ازاماتتىق العاندار قاتارى ارتا تۇسۋدە

كەشە اقوردادا مەملەكەتتىك حاتشى قانات ساۋداباەۆتىڭ توراعالىق ەتۋىمەن پرەزيدەنتتىڭ جانىنداعى ازاماتتىق بەرۋ ماسەلەلەرى جونىندەگى كوميسسيانىڭ وتىرىسى بولىپ ءوتتى. وتىرىستا قازاقستان ازامات­تى­عىن العىسى كەلگەن ادام­دار­دىڭ وتىنىشتەرى قارالدى. مەملەكەت باسشىسى نۇرسۇلتان نازارباەۆ قول قويعاننان كەيىن كوميسسيادا وتىنىشتەرى قارالعان 23 مىڭ­نان ارتىق ادام قازاقستان ازا­مات­تىعىن الاتىن بولادى. تۇسكەن وتىنىشتەردىڭ اراسىندا تمد ەلدەرىنەن عانا ەمەس, الىس  شەت ەلدەردەن كەلگەن ادامداردىڭ دا ەسىمدەرى كوپ. وسى ماسەلەلەر تۋ­را­لى مەملەكەتتىك حاتشى ءوز ويىن بىلاي قورىتتى: – ءبىزدىڭ ەلىمىزدىڭ ازامات­تى­عىن الۋعا الەمنىڭ كوپتەگەن ەلدەرىنەن وتىنىشتەر ءتۇسۋىنىڭ ءوزى – ەلباسى نۇرسۇلتان نازارباەۆتىڭ جۇرگىزىپ وتىرعان دۇرىس سايا­سا­تى­نىڭ ارقاسىندا تاۋەلسىزدىگىن ال­عان 20 جىلدا قازاقستاننىڭ الەۋ­مەتتىك-ەكونوميكالىق جانە قو­عام­دىق-ساياسي جەتىستىكتەرىنىڭ موي­ىندالعانىن كورسەتەدى. ءبىز استا­نا كۇنى قارساڭىندا ازاماتتىق العان جاڭا وتانداستارىمىزدى قۋا­نىش­پەن قۇتتىقتاپ, ولارعا دەن­ساۋلىق, تابىس جانە جاڭا وتا­نىنىڭ كەمەل كەلەشەگى ءۇشىن جەمىستى ەڭبەك ەتۋلەرىن تىلەيمىز. ولاردىڭ اتا-بابالارى مەكەنىنە تەزىرەك بەيىمدەلۋىن قامتاماسىز ەتۋ ماسەلەلەرىن جىلدام جانە ۇيىمداستىرۋشىلىقپەن شەشۋ ەندى جاۋاپتى مەملەكەتتىك ورگان­داردىڭ مىندەتى. ايتا كەتەتىن دەرەك, قازاقستان تاۋەلسىزدىگىن العاننان بەرى جال­پى سانى 700 مىڭنان ارتىق شەتەل ازاماتتارى ءوز ىنتاسىمەن قا­زاقستان ازاماتتىعىن العان. سو­نىڭ باسىم بولىگى سوڭعى جىل­دار­دىڭ ۇلەسىنە تيەدى ەكەن. جاقسىباي سامرات.