كەلىسىم قولداۋ تاپپادى

سەنات اۋعانستانعا اسكەر جىبەرۋ تۋرالى زاڭ جوباسىن قابىلدامادى كەشە پارلامەنت سەناتىنىڭ توراعاسى قايرات ءماميدىڭ توراعالىق ەتۋىمەن جوعارعى پالاتانىڭ كەزەكتى جالپى وتىرىسى بولدى. جالپى وتىرىستىڭ كۇن تارتىبىنە قويىلعان ماسەلەلەر قاراسى قوماقتى كورىندى. حالىقارالىق كەلىسىمدەردى راتيفيكاتسيالاۋ جونىندەگى 5 زاڭنىڭ جوباسىن جانە حالىقتى الەۋمەتتىك قورعاۋ سالاسىنا قاتىستى زاڭ جوباسىن قاراعان وتىرىستا ءبىر-بىرىنە كەرەعار پىكىرلەر دە ايتىلدى. العاشقى «قازاقستان رەسپۋب­ليكاسى مەن حالىقارالىق قايتا قۇرۋ جانە دامۋ بانكى ارا­سىن­دا­عى قارىز تۋرالى كەلىسىمدى (تەح­ني­كالىق جانە كاسىپتىك ءبىلىم بەرۋدى جاڭعىرتۋ جوباسى) راتيفيكاتسيالاۋ تۋرالى», «زياتكەرلىك مەن­شىك قۇقىقتارىن ساقتاۋ جانە قورعاۋ سالاسىنداعى بىرىڭعاي رەت­تەۋ قاعيداتتارى تۋرالى كەلىسىمدى  راتيفيكاتسيالاۋ تۋرالى» زاڭ جوبالارى دەپۋتاتتار تاراپىنان قولداۋ تاۋىپ, تەز-اق قابىلدانسا, «قازاقستان رەسپۋبليكاسىنىڭ ۇكى­مەتى مەن رەسەي فەدەرا­تسيا­سى­نىڭ ۇكىمەتى اراسىنداعى 1994 جىل­عى 10 جەلتوقسانداعى قازاق­ستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكى­مەتى اراسىنداعى «بايقوڭىر» كەشەنىن جالعا بەرۋ شارتىنا وزگە­رىس ەنگىزۋ تۋرالى حاتتامانى راتيفيكاتسيالاۋ تۋرالى»  زاڭ جو­با­سىنا كەلگەندە الدىڭعى جىل­دام­دىق شابانداي بەردى. جوبا بويىنشا باس كوميتەت سانالاتىن زاڭناما جانە قۇ­قىق­تىق ماسەلەلەر كوميتەتى اتالعان جوبانى قولداعانىمەن, حالىق­ارا­لىق قاتىناستار, قورعانىس جانە قاۋىپسىزدىك كوميتەتى ونى قابىلداماۋ تۋرالى ۇسىنىس ايت­تى. سەناتور ب.مۇحامەدجانوۆ بۇل كەلىسىم ەرەجەلەرى عارىش ايلا­عىنا جاتاتىن اۋماقتا تۇراتىن جانە جۇمىس ىستەيتىن قازاقستان­دىقتار قۇقىقتارىنىڭ بۇزى­لۋى­نا اكەلىپ سوعاتىنىن اتاپ ءوتتى. ول بايقوڭىر عارىش ايلاعىن جالعا بەرۋ تۋرالى العاشقى كەلىسىم جاسالعاننان بەرى جالعاسىپ كەلە جاتقان كورىنەدى. كوميتەت ءتور­اعاسى ق.سۇلتانوۆ: ءبىز باي­قو­ڭىر عارىش ايلاعىن جالعا بەرىپ وتىرمىز,  ال كەلەشەكتە وسىنداي ماسەلە رەسەي ەمەس, باسقا ءبىر ەلمەن ارادا تۋسا نە ىستەيمىز؟ سوندا ولاردىڭ بارلىعىنا وسى تارىزدەس زاڭ قابىلدايمىز با دەپ ب.مۇحامەدجانوۆتىڭ پىكىرىنە قول­داۋ كورسەتتى. الايدا, سەناتور ب.دوسمانبەتوۆتىڭ پىكىرىنشە, ۇسى­نىلىپ وتىرعان كەلىسىم عارىش ايلاعىنداعى قۇقىقتىق ماسەلە­لەر­دى شەشۋدە ىلگەرىلەۋدى بىلدىرەتىن كورىنەدى. پىكىرتالاستار سوڭى­نان سەناتورلار زاڭ جوباسىن قابىلداعان ءجون دەپ تاپتى. «كەدەن وداعى شەڭبەرىندەگى داۋلار بويىنشا شارۋاشىلىق ءجۇر­گىزۋشى سۋبەكتىلەردىڭ ەۋرا­زيا­­لىق ەكونوميكالىق  قوعام­داستىقتىڭ سوتىنا جۇگىنۋى جانە ولار بويىنشا سوت ءىسىن  جۇرگىزۋ ەرەكشەلىكتەرى تۋرالى شارتتى راتيفيكاتسيالاۋ تۋرالى» زاڭ جو­با­سىن راتيفيكاتسيالاعاننان سوڭ سە­ناتورلار تالقىلاعان زاڭ جو­باسى «قازاقستان رەسپۋبليكاسى مەن سولتۇستىك اتلانت شارتى ۇيى­مى اراسىنداعى اۋعانستان­دا­عى قاۋىپسىزدىككە جاردەمدەسۋ حالىقارالىق كۇشتەرىنىڭ قىزمە­تى­نە قاتىسۋ تۋرالى نوتالار الماسۋ نىسانىنداعى كەلىسىمدى راتيفيكاتسيالاۋ تۋرالى» زاڭ جوباسى بولدى. سەناتورلار جالپى وتىرىستا بۇل زاڭ جوباسىن قابىلداماۋ تۋرالى ويلارىن ورتاعا سالدى. زاڭ جوباسى بويىنشا قوسىمشا بايانداما جاساعان سەناتور م.ال­تىنباەۆ ءبىزدىڭ ەلىمىزدىڭ اۋ­عان­ستاننىڭ ىشكى تۇراقتىلىعى مەن قاۋىپسىزدىگىنە, بەيبىت ومىرىنە گۋ­مانيتارلىق سيپاتتا كومەك بەرىپ كەلە جاتقانىن اتاپ ءوتتى. اۋعان جاستارىن وقىتۋ ءۇشىن 50 ميلليون اقش دوللارى ءبولىنىپ, ولار قازىرگى كەزدە ەلىمىزدىڭ جوو-لا­رىندا ءبىلىم الىپ جاتقانىن ايت­قان سەناتور پالاتا كوميتەتىنىڭ جوبانى تۇتاستاي قابىلداماۋ ءجو­نىندەگى جانە ونى ماجىلىسكە قاي­تا­رۋ تۋرالى قورىتىندىسىن جەتكىزدى. اۋعانستان تۋرالى جوبانى قولداماۋ تۋرالى پىكىرگە سەناتورلار س.جالماعامبەتوۆا مەن ت.سيمامباەۆ تا قوسىلدى. تالقىلاۋ قورىتىندىسى بوي­ىن­شا بۇل زاڭ جوبا­سىن تۇتاستاي قابىلداماۋ جانە ونى پارلامەنت ماجىلىسىنە قايتارۋ تۋرالى شەشىم قا­بىلداندى. جالپى وتىرىستا كۇن ءتارتى­بىنە شىعارىلعان باسقا بىرقاتار زاڭ جوبالارىن ءتيىستى تالقى­لاۋ­لاردان كەيىن ماقۇلداعان ءجون دەگەن شەشىمدەر الىندى. ەكى زاڭ جوباسى پارلامەنت پالاتالارى­نىڭ اراسىنداعى كەلىسپەۋشىلىكتەردى ەڭسەرۋ جونىندەگى كەلىسۋ كو­ميسسياسىنىڭ ۇسىنىستارى بوي­ىن­شا قابىلداندى. وتىرىستا دەپۋتاتتار «قا­زاقستان رەسپۋبليكاسىنىڭ كەيبىر زاڭنامالىق اكتىلەرىنە حالىققا قىزمەت كورسەتۋ ورتالىقتارىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋ­را­لى» زاڭ جوباسى بويىنشا پارلامەنت پالاتالارىنىڭ اراسىن­داعى كەلىسپەۋشىلىكتەردى ەڭسەرۋ ءجو­نىن­دە­گى كەلىسۋ كوميسسياسىنىڭ قۇ­رامى­نا ءوز ارىپتەستەرىن ساي­لادى. انار تولەۋحانقىزى.