ىنتىماقتاستىق ارنالارى كەڭ

مەملەكەت باسشىسى نۇرسۇلتان نازارباەۆ جەتىنشى دۇنيەجۇزىلىك يسلام ەكونوميكالىق فورۋمى اياسىندا يسلام دامۋ بانكىنىڭ پرەزيدەنتى احماد موحاممەد ءالي ءال-مادانيمەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ كەزىندە ەكى جاقتى ءىس-قيمىل ماسەلەلەرى, سونداي-اق جەتىنشى دۇنيەجۇزىلىك يسلام ەكو­نو­ميكالىق فورۋمىنىڭ كۇن ءتارتىبى تالقىلاندى. – مەن ىنتىماقتاستىققا جانە بىزدە يسلامدىق قارجىلاندىرۋدى دامىتۋعا سىڭىرگەن زور ەڭبەگىڭىز ءۇشىن ءسىزدى I دارەجەلى «دوستىق» ور­دەنىمەن ماراپاتتاۋ تۋرالى جار­لىققا قول قويدىم. ىنتى­ماق­تاستىقتىڭ ودان ءارى دامي بەرەتىنىنە سەنىم بىلدىرەمىن. ءبىز ءبىرىنشى رەت كەزدەسىپ وتىرعان جوق­پىز, دەگەنمەن, بۇل – ەرەكشە كەزدەسۋ. ءبىزدىڭ ەلىمىزدە ءوتىپ وتىر­عان ەكونوميكالىق فورۋم ءبىزدىڭ يسلام ەلدەرىمەن ىنتىماقتاستى­عى­مىزعا ىقپال ەتەدى دەپ سەنەمىن. ءبىز يدب-نىڭ ءوز ەلىمىزدەگى قىز­مە­تى­نە ۇلكەن ءمان بەرەمىز. ءبىز قا­زاقستاندا ايماقتىق يسلام قار­جى­لاندىرۋ ورتالىعىن قا­لىپ­­تاس­تىرۋ ءۇشىن جۇمىس ىستەۋدەمىز. ءبىز قازىردىڭ وزىندە ەكى بانكتى اش­تىق, – دەدى مەملەكەت باسشىسى. – جوعارى مارتەبەلى, مەن ءۇشىن جانە ءبىزدىڭ بانك ءۇشىن وسىنداي جوعارى ناگرادا الۋ –  ۇلكەن قۇرمەت. بۇل قازاقستانمەن قا­رىم-قاتىناسىمىزدى تەرەڭدەتۋگە ۇمتىلۋدا ءبىزدىڭ قىزمەتكەرلەرى­مىز­گە ۇلكەن كۇش-جىگەر بەرەدى, – دەدى ا.ءالي. – ەڭ الدىمەن, يسلام دامۋ بانكىنىڭ دەلەگاتسياسى اتىنان پرەزيدەنتكە, ۇكىمەت پەن قازاق­ستان حالقىنا جەتىنشى دۇنيە­جۇ­زىلىك يسلام ەكونوميكالىق فورۋ­مىن وتكىزگەنى ءۇشىن شىن جۇرەك­تەن العىسىمدى ايتامىن. ءبىز نۇرسۇلتان نازارباەۆتىڭ سوزىنەن جانە پرەزيدەنتتىڭ كوكەيكەستى تاقىرىپتار بويىنشا ايتقان قۇن­دى ۇسىنىستارىنان اسەر ال­دىق. مەن وسى فورۋمدا قابىل­دانعان شەشىمدەر مەن ۇسى­نىس­تار, سونىڭ ىشىندە قازاقستان پرە­زيدەنتى ايتقان ۇسىنىستار قازاقستان مەن يكۇ-عا مۇشە وزگە ەلدەردىڭ اراسىنداعى ىنتىماق­تاس­تىقتى كەڭەيتۋگە قىزمەت ەتەدى دەپ سەنەمىن. سونىمەن بىرگە, ءبىز كەزدەسۋ كەزىندە استانادا الداعى ۋاقىتتا وتەتىن يسلام كونفەرەن­تسياسى ۇيىمىنا مۇشە ەلدەر سىرتقى ىستەر مينيسترلەرىنىڭ كە­ڭە­­سىن تالقىلادىق. بۇل دا قا­زاقستان مەن يدب-عا مۇشە ەلدەر­دىڭ اراسىنداعى قارىم-قاتى­ناستاردى كەڭەيتە تۇسۋگە تاعى ءبىر مۇمكىندىك تۋعىزادى. ءبىز پرەزيدەنت نۇرسۇلتان نازارباەۆتىڭ باسشىلىعىمەن قازاقستان مەن يدب اراسىنداعى ەكونوميكالىق, ساۋدا جانە ينۆەستيتسيالىق ءوزارا قارىم-قاتىناستار نىعاياتىنىنا سەنەمىز. بۇل فورۋمعا يكۇ مەن وزگە ەلدەردىڭ كاسىپكەرلەرى قاتىسۋدا. ولار قازاقستاندىق ارىپتەستەرىمەن تىعىز قارىم-قاتىناستار ورناتاتىنىنا سەنىمدىمىن, – دەدى كەزدەسۋدەن كەيىن يسلام دامۋ بانكىنىڭ پرەزيدەنتى ا.ءالي.