ىقپال ەتۋ تەتىگى كۇشەيتىلۋى ءتيىس

پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتى ەقىۇ-نىڭ استاناداعى ورتالىعى مەن «نۇر وتان» حدپ-نىڭ پارلامەنتتەگى جانە ماسليحاتتارداعى زاڭنامالىق جانە نورما شىعارماشىلىق قىزمەتى جونىندەگى كوميسسياسىمەن بىرلەسىپ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۇيىمداسقان قىلمىسقا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا شەت ەل ساراپشىلارىنىڭ قاتىسۋىمەن حالىقارالىق دوڭگەلەك ۇستەل وتكىزدى. بۇل شارانى وتكىزۋدەگى ماقسات ۇيىمداسقان قىلمىس تۇرلەرىنە قارسى كۇرەستەگى مەملەكەتتىك ىق­پال ەتۋ مەحانيزمدەرىن كۇشەيتۋ, ونىمەن كۇرەستىڭ جاڭا تۇرلەرى مەن ادىستەرىن ەنگىزۋ, ونىڭ ءومىر ءسۇرۋىن قارجىلاندىرۋىنىڭ قاي­نار كوزدەرىن جويۋ, سونداي-اق وندا مەملەكەتتىك قىزمەتكەرلەردىڭ قاتىس­تى بولۋ فاكتىلەرىن انىقتاۋدى قاراستىرعان جوعارىدا اتالعان ىشكى ىستەر مينيسترلىگى جاساعان زاڭ جوباسىن تالقىلاۋ بولدى. دوڭگەلەك ۇستەلگە زاڭ جوباسى بويىنشا جۇمىس توبىنىڭ جەتەكشىسى, ءماجىلىس دەپۋتاتى, زاڭ عى­لىم­دارىنىڭ دوكتورى نيكولاي تۋرەتسكي مودەراتورلىق ەتتى. زاڭ­ناما جانە سوت-قۇقىقتىق رەفورما كوميتەتىنىڭ توراعاسى, فراكتسيا جەتەكشىسىنىڭ ورىنباسارى, «نۇر وتان» حدپ-نىڭ پارلامەنتتەگى جانە ماسليحاتتارداعى زاڭناما­لىق جانە نورما شىعارماشىلىق قىزمەتى جونىندەگى كوميسسيانىڭ توراعاسى راحمەت مۇقاشەۆ پەن ەقىۇ-نىڭ استاناداعى وكىلدىگى باسشىسىنىڭ ورىنباسارى جاننەت كليوتتسەر بەتاشار ءسوز سويلەدى. ىشكى ىستەر ءمينيسترىنىڭ ورىن­با­سارى امانتاي اۋباكىروۆ «قا­زاق­ستان رەسپۋبليكاسىنىڭ كەيبىر زاڭ­نامالىق اكتىلەرىنە ۇيىم­داس­قان قىلمىسقا قارسى ءىس-قيمىل ءما­سەلەلەرى بويىنشا وزگەرىستەر مەن تولىقتىرۋلار ەنگىزۋ تۋرا­لى» زاڭ جوباسىنىڭ تۇساۋكەسەر بايانداماسىن جاسادى. زاڭ جوباسى مەملەكەت باس­شى­سىنىڭ 2009 جىلعى 6 ناۋرىزداعى قازاقستان حالقىنا جولداۋىن ىسكە اسىرۋ بويىنشا جالپىۇلتتىق ءىس-شارالار جوسپارىنىڭ 45-تار­ما­عىن ورىنداۋ ءۇشىن ازىرلەنگەن. زاڭ جوباسى بيىلعى جىلدىڭ 18 مامىرى كۇنى ءماجىلىستىڭ جالپى وتىرىسىندا ءبىرىنشى وقىلىمدا ماقۇلدانعان بولاتىن. دوڭگەلەك ۇستەلگە گرۋزيا باس پروكۋراتۋراسى باسقارماسىنىڭ اعا پروكۋرورى ناتيا سونگۋلاشۆيلي قاتىسىپ, «گرۋزيا جانە قىلمىس الەمى: قۇقىقتىق جانە ءتا­جىريبەلىك اسپەكتىلەر» دەگەن تا­قىرىپتا ءسوز سويلەدى. زاڭ جو­با­سىن تالقىلاۋ بارىسىندا دەپۋتاتتار ن.ءابدىروۆ, ش.مىر­زاح­مە­توۆ, ۇ.ەلەۋباەۆ, ن.سابيليانوۆ زاڭ جاساۋشىلارعا سۇراقتار قويدى.