تىڭداۋشىلار سال­تا­ناتتى تۇردە انت قابىلدادى. انت قابىلداۋ “داڭق” مەموريالى الاڭىندا ءوتتى. تالىمگەرلەردىڭ ول جەردى تاڭداعان سەبەبى تىڭداۋ­شى­لاردى وتان الدىنداعى ازاماتتىق بورىشى مەن جاۋاپكەرشىلىگىن تە­رەڭ تۇسىندىرۋگە نەگىزدەلدى. جاۋ­ىن­گەر­لەردىڭ ازاماتتىق قاسيەتىن شىڭداۋ ءۇشىن تاريحي ورىندارعا ەكسكۋرسيالار ۇيىمداستىرۋ, داڭق­تى جەرلەردى, تاريحي قالالاردى كورسەتۋ, اسكەري ءبولىم­شەلەردىڭ تۇر­مىس جاعدايلارى مەن كەزدەسۋلەر وتكىزۋ كەرەك. “داڭق” مەمو­ريا­لى الاڭىندا ۇلى وتان سوعى­سىنا قاتىسقان 140 000 جاۋىن­گەردىڭ ەسىمدەرى تاسقا قاشالىپ جازىلعان. اسكەري انت م.اۋەزوۆ اتىن­دا­عى وڭتۇستىك قازاق­ستان مەملەكەتتىك ۋنيۆەرسيتەتىنىڭ رەكتورى ءۋاليحان بيشىمباەۆتىڭ, تاربيە ءجو­نىن­دەگى پرورەكتورى تۇر­لى­بەك ىس­قاقوۆتىڭ جانە اسكەري كافەدرا باستىعى, پولكوۆنيك سابىرجان حا­كيمجانوۆتىڭ تىكەلەي قاتى­سۋى­مەن ءوتتى. وقۋ جيىنىندا كۇن تىزبەسىنە سايكەس تاكتيكالىق دارىستەر «داربازا» پوليگونىندا وتەدى. قازاق­ستان بيىل تاۋەلسىزدىگىنىڭ جيىرما جىلدىعىن لايىقتى اتاپ وتكەلى وتىر. مەملەكەتىمىز ءوز ەركىمەن ەشقان­داي ەلگە سوقتىققان ەمەس, ماقساتى – بەيبىتشىلىك. بىراق, مىق­تى مەملەكەت ءۇشىن مىقتى ءاس­كەري بازا, قورعانىس قاجەت. ءاربىر جاۋىنگەر قاجەت جاعدايدا قاسيەت­تى وتانىن قورعاۋعا قاشاندا داي­ىن بولۋى كەرەك. ءبىز وسىنى تىن­داۋشىلارعا ۇعىندىرۋعا تىرى­سا­­مىز. ءبۇ­گىنگى جاستاردىڭ بوداندىق قامىتىن كيگەن ۇرپاقتان وزگەرەك, پاتريوت بولىپ ءوسىپ كەلە جاتقان­دىعى قۋانتادى. مۇحامەدالي ەرەجەپوۆ, م.اۋەزوۆ اتىنداعى وقمۋ اسكەري جيىنى باستىعىنىڭ تاربيە جۇمىسى جونىندەگى ورىنباسارى, كاپيتان. شىمكەنت.