بىلىمىمەن مىڭدى «جىققان» جەتىسۋلىق وليمپيادا جەڭىمپازدارى – ەل ماقتانىشى

حالىقارالىق وليمپيادالار مەن تۋرنيرلەردە ءوڭىردىڭ عانا ەمەس, ەلى­مىز­دىڭ نامىسىن قورعاپ, كوك تۋى­مىز­دىڭ جەلبىرەۋىنە ۇلەس قوسقان دارىن­دى وقۋشىلارمەن كەز­دەسۋدە وبلىس اكىمى ا.مۇ­ساحانوۆ ەلباسىنىڭ جاس­تار­دىڭ جاڭا عاسىر تالاپتارىنا ساي باسە­كەگە قابىلەتتى ءبىلىم الۋىنا جا­سا­عان قامقورلىعىنا توقتالدى.  ءبىلىم بەرۋ مەكەمەلەرىنىڭ ماتە­ريال­دىق-تەحنيكالىق بازاسى جىل ءوت­كەن سايىن جاقسارۋدا. بيىل جەرگىلىكتى بيۋدجەت ەسەبىنەن سالىنعان 15 جال­پى ءبىلىم بەرەتىن مەكتەپ­تەر­دىڭ 11-ءى قىركۇيەك ايىندا شاكىرت­تەر يگىلىگىنە بەرىلمەكشى. قوسىمشا 6 ءبىلىم نىسان­دارىن قايتا قالپىنا كەلتىرۋ جوس­پار­لانعان. تالدىقور­عان قالاسىندا دارىندى بالالارعا ارنالعان ءۇش تىلدە وقىتاتىن ما­مان­داندىرىلعان № 20, مۇحتار ارىن اتىنداعى № 24, «ەكونوميكا جانە بيزنەس» ارناۋلى جانە قازاق-تۇرىك ليتسەيىندە شاكىرت­تەر­­مەن ءجۇر­گىزىلگەن جۇمىس ءناتي­جە­سىن­دە وبلىستىق وليمپيادالىق كوماندا حالىقارالىق جارىستا 154 مەدالدى يەلەنىپتى. وسىلايشا رەسپۋب­لي­كالىق ءپان وليمپيادالارىندا وب­لىس وقۋشىلارى 15 مەدال السا, عى­لى­مي جوبا بايقاۋىندا 14 مەدالعا قول جەتكىزىلگەن. قوعامنىڭ دامۋى مەن مەملە­كەت­تىڭ ءوسىپ-وركەندەۋىنە ۇلەس قوساتىن جاس­تاردى بولاشاق ومىرگە لايىقتى تاربيەلەۋ ۇلاعاتتى ۇستازدارعا باي­لا­نىستى ەكەنى دە جيىندا ءسوز بولدى. بۇدان سوڭ تالدىقورعان قالاسىن­داعى دارىندى بالالارعا ارنالعان ءۇش تىلدە وقىتاتىن № 20 ارناۋلى لي­تسەيدىڭ 11 سىنىپ وقۋشىسى ەرتىس ءادى­لەت, قاراساي اۋدانى, ماكارەنكو اتىنداعى ورتا مەكتەپتىڭ 11 سىنىپ وقۋشىسى گاۋھار بارلىباەۆا, پانفيلوۆ اۋدانى ى.التىنسارين اتىن­دا­عى ورتا مەكتەپتىڭ 11 سىنىپ وقۋ­شى­سى, اقبوتا جاكيەۆا, تالدىقور­عان قالاسىنداعى «نازارباەۆ زياتكەرلىك مەكتەبىنىڭ» مۇعالىمى سەرگەي پوليانسكيح ءسوز سويلەپ, ۇستازدار مەن اتا-انالارعا شىن جۇرەكتەن شىققان العىستارىن جەتكىزدى. «بۇلاق كورسەڭ, كوزىن اش» دەگەن. جاس ۇرپاققا ساپالى ءبىلىم, سانالى تاربيە بەرۋ, بالانىڭ تۇلعا رەتىندە قالىپتاسۋى مەن جەكە قابىلەتتەرىن دامىتۋ ارقىلى وقۋعا دەگەن ىن­تاسىن ارتتىرۋ, ولاردى بيىك ماق­ساتقا ۇم­تىل­دىرۋ ءبىلىم سالاسى قىز­مەت­كەر­لە­رى­نە زور جاۋاپكەرشىلىك جۇكتەسە, جە­تى­سۋلىق ءبىلىم شاڭى­راقتارى وسى بيىكتەن كورىنگەنى قۋان­تادى. تاۋەلسىز­دى­گىمىزدىڭ مەرەيىنە دەگەن مۇنداي تارتۋ جاستاردىڭ جىگەرىن جاني تۇسۋدە. كۇمىسجان بايجان, الماتى وبلىسى.