ازاماتقا جومارتتىق جاراسادى

جومارتتىق – ءبىر ادامنىڭ ەكىنشى ادامعا نەمەسە اينالاسىنا قارىمتاسىز, مىندەتسىز قىزمەت قىلىپ, جاقسىلىق جاساۋعا شىن پەيىلدىلىگى, ناقتى ءىسى ارقىلى كو­رىنەتىن وتە جاقسى قاسيەتى. وڭتۇستىك قازاقستان وبلىسىنىڭ تۋ­ماسى, «ساۋتس-ويل» كومپا­نيا­سىنىڭ پرەزيدەنتى سەرىكجان سەيىتجانوۆتى وسىنداي اتىمتاي جومارت دەۋگە تولىق نەگىز بار. بۇعان دەيىن ول وتاندىق ءبىلىم جۇيەسىن دامىتۋعا قوسقان ۇلەسى ءۇشىن  «ءبىلىم مەتسەناتى» مەدالىمەن, سونداي-اق «التىن جۇرەك» التىن مەدالىمەن ماراپاتتالعان ەدى. وسى ازامات جاقىندا رۋحاني استانامىز تۇركىستان قالا­سىن­داعى ق.ياساۋي اتىنداعى حا­لىق­­ارالىق قازاق-تۇرىك ۋنيۆەر­سي­تەتىنىڭ 1-4 كۋرس ارالىعىندا ءبىلىم الاتىن 128 ستۋدەنتىنە گرانت تاعايىندادى. ياعني, ولاردىڭ ءبىلىم وشاعىن ءبىتىرىپ شىققانعا دەيىنگى تولەماقىسىن تولەپ, قامسىز ءبىلىم الۋىنا جاعداي جاسادى. ول قارجى 62 ميلليون 772 مىڭ تەڭگەنى قۇرايدى. بىلىمگە قۇشتار, ەلىمىزدىڭ تۇتقاسى بولار كەلەشەك ۇرپاقتىڭ قامسىز ءبىلىم الۋىنا جاعداي جاساعان ازاماتقا ۋنيۆەرسيتەت وقىتۋشى-پروفەس­سورلارى­نىڭ دا العىسى شەكسىز. «ەلىم دەيتىن ەر بولماسا, ەرىم دەيتىن ەل قايدان بولسىن» دەگەن ناقىل ءسوز وسىندايدا ايتىلعان-اۋ شاماسى دەپ تۇسپالدايسىڭ. جاستاردىڭ ءبىلىم الۋىنا جاساعان جاقسىلىعى ءۇشىن ۋنيۆەرسيتەت باسشىلىعى تەحنيكا عىلىمدارىنىڭ دوكتورى, «ساۋتس-ويل» كومپانياسىنىڭ پرەزيدەنتى سەرىكجان سەيىتجانوۆقا ۋنيۆەرسيتەت سەناتىنىڭ شەشىمىمەن ۋنيۆەرسيتەتتىڭ «قۇرمەتتى پروفەسسورى» اتاعىن بەرۋگە لايىق دەپ شەشىم قابىلداپ وتىر. ءاليا بىلدەبەكوۆا, ق.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ءباسپاسوز حاتشىسى.