دەپۋتاتتارمەن ديدارلاستى

كەشە سىرتقى ىستەر مينيسترلىگىندە پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ كوشپەلى وتىرىسى بارىسىندا سىرتقى ىستەر ءمينيسترى ەرجان قازىحانوۆ قازاقستاننىڭ سىرتقى ساياساتتاعى نەگىزگى باعىتتارىنىڭ جۇزەگە اسىرىلۋى جايىندا بايانداما جاسادى, دەپ حابارلادى ءسىم ءباسپاسوز قىزمەتى. قازاقستان سىرتقى ساياسات ۆە­دوم­ستۆوسىنىڭ باسشىسى دەپۋ­تات­تاردى ەلىمىزدىڭ 20 جىلدىق ءتاۋ­ەل­سىزدىگىمەن قاتارلاسا كەلە جات­قان سىرتقى ساياساتتاعى قول جەتكىزىلگەن جەتىستىكتەر جانە قورى­تىن­دىلارمەن تانىستىرا وتىرىپ, ەلىمىزدىڭ ەقىۇ-داعى وتكەن ءساتتى توراعالىعى مەن ۇيىمنىڭ استانا ءسامميتىنىڭ جەمىستى وتكەنىنە, سونداي-اق قازاقستاننىڭ شىۇ-عا قازىرگى توراعالىعى مەن الداعى يكۇ-عا توراعالىعىنا جان-جاق­تى توقتالدى. قازاقستاننىڭ تاڭداۋى, ەڭ ال­عاشقى كۇننەن باستاپ, حالىقتار اراسىندا بەيبىتشىلىك پەن تاتۋ كورشىلىك قاتىناستار ورناتۋعا باعىتتالعان باستامالاردى العا جىلجىتا وتىرىپ, ءوزىنىڭ ۇلتتىق مۇددەلەرىن مۇمكىندىگىنشە ساقتاۋ بولىپ تابىلعانى اتاپ كورسەتىلدى. قازاقستاننىڭ حالىقارالىق جانە اۋماقتىق بەدەلدى ۇيىم­دار­دى باسقارۋى ەلىمىزدىڭ حالىق­ارا­لىق ارەناداعى ءسوزسىز بەدەلىنىڭ ايعاعى مەن سىرتقى ساياسي سترا­تەگياسىنىڭ جەمىستى جۇرگىزىلۋى مەملەكەت باسشىسى ن.نازار­باەۆ­تىڭ قازاقستان تاۋەلسىزدىگىنىڭ ەلەڭ-الاڭىندا بەرگەن تاپسىرما­سى, دەپ مالىمدەدى ە.قازىحانوۆ. وسىعان بايلانىستى مينيستر استانانىڭ الەمدىك ساياسي ارە­نا­داعى پوزيتسياسىن نىعايتۋ جانە ونىڭ جاڭا گەوساياسي ماسەلەلەر تالابىنا تولىق جاۋاپ بەرەتىن ستراتەگياسىن قالىپتاستىرۋ قا­زاق­ستان بولاشاعىن جاڭا جەتىستىكتەرگە جەتكىزەتىنىنە ەكپىن ءتۇسىردى. وتىرىسقا قاتىسۋشىلار ءتاۋ­ەل­سىزدىكتىڭ 20 جىلدىق مەرەي­تويىنا ورايلاستىرىلعان شەت ەلدەردەگى ءسىم ارقىلى جوس­پار­لانعان ءىس-شارالارمەن تانىس­تى­رىلدى.