ۇرىلاردىڭ ارتىندا كىم تۇر؟

مەن ماڭداي تەرمەن مال جيىپ, سونى تىرشىلىگىمە ارقاۋ ەتىپ وتىرعان اداممىن. وسىلايشا وزىمشە تىرشىلىك ەتىپ, شارۋا جاساپ جاتقانىم ءۇشىن  ەلباسىنىڭ ساياساتىنا ريزاشىلىعىمدى بىلدىرەمىن. پرەزيدەنت ءبىزدىڭ ادال ەڭبەك ەتىپ, مول تابىس تا­بۋىمىزعا جول اشتى. الايدا, وسى جو­لىمىزدى تورۋىلداپ, جي­عان-تەرگەنىمىزدى ۇرلاپ اكەتەتىن ۇيىم­داس­قان ۇرىلار كۇن كورسەتپەي بارادى. ولاردى قورعايتىن سىبايلاستارى دا جوق ەمەس. ويتكەنى, 2010 جىلى 28 ناۋرىزدا جەكەمەنشىك 8 ءىرى قارا مالىمدى ۇرىلار ايداپ اكەتتى. سودان كومەك سۇراپ بارماعان جەرىم, اشپاعان ەسىگىم قالمادى. ءبىرى ۇرىلاردى تابۋعا اتسا­لىس­­پادى. ولاردىڭ ىشىندە جالاعاش اۋداندىق ىشكى ىستەر ءبولىمى, قىزىلوردا وبلىستىق ىشكى ىستەر دەپارتامەنتى دە بار. امال نە, ءىس جابۋلى كۇيىندە قالا بەردى. ارينە, بۇدان كەيىن مەن دە جابۋلى قا­زان  جابۋلى كۇيىندە قالا بەرسىن دەر ەدىم, بىراق دانىككەن ۇرىلار ۇستىمىزدەگى جىلى ناۋرىز ايىندا اناۋ-مىناۋ ەمەس 10 بىردەي ءىرى قارا مالىمدى تاعى ايداپ اكەتتى. ءىز-ءتۇزسىز كەت­تى. كۇدىكتى بار, بىراق قىلمىس اشىل­ماي­دى. سەبەبى بەلگىلى. جالعىز مەنىڭ عانا مالىم ۇرلانىپ تابىلماي جاتسا ءبىر ءجون. جوق, جاپپاي ۇرلىق بولىپ جاتىر. اققۇم, ەڭبەك, مادەنيەت, اقارىق ەلدى مەكەندەرىن سىبايلاسقان ۇرىلار سان سوقتىرىپ  وتىر. وسى اۋىلدارداعى مالىن جوعالتقان ادام­دار­دىڭ ارىزدارى جالاعاش اۋداندىق ىشكى ىستەر بولىمىندە شاڭ باسۋدا. بۇل قىل­مىس­تى اۋداندىق, ءتىپتى وبلىستىق ىشكى ىستەر ورگاندارىنىڭ اشۋعا قۇدىرەتى جەتپەيتىندەي ونىڭ ارتىندا قانداي دوكەيدىڭ تۇر­عا­نى بەلگىسىز. ال ءبىز نە ىستەيمىز؟ ۇرلانعان  ما­لىمىزدى قايتارا الماسا, ودان ءارى ۇر­لا­نا بەرسە جانە ول ۇرىلار قىلمىسكەر­لەر­مەن اۋىز جالاسىپ تايراڭداپ ويران سالا بەرسە, بىزگە مۇنداي قۇقىق قورعاۋ ورگانىنان پايدا نە؟ كىم بىزگە قولۇشىن بەرە الادى؟ نۇرعيسا مانارباەۆ, فەرمەر. قىزىلوردا وبلىسى, جالاعاش اۋدانى, اقارىق اۋىلى.