تەك ەرەۋىل توقتاتىلعاننان سوڭ عانا كەلىسسوز جۇرگىزىلۋى مۇمكىن

قمگ ءبو ««وزەنمۇنايگاز» ەڭ­بەك ۇجىمىنىڭ وزەكتى ماسەلە­لەرىن قا­راۋعا دايىن, سونداي-اق, ومگ كاسىپوداعىنىڭ جانە ەڭبەك ۇجى­مىنىڭ وكىلدەرى تاراپىنان ۇسى­نىل­عان, بىتىمگەرلىك كوميس­سيا­­سى­نىڭ جۇمىسىنا قاتىسۋ ءجو­نىن­دەگى ۇسىنىسىن قولدايدى. الاي­دا, ول ءۇشىن قۇقىق اياسىنىڭ شەڭبەرىندە ارەكەت ەتۋ كەرەك. سوندىقتان دا, بىتىمگەرلىك كو­ميس­سيا ءوز جۇ­مىسىن ەرەۋىل توق­تا­تى­لىپ, ومگ قىزمەتكەر­لە­رى­نىڭ بار­لىعى تەگىس جۇمىسقا شىق­قاننان سوڭ عانا باستاي الادى. مۇنداي مالىمدەمەنى استانادا ومگ وندىرىستىك فيليالى كاسىپ­وداعىنىڭ وكىلدەرىمەن كەزدەسۋ با­رىسىندا قمگ ءبو ««وزەنمۇنايگاز» بارلاۋ ءوندىرۋ» اق باس ديرەك­تورى اسقار بالجانوۆ جاسادى. ومگ ەڭبەك ۇجىمى تاراپىنان ومگ بىرىككەن كاسىپوداعىنىڭ ءتور­­­­اعاسى ناۋرىز ساقتاعانوۆ, ونىڭ ورىنباسارى ءادىل سۇيەباي, مگوب-4 كاسىپوداق كوميتەتىنىڭ بوساتىلعان توراعاسى يبادۋللا امەلوۆ, اكب اۆتوماتيكا ءجونىن­دەگى اعا ينجەنەرى, كاسىپ­وداق كو­ميتەتىنىڭ بوساتىلماعان ءتور­اعا­سى امانياز نۇريموۆ جانە نگدۋ-2 كاسىپوداق كوميتەتىنىڭ بو­ساتىل­عان توراعاسى بەكالى ۋاق­باەۆ قاتىستى. تاراپتار زاڭسىز نارازىلىق شارالارىن وتكىزۋدىڭ ناتيجە­سىن­دە «وزەنمۇنايگاز»دا قالىپ­تاس­­قان جاع­­­دايدى تالقىلادى. ەرەۋ­ىل­­شىلەر­دىڭ باستى تالاپتارى­نىڭ ءبىرى – ۇج­ىمدىق كەلىسىم-شارت بويىنشا جالاقىنى كوتەرۋ بو­لىپ تابى­لاتىندىعى جۇرتقا ءما­لىم. بۇل تا­لاپتىڭ ورىندال­ماي­تىندىعى تۋ­­­رالى اسقار بالجانوۆ ءتۇسىن­دىرىپ ءوتتى. قمگ ءبو باس­شى­سىنىڭ كەلتىرگەن مالىمەت­تەرىنە سايكەس, «وزەنمۇناي­گاز­داعى» جا­لا­قىنىڭ ءوسۋى سوڭعى ءۇش جىلدا ينفلياتسيا قارقىنىنان اناعۇر­لىم اسىپ تۇسكەن, بۇگىنگى تاڭدا شامامەن 300 مىڭ تەڭگەنى قۇراي­دى. بۇل – ماڭعىستاۋ وب­لىسىن­داعى ۇقساس كورسەتكىشتەن, سونداي-اق, رەسەيلىك كومپانيا­لار­دىڭ وسى سالا­داعى قىزمەت­كەر­لەرىنىڭ جالا­قى­سى­نىڭ دەڭ­گەيى­نەن جو­عارى, دەپ اتاپ ءوتتى اسقار بالجانوۆ. بۇعان قوسا, ومگ شتاتتىق سانى, سون­داي-اق, كومپانيانىڭ ۇجىمدىق شارتتى ورىنداۋعا جۇمسالاتىن شىعىن­دارى ۇلعايۋ­دا – بۇگىنگى تاڭدا ول شىعىندار ءاربىر جۇ­مىس­كەرگە شاققاندا جىلىنا شامامەن 1 ميلليون تەڭگەنى قۇرايدى. بىراق, قىزمەتكەرلەردىڭ ماتە­ريالدىق جانە الەۋمەتتىك جاع­دايىن جاقسارتۋعا باسشىلىقتىڭ كۇش-جىگەر جۇمساپ وتىرعان­دى­عى­نا قاراماستان, ەڭبەك ءونىم­دىلى­گىنىڭ تومەندەۋى ورىن الۋدا, ەڭ­بەك ءتارتىبى قۇلدىراۋدا, ەرەۋىلدەر تۇ­راقتى جاعدايعا اينالۋدا, وسى­نىڭ ناتيجەسىندە, سوڭعى ءۇش جىل­دا ومگ مۇناي ءوندىرۋدىڭ جوس­­پا­رىن ورىنداماي كەلەدى. وسى­­لاي­شا, كاسىپورىننىڭ ەكونو­ميكاسى جالاقىنى ارى قاراي ۇلعايتۋعا مۇمكىندىك بەرمەيدى. جۇمىستان بوساتىلعان ەرەۋىلشىلەردى جۇمىسقا قايتا قابىلداۋ جونىندەگى كاسىپوداق وكىلدەرىنىڭ ۇسىنىسىنا جاۋاپ بەرە كەلىپ, اس­قار بالجانوۆ بىلايشا ءتۇسىن­دىردى: زاڭعا سايكەس, رۇقسات ەتىلمەگەن نارازىلىق شاراسىنا قاتىس­قاندار ەڭبەك ءتارتىبىن بۇزدى, ال بۇل – ءوز جۇمىس ورىندارىنان ايىرىلۋعا اپارىپ سوقتىردى. ءبى­راق, ولار جۇمىسقا قايتا قالپىنا كەلتىرۋگە سوت ارقىلى تالاپ قويۋعا قۇقىلى. سونىمەن قاتار, قمگ ءبو «وزەنمۇنايگاز» كاسىپوداعىنىڭ ءجا­نە ەڭبەك ۇجىمىنىڭ وكىلدەرى تارا­پى­نان ۇسىنىلعان, بىتىمگەرلىك كو­ميسسياسىنىڭ جۇمىسىنا قاتى­سۋ جانە كەلىسسوزدەردى باستاۋ ۇسى­نى­سىن قولدادى. سونىمەن بىرگە, ەڭ­بەك داۋى – زاڭمەن قاراس­تى­رىل­عان راسىمدەردىڭ شەڭبە­رىندە عانا قا­را­لاتىندىعىن اس­قار بالجانوۆ ەس­كەرتە كەتتى. جانە دە بۇل – زاڭ­سىز نارازىلىق شا­راسى تولى­عى­مەن توقتاتىلىپ, «ءوز­ەنمۇنايگاز» قىزمەت­كەر­لە­رى­نىڭ بارلىعى تەگىس ءوز جۇمىسىن جال­عاستىرعاننان سوڭ عانا ءمۇم­كىن بولادى. «قازمۇنايگاز» ۇلتتىق كوم­پانياسىنىڭ باسشىلىعى دا ءما­سەلەنى شەشۋگە قاتىسۋعا دايىن ەكەندىگىن ءبىلدىردى, الايدا, ول – تەك قۇقىق اياسىندا, زاڭنامانىڭ تا­لاپ­تارىن ەكى تاراپتىڭ دا ور­ىن­داۋى شارتىمەن جۇزەگە اسى­رىلۋى ءتيىس. بۇل جونىندە كەزدەسۋگە قا­تىسىپ وتىرعان قمگ ۇك بارلاۋ جانە ءوندىرۋ جونىندەگى باسقارۋشى ديرەكتورى, قمگ ءبو ديرەكتورلار كەڭەسىنىڭ توراعاسى اليك ايدارباەۆ مالىمدەدى. كەزدەسۋدى اياقتاي وتى­رىپ, قمگ ءبو تاعى دا كا­سىپ­وداق جانە ەڭبەك ۇجىمى وكىل­دە­رىنە مىناداي ءوتى­نىش ايتتى: قا­زىرگى تەكەتىرەس وزدەرىنىڭ وتباسى­لا­رىنىڭ جانە جالپى كاسىپورىننىڭ ءال-اۋقا­تىنا تەك زيانىن تيگىزىپ جات­قاندىعى جونىندە زاڭسىز نارا­زىلىق شاراسىنا قاتىسۋشى­لار­دىڭ بارلىعىنا ءتۇسىندىرىلسىن. كەزدەسۋ ەكى ساعاتتان ارتىق ۋاقىتقا سوزىلدى. كاسىپوداق وك­ىل­­دەرى بارلىق سۇراقتارعا تو­لىق­قان­دى جاۋاپ الدى. زارينا امراەۆا.