بىرنەشە زاڭ جوباسى ماقۇلداندى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆ­تىڭ جەتەكشىلىگىمەن وتكەن پالاتانىڭ جالپى وتىرىسىندا بىرقاتار زاڭ جوبالارى ماقۇلداندى, دەپ حابارلادى ءماجىلىستىڭ ءباسپاسوز قىزمەتى. جالپى وتىرىستا قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقا­رى­­لۋىن باقىلاۋ جونىندەگى ەسەپ كوميتەتىنىڭ 2010 جىلعى رەسپۋب­لي­كالىق بيۋدجەتتىڭ اتقارىلۋى تۋرالى ەسەپتەرى تالقىعا سالىن­دى. دەپۋتاتتار قارجى ءمينيسترى بولات جامىشەۆتىڭ جانە رەس­پۋب­ليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كومي­تە­تى­نىڭ توراعاسى ومارحان وكسىك­باەۆ­تىڭ باياندامالارىن تىڭدادى. اتالعان ەسەپتەر بويىنشا قارجى جانە بيۋدجەت كوميتەتىنىڭ مۇشەسى تولەبەك قوسمامبەتوۆ قوسىمشا بايانداما جاسادى. كەلەسى كەزەكتە «قازاقستان رەس­پۋبليكاسىنىڭ كەيبىر زاڭنا­ما­لىق اكتىلەرىنە سىرتقى مەملەكەتتىك قارجىلىق باقىلاۋدى جەتىلدىرۋ ماسەلەلەرى بويىنشا ءوز­گە­رىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقى­لىم­دا تالقىعا ءتۇستى. قارجى ءمينيسترى بولات جامىشەۆ بايانداما جا­سادى. قارجى جانە بيۋد­جەت كو­ميتەتىنىڭ مۇشەسى توق­تار­باي قا­دام­باەۆ قوسىمشا تۇسىنىك بەردى. سونداي-اق «قازاقستان رەس­پۋب­­ليكاسىنداعى ارنايى ەكونو­مي­كالىق ايماقتار تۋرالى» زاڭ جو­باسى ءبىرىنشى وقىلىمدا قارا­لىپ, ماقۇلداندى. وسى زاڭ جو­با­سىمەن بىرگە «قازاقستان رەسپۋب­لي­كاسىنىڭ كەيبىر زاڭنامالىق اكتىلەرىنە ارنايى ەكونوميكالىق ايماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسى دا قارالدى. يندۋستريا جانە جاڭا تەحنولوگيالار ءمينيسترىنىڭ ءبىرىنشى ورىنباسارى البەرت راۋ بايانداما جاسادى. زاڭ جوباسى بويىنشا قۇرىلعان جۇمىس تو­بى­نىڭ جەتەكشىسى, ءماجىلىستىڭ ەكو­نو­ميكالىق رەفورما جانە وڭىرلىك دامۋ كوميتەتىنىڭ مۇشەسى جەكسەنباي دۇيسەباەۆ قوسىمشا بايانداپ, جۇمىس توبىندا اتقارىلعان تال­قىلاۋلارعا توقتالدى. زاڭ جو­با­سى ءبىرىنشى وقىلىمدا ماقۇل­داندى. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكو­لوگيالىق ماسەلەلەر بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا تالقىعا شىعارىلدى. قورشاعان ورتانى قورعاۋ ءمينيسترى نۇرعالي ءاشىم بايانداما جاساپ, زاڭ جوباسى تۋرالى جان-جاقتى ماعلۇمات بەردى. زاڭ جوباسى ءبىرىنشى وقىلىمدا ماقۇلداندى. «مەملەكەتتىك (مۋنيتسي­پال­دىق) ساتىپ الۋ تۋرالى كەلىسىمدى راتيفيكاتسيالاۋ تۋرالى» زاڭنىڭ جوبا­سى جونىندە دە قارجى ءمينيسترى بولات جامىشەۆ بايانداما جاسادى. حالىقارالىق ىستەر, قورعانىس جانە قاۋىپسىزدىك كوميتەتىنىڭ ءمۇ­شەسى ءۋاليحان قوڭىرباەۆ قوسىم­شا بايانداپ ءوتتى. زاڭ جوباسى تو­لىقتاي ماقۇلداندى. كەلەسى كەزەكتە «اۋىل شارۋاشى­لى­عىن مەملەكەتتىك قولداۋدىڭ بىرىڭعاي قا­عي­دالارى تۋرالى كەلىسىمدى راتيفيكاتسيالاۋ تۋرالى» زاڭ جوباسى تالقىعا سا­لىن­دى. اۋىل شارۋاشىلىعى مينيسترلىگىنىڭ جا­ۋاپتى حاتشىسى ەۆگەني امان بايانداما جاسادى. اتالعان كەلىسىم 2010 جىلعى 9 جەلتوقساندا ماسكەۋدە جاسالعان. وسى كەلىسىمنىڭ نىساناسى اۋىل شا­رۋا­شىلىعى تاۋارلارىن وندىرۋشىلەردى مەملەكەتتىك قولداۋدى جۇزەگە اسىرۋ قاعي­دالارىن بەلگىلەۋ بولىپ تابىلادى جانە تاراپتار مەملەكەتتەرىنىڭ بىرىڭعاي ەكو­نوميكالىق كەڭىستىگىنىڭ اۋماعىندا قول­دانىلادى جانە اۋىل شارۋاشىلىعى تا­ۋارلارىنا قاتىستى قولدانىلادى. حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ەرمۇ­حان­بەت وماروۆ قوسىمشا بايانداما جاسادى. تالقىلاۋدان كەيىن پالاتا دەپۋتاتتارى زاڭ جوباسىن تۇتاستاي ماقۇلداۋ تۋرالى ورتاق شەشىمگە كەلدى. «تابيعي مونوپوليالار سۋبەكتى­لە­رى­نىڭ قىزمەتىن رەتتەۋدىڭ بىرىڭعاي قاعيدات­تارى مەن قاعيدالارى تۋرالى كەلىسىمدى راتيفيكاتسيالاۋ تۋرالى» زاڭ جوباسى ءجو­نىندە تابيعي مونوپوليالاردى رەتتەۋ اگەنتتىگىنىڭ توراعاسى نۇرلان الدابەرگەنوۆ بايانداما جاسادى. تابيعي مونوپوليالار سۋبەكتىلەرىنىڭ قىزمەتىن رەتتەۋدىڭ بىرىڭعاي قاعيداتتا­رى مەن قاعيدالارى تۋرالى كەلىسىم 2010 جىلعى 9 جەلتوقساندا ماسكەۋدە جاسالدى. حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى زەينۋللا الشىمباەۆ قوسىمشا بايانداما جاسادى. زاڭ جوباسى تولىقتاي ماقۇلداندى. بۇدان كەيىن «باسەكەلەستىكتىڭ ءبىرىڭ­عاي قاعيداتتارى مەن قاعيدالارى تۋرالى كەلىسىمدى راتيفيكاتسيالاۋ تۋرالى» زاڭ جو­باسى تالقىعا شىعارىلدى. زاڭ جوبا­سى­نىڭ ماقساتى تۋارلى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) توراعاسى ءماجيت ەسەنباەۆ بايانداما جاسادى. باسەكەلەستىكتىڭ بىرىڭعاي قاعيداتتا­رى مەن قاعيدالارى تۋرالى كەلىسىم 2010 جىلعى 9 جەلتوقساندا ماسكەۋدە كەدەن ودا­عىنا قاتىسۋشى مەملەكەتتەر اراسىن­دا جاسالدى. حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ساۋىرباي ەسجانوۆ قوسىمشا تۇسىنىك بەرە كەلىپ, ارىپتەستەرىن زاڭ جوباسىن قولداپ داۋىس بەرۋگە شاقىردى. تالقىلاۋدان كەيىن بۇل زاڭ جوباسى دا تولىقتاي ماقۇلداندى. جالپى وتىرىستا «قازاقستان رەسپۋب­لي­كاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگە­رىس­تەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا تالقىعا سا­لىندى. بۇل زاڭ جوباسى بويىنشا قارجى جانە بيۋدجەت كوميتەتىنىڭ مۇشەسى امانجان جامالوۆ بايانداما جاسادى. قازاقستان رەسپۋبليكاسى پارلامەن­تى­نىڭ رەگلامەنتى بويىنشا بىرلەسكەن كوميس­سيانىڭ مۇشەلەرى تۋرالى پارلامەنت ءماجىلىسى توراعاسىنىڭ ورىنباسارى ۆلاديمير بوبروۆ سويلەدى. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناس­تا­رىن رەتتەۋ ماسەلەلەرى بويىنشا وزگەرىس­تەر مەن تولىقتىرۋلار ەنگىزۋ تۋرالى» زاڭ جو­باسى بويىنشا پارلامەنت ءما­جى­لىسى مەن سەناتى اراسىنداعى كەلىسپەۋشىلىكتەردى ەڭسەرۋ جونىندەگى كەلىسىم كو­ميسسيا­سىنىڭ ۇسىنىستارىن قولداۋ تۋ­رالى پالاتانىڭ شەشىمى شىعارىلدى. پالاتا دەپۋتاتتارى زاڭناما جانە سوت-قۇقىقتىق رەفورما كوميتەتىنىڭ قو­رى­­تىندىسىن تىڭداي كەلىپ, امانجول نۇر­­ماعامبەتوۆتى قازاقستان رەسپۋب­لي­كاسى كونس­تيتۋتسيالىق كەڭەسىنىڭ مۇشەسى قىز­مە­تىنە تاعايىنداۋ تۋرالى ورتاق شەشىم شىعاردى.