جيىندى جۇرگىزىپ وتىرعان وڭتۇستىك قازاقستان وبلىسى اكىمىنىڭ ورىنباسارى جاقىپ بوكەنباەۆ قوناقتارعا ءوز العىسىن ءبىلدىرىپ, وڭىردەگى اۋىل شارۋاشىلىعىنىڭ الەۋەتىمەن تانىستىردى.
«سوڭعى بەس جىلدا وبلىستاعى اۋىل شارۋاشىلىعىنىڭ جالپى ءونىم كولەمى 2 ەسەگە دەيىن ۇلعايىپ, 445 ملرد.تەڭگەنى قۇرادى. رەسپۋبليكاداعى شاققانداعى ۇلەسى 12,3 پايىزعا جەتىپ وتىر. بۇگىندە ەلىمىزدە اۋىل شاۋراشىلىعى ونىمدەرىنىڭ 40 پايىزى شەت- ەلدەردەن ەكسپورتتالادى. بۇل ماسەلەنى شەشۋدىڭ ءتيىمدى جولى - اگرو سالانى عىلىممەن ساباقتاستىرا وتىرىپ دامىتۋ بولىپ وتىر. سوندىقتان عالىمدارىمىزدىڭ وڭتۇستىك وڭىرىندەگى ءىسساپارىنىڭ ماڭىزى زور», - دەدى جاقىپ قۇتتىبەك ۇلى.
ءوز كەزەگىندە ءسوز العان قازاق ۇلتتىق اگرارلىق ۋنيۆەرسيتەتىنىڭ رەكتورى تىلەكتەس ەسپولوۆ ەكى جاقتى ىنتىماقتاستىقتا جۇمىس ىتەۋگە مۇرىندىق بولعان ءوڭىر باسشىلىعىنا العىسىن ءبىلدىرىپ, عالىمداردى يننوۆاتسيالىق جوبالاردى بىرىگىپ ىسكە اسىرۋعا شاقىردى. اۋىل شارۋاشىلىعى سالاسىنداعى شاعىن جانە ورتا بيزنەستى دامىتۋدا عىلىمنىڭ قوسار ۇلەسى مول بولاتىنىنا دا توقتالدى.
«ەلباسىمىز بيىلعى جولداۋىندا «اگرارلىق سەكتور ەكونوميكانىڭ جاڭا درايۆەرىنە اينالۋى كەرەك» دەگەن بولاتىن. وسى ورايدا وڭتۇستىك قازاقستان وبلىسى اكىمدىگى مەن ۋنيۆەرسيتەتىمىزدىڭ اراسىندا ەكى جاقتى ىنتىماقتاستىق جونىندە مەماراندۋمعا قول قويىلعان بولاتىن. ونداعى ماقسات – وسى ءوڭىردىڭ اۋىل شارۋاشىلىعى سالاسىن عىلىمي نەگىزدە دامىتىپ, بىرقاتار سالالارداعى جاڭاشىل يننوۆاتسيالىق يدەيالاردى ىسكە اسىرۋعا مۇمكىندىك تۋماق», - دەدى تىلەكتەس ەسپولوۆ.
سەمينار كەڭەستە وڭتۇستىككە ارنايى كەلگەن عالىمدار مال شارۋاشىلىعى, ۆەتەريناريا, باقشا داقىلدارى, كوكونىس پەن جەمىس-جيدەك, جىلىجاي شارۋاشىلىقتارىن دامىتۋعا ارنالاعان يننوۆاتسيالىق جوبالارمەن تانىستىرىپ, ولاردىڭ ماڭىزدىلىعىنا توقتالدى.
ايتا كەتەيىك, اگرارالىق ۋنيۆەرسيتەتتەن كەلگەن عالىمدار كەستە بويىنشا ءار اۋدانعا ءبولىنىپ, ءتۇرلى تاقىرىپتاردا سەمينار كەڭەستەر وتكىزەتىن بولادى.
