جۇگەنسىز جۇرگىزۋشىلەر

جاقىندا وبلىس اكىمى قانات بو­زىمباەۆتىڭ قاتىسۋىمەن تاراز قا­لاسىنداعى قوعامدىق كولىك قىز­مەتىنىڭ ساپاسىنا بايلانىستى كە­ڭەس ءوتتى. كەڭەسكە جولاۋشىلاردى تاسى­مال­داۋمەن اينالىساتىن مەكەمە باس­شىلارى, كولىك ينسپەكتسياسى ءجا­نە جول پوليتسياسى وكىلدەرى قاتىستى. كەڭەستەن ۇققانىمىز, وبلىس ورتالىعىنداعى قوعامدىق كولىكتەر­دىڭ جۇمىسى ويداعىداي ەمەس. سارالاۋ ناتيجەسى بويىنشا, جولاۋشى­لار­عا ساپالى, مادەنيەتتى قىزمەت ۇسىنۋعا ءتيىستى مەكەمەلەر ءوز جۇمىس­تارىنا سالدىر-سالاقتىقپەن قاراۋ­دا. دالىرەك ايتساق, كەيبىر باعىتتار جولاۋشىلار تاسقىنى مەن جول شارت­تارى ەسكەرىلمەستەن بەكىتىلە سالعان. سونداي-اق, بەكىتىلگەن باعىت­تاردى قالاۋىنشا وزگەرتە سالاتىن تاسىمالداۋشىلار دا كەزدەسەدى. ال اۆتوبۋس جۇرگىزۋشىلەرى جول ءجۇرۋ ەرەجەسىن دورەكى تۇردە جانە قاساقانا بۇزۋعا داعدىلانعان. سون­داي-اق, كەيبىر جۇرگىزۋشىلەر باعىت­تا ءجۇرىپ ءوزارا «جارىس» ۇيىمداس­تىرادى, باسەكەگە تۇسەدى, ايالداما­لار­دى «اتتاپ» وتەدى. مۇنىڭ جا­عىم­سىز, قولايسىز جاقتارىن بىلاي قويعاندا, وسىنداي بەيباستاقتىق سالدارىنان كەيبىر جولاۋشىلار اۆتوبۋستاردان سەكىرىپ تۇسۋگە ءما­ج­بۇر بولىپ, جاراقات الۋدا. ءبىر سوزبەن ايتقاندا, تاراز قا­لا­سىنداعى قوعامدىق كولىك قىزمە­تىن­دە سوراقىلىق كوپ. ايتالىق, جىل باسىنان بەرى قوعامدىق كولىك جۇرگىزۋشىلەرىنىڭ دورەكىلىگى, ءتاجى­ري­بەسىزدىگى, سالدىر-سالاقتىعى ءجا­نە جولاۋشىلار ومىرىنە نەمقۇراي­دى قاراۋى سالدارىنان مىڭنان استام جول ءجۇرۋ ەرەجەسىن بۇزۋ فاكتىلەرى ورىن العانى دا انىقتالعان. اۆتوبۋس رولىنە ماس نەمەسە ءتاجى­ري­بەسى جوق جۇرگىزۋشىلەردى وتىرعىزۋ ۇدەرىسى دە بەل الىپ بارادى. قانات بوزىمباەۆتىڭ ايتۋىن­شا, ۇستىمىزدەگى جىلى وسى ماسەلە بويىنشا وبلىس اكىمىنىڭ بلوگىنا 39 حات تۇسكەن. مىسالى, قۇمشاعال اۋىلىنىڭ تۇرعىندارى: «ءبىزدىڭ اۋىلعا بولىنگەن №49 باعىتتاعى اۆتوبۋستار دەمالىس كۇندەرى جۇمىسقا شىقپايدى. كەيدە ولار باعىتتارىن ءوز قالاۋىنشا اۋىستىرا سالادى. سوعان شارا قولدانۋىڭىزدى سۇراي­مىز», دەپ جازعان. جولاۋشىلار تاسىمالداۋ قىز­مە­تىندەگى بەيبەرەكەتسىزدىك قاشانعا دەيىن سوزىلادى؟ ارينە, ەگەر جاۋاپ­تى مەكەمەلەر تاراپىنان تۇراقتى تۇردە باقى­لاۋ جاسالسا, بۇل ايتىلعان كەم­شى­­لىك­تەر­دىڭ بارلىعى شەشىمىن تاپقان بولار ەدى. وسىعان وراي, وبلىس اكىمى ءوزى­نىڭ ءبىرىنشى ورىنباسارى ك.كوكى­رەك­باەۆقا ساراپتاما جۇرگىزۋ ءۇشىن جۇ­مىس توبىن قۇرۋدى تاپسىردى. الداعى ۋا­قىت­تا جولاۋشىلاردى تاسىمالداۋ بو­يىنشا قاجەتتى ءىس-شارالار قابىل­داۋ قاجەتتىگى اتاپ ءوتىلدى. ديسپەتچەرلىك قىز­مەت مەكەمەسىنە قۇقىقتىق ءمار­تەبە بەرۋ تۋرالى ۇسىنىس جاساۋ جاعى دا ويلاستىرىلدى. جولاۋشىلار تا­سى­ما­لىن ۇيىمداس­تىرۋ مەن قاجەتتى شا­رالاردى قابىل­داۋ تۋرالى ۇسى­نىس پەن ساراپتاما جاساۋ قۇرىلىس, جو­لاۋ­شىلار كولىگى جانە اۆتوموبيل جول­دارى باسقارما­سىنا تاپسىرىل­دى.تاراز قالاسىنىڭ اكىمى بەكبولات ورىن­بەكوۆ پەن وبلىس­تىق جول پولي­تسياسى دەپارتامەنتىنىڭ باستىعى ايدار سوۆەت تە تاپسىر­ما­سىز قالعان جوق. بۇگىندە تاراز قالاسى تۇرعىن­دا­رىن قوعامدىق كولىكپەن قامتا­ماسىز ەتۋ ماقساتىندا 54 باعىتتا 13 تاسىمالداۋشى مەكەمە جۇمىس ىستەيدى. جالپى باعىتتاردىڭ ۇزىن­دىعى 887,1 شاقىرىمدى قۇرايدى. بۇل باعىتتاردا ءار ءتۇرلى ماركالى 653 اۆتوبۋس جانە شاعىن اۆتوبۋستار كۇندەلىكتى قىزمەت كورسەتۋدە. كوسەمالى ساتتىباي ۇلى, جامبىل وبلىسى.