فورۋم اياسىنداعى كەزدەسۋلەر

قازاقستان رەسپۋبليكاسى پرە­مەر-ءمينيسترىنىڭ ءبىرىنشى ورىنباسارى ومىرزاق شوكەەۆ قىرعىزستاننىڭ ءبىرىنشى ۆيتسە-پرەمەرى ومۋربەك بابانوۆ باس­تاعان دەلەگاتسيامەن كەزدەستى. كەزدەسۋ بارىسىندا ەكىجاقتى ساۋدا-ەكونوميكالىق, ينۆەستي­تسيا­لىق ىنتىماقتاستىق, ونىڭ ىشىندە ەنەرگەتيكالىق جانە اۋىل-شارۋاشىلىق سالالارىنداعى ىن­تى­ماقتاستىقتى نىعايتۋ ماسەلە­لەرى تالقىلاندى. سونداي-اق ەكى ەلدىڭ كەدەندىك جانە شەكارالىق قىزمەتتەرىنىڭ ءوزارا ارەكەتتەستىگى جونىندە دە ماسەلە قارالدى. *  *  * پرەمەر-ءمينيستردىڭ ورىن­باسارى, يندۋستريا جانە جاڭا تەحنولوگيالار ءمينيسترى اسەت يسەكەشەۆ VII بۇكىلالەمدىك يس­لام ەكونوميكالىق فو­رۋ­مى اياسىندا بىرقاتار ەكى­جاق­تى كەزدەسۋلەر وتكىزدى. باحرەين كورولدىگى پرەمەر-ءمينيسترىنىڭ ەكونوميكالىق ءما­سە­لەلەر بويىنشا كەڭەسشىسى ابداللا حاسان سەيفپەن, مالاي­زيا­نىڭ حالىقارالىق ساۋدا جانە يندۋستريا ءمينيسترى مۇستافا مۇ­حا­مەدپەن, ءباا ەكونوميكا ءمينيسترى سۇلتان سايد ءال-مان­سۋ­ري­مەن, برۋنەي-دارۋسسالام مەم­لەكەتى پرەمەر-مي­نيسترى­نىڭ ورىنباسارى داتو پادۋكا اۆانگ حاجي بين الونگپەن, سونداي-اق نيدەرلاندىنىڭ ەكس-پرەمەر-مي­نيسترى ۆيم كوكپەن كەزدەسۋلەر كەزىندە ساۋدا-ەكو­نوميكالىق ىن­تى­ماقتاستىق ماسە­لەلەرى تال­قىلاندى. *  *  * «CIMB/ALM Group» كومپا­نيا­سى وكىلدەرىمەن كەزدەسۋدە كو­لىك جانە تۋريزم سالاسىنداعى ينۆەستيتسيالىق جوبالاردى بىرلەسىپ ىسكە اسىرۋ مۇمكىندىكتەرى قاراستىرىلدى.