كۇن ءتارتىبى سارالاندى

كەشە پارلامەنت ءماجىلىسىنىڭ توراعاسى ورال مۇحامەد­جانوۆتىڭ جەتەكشىلىگىمەن پالاتا بيۋروسىنىڭ كەزەكتى وتى­رى­سى ءوتتى. وندا الداعى اپتادا ءماجىلىستىڭ جالپى وتىرىسىنا شىعارىلاتىن ماسەلەلەر ساراپقا سالىندى. پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى بىرنەشە زاڭ جوباسى دە­پۋتاتتاردىڭ تالقىسىنا شىعا­رى­لاتىنىن حابارلادى. اتاپ ايت­قاندا, ولاردىڭ اراسىندا «قار­جى نارىقتارىندا كاپيتالدىڭ ەركىن قوزعالىسىن قامتاماسىز ەتۋ ءۇشىن جاعداي جاساۋ تۋرالى كە­لىسىمدى راتيفيكاتسيالاۋ تۋرا­لى» جانە قازاقستان مەن تۇركيا اراسىنداعى ستراتەگيالىق ءارىپ­تەس­تىك تۋرالى شارتتى بەكىتۋدى قاراستىراتىن زاڭ جوبالارى بار. ەكونوميكالىق رەفورما جانە وڭىرلىك دامۋ كوميتەتى كەيبىر زاڭنامالىق اكتىلەرگە تۇرعىن ءۇي قاتىناستارىنا قاتىستى تۇزە­تۋ­لەر ەنگىزۋدى كوزدەيتىن زاڭ جوباسى ەكىنشى وقىلىمعا دايىن ەكەنىن مالىمدەدى. ال الەۋمەتتىك-مادەني دامۋ كوميتەتى «نەكە (ەرلى-زاي­ىپ­تىلىق) جانە وتباسى تۋرالى» زاڭ جوباسىن ءۇشىنشى وقىلىمدا كۇن تارتىبىنە ەنگىزۋگە دايىن ەكەنىن حابارلادى. سونىمەن قاتار ۇكىمەتتەن كەلىپ تۇسكەن «بىرىڭعاي ەكونومي­كا­لىق كەڭىستىككە مۇشە مەملەكەتتەردەگى قىزمەتتەر ساۋداسى جانە ينۆەستيتسيالار تۋرالى كەلىسىمدى راتيفيكاتسيالاۋ تۋرالى», «ونەر­كاسىپتىك سۋبسيديالاردى بە­رۋ­دىڭ بىرىڭعاي قاعيدالارى تۋ­رالى كەلىسىمدى راتيفيكاتسيالاۋ تۋرالى» زاڭ جوبالارى بوي­ىنشا قورى­تىن­دى ازىرلەۋ ءجو­نىن­دەگى ماسەلە قارالدى. ءبىر­قاتار زاڭ جوبالارى بويىنشا جۇمىستى جالعاستىرۋ جونىندە ۇسىنىستار جاسالدى. بيۋرو وتىرىسىندا ءماجىلىستىڭ زاڭ شىعارماشىلىق ىسىنە قا­تىس­تى باسقا دا ماسەلەلەر قارالدى. «ەگەمەن-اقپارات».