ورەندەر اتامەكەنىن اڭسايدى

پرەزيدەنتتىك مادەنيەت ور­تا­لىعىندا دۇنيە­جۇزى قازاق­تا­رىنىڭ IV قۇرىل­تايى اياسىندا شەتەلدەگى قازاق دياسپوراسى مەن ورالمان جاس­تار­دىڭ قول­ونەر تۋىندىلارى­نىڭ كورمەسى ءوتتى. ۇلكەن تاريحي وقيعا شەڭ­بەرىندە ۇيىم­داس­تىرىلعان بۇل كورمەنىڭ كوز­دە­گەن ماقساتى –  شەتەلدەگى جانە ەلىمىزدەگى قازاق جاستارىنىڭ شىعارماشىلىق بايلانىسىن نىعايتىپ, ۇلت­تىق مۇرامىز بەن مادەنيە­تىمىزدى دامىتۋ. ارقا توسىنە الەمنىڭ ءار تۇك­پىرى­نەن جينالعان قولونەر شەبەر­لەرى­نىڭ كورمەسىن دۇنيەجۇزى قا­زاقتارى قاۋىمداستىعى تورالقا توراعاسىنىڭ ورىنباسارى سۇل­تان­الى بالعاباەۆ اشىپ, شارانىڭ ەرەكشەلىگىنە توقتالدى. «ءبىزدىڭ دۇنيەجۇزى قازاقتارى قاۋىمداس­تى­عىنىڭ نەگىزگى مىندەتتەرىنىڭ ءبىرى – شەتەلدەگى اعايىندارمەن رۋحاني جانە مادەني بايلانىس ور­ناتۋ. ونىڭ ىشىندە شەتەلدە جۇرگەن دارىندى جاستاردى: سۋرەتشىلەردى, كومپوزيتورلاردى, ءان­شىلەردى, سپورتشىلاردى قازاق­ستان­عا تارتۋ. وسى جاعىنان ال­عاندا, بۇل كورمەنىڭ ءمان-ماڭىزى ايرىقشا», – دەدى ول ءوز سوزىندە. بۇدان كەيىنگى كەزەكتە ءسوز العان قازاقستان سۋرەتشىلەر وداعىنىڭ توراعاسى بايتۇرسىن ومىربەك جاس­تاردىڭ تۋىندىلارىنا ەڭ ال­دىمەن قازاقتىڭ ۇلتتىق ءداس­تۇر­لە­رى مەن ادەت-عۇرىپتارى ارقاۋ ەتىلگەنىن ايتا كەلىپ, بولاشاقتا ولار قازاق مادەنيەتى مەن بەينەلەۋ ونەرىنىڭ دامۋىنا ءوز ۇلەس­تەرىن قوسادى دەپ سەنەمىز», – دەپ جاستارعا ۇلكەن ءۇمىت ارتا سويلەدى. كورمەگە قىتاي, موڭعوليا, وزبەكستان, تاجىكستان سەكىلدى ەلدەردەن كەلگەن, كەيىن ت.ءجۇر­گەنوۆ اتىنداعى ونەر اكادەمياسىن جانە قىزدار پەداگوگيكالىق ۋني­ۆەرسيتەتىن بىتىرگەن جاستار­دىڭ سۋرەتتەرى, سونداي-اق كەسكىندەمە, گرافيكا, ءمۇسىن, گوبەلەن, ساندىك قولدانبالى ونەر باعى­تىنداعى تۋىندىلارى, شەبەر قول­دان شىق­قان, ونىڭ ىشىندە ءسۇي­ەكتەن, تەرىدەن, اعاشتان, مەتالدان جاسالعان زەرگەرلىك بۇي­ىمدار مەن كەستەلى دۇنيەلەر قويىلىپتى. كورمەگە تۋىندىلارى قوي­ىل­عان جاستاردىڭ ءبىرى –  اباي اقىل­ ۇلىنىڭ اتامەكەنىنە كەلگەنىنە 8 جىل بولىپتى. قىتايدىڭ التاي ايماعىنان كەلگەن ول ال­ماتىداعى ت.جۇرگەنوۆ اتىن­داعى ونەر اكادەمياسىن ءتا­مامداعان.  بۇگىندە «مەكتەپ» باس­پاسىنداعى كوركەمدەۋ رەداك­تسيا­سىنىڭ جەتەكشى ديزاينەرى جانە سۋرەتشىسى بولىپ قىزمەت ەتەدى ەكەن.  ءدۇ­نيەجۇزى قازاقتارى قۇرىلتايى ايا­سىنداعى شىعار­ما­شىلىق شاراعا ءوزىنىڭ «امانات» دەپ اتالاتىن گرافيكالىق  باعىت­تاعى 5 تۋىن­دى­سىن  الىپ كەلىپتى. ولاردا  «بەت­اشار», «بەسىك توي», «تۇساۋ كەسۋ» سىندى قازاقتىڭ ۇلتتىق ادەت-عۇرىپتارى مەن ءداس­تۇرلەرى بەينەلەنگەن.  ال كەزىندە موڭ­عوليانىڭ بايان-ولگي قالا­سىندا تۋعان, ت.جۇرگەنوۆ اتىن­داعى ونەر اكادەمياسىن بىتىرگەن گۇل­نازىم ومىرزاققىزى بۇگىندە قا­زاقتىڭ بايىرعى بىزكەستە ونەرىن دامىتىپ جۇرگەن دارىندى بويجەتكەن. «مەن قازىر وسى بىزكەستە ونەرىن زاماناۋي باعىتقا ساي ءوزىمنىڭ كارتينالىق تۋىندى­لارىما پايدالانىپ ءجۇرمىن», – دەيدى ول. سونىمەن, بۇل كۇنگى ونەر كور­مەسىن قورىتىندىلاعان قازاق­ستان سۋرەتشىلەر وداعىنىڭ ءتور­اعاسى بايتۇرسىن ومىربەك ءبىر­قاتار جاستاردى ماراپاتتادى. سالا ماماندارىنىڭ باعالاۋلارى بويىنشا,  3-ءشى ورىندى ەرجان يۋسۋ­پوۆ پەن گۇلنازىم ومىرزاق­قىزى, 2-ءشى ورىندى اباي اقىل­ ۇلى مەن ورالبەك قابوكە دەگەن جاستار ەنشىلەسە, 1-ءشى ورىننىڭ جۇلدەسى قىتايدان كەلگەن قان­داسىمىز باۋىرحان جالىنعا بۇي­ىردى. ال كورمەنىڭ باس جۇلدە­سىنە قىتايدىڭ التاي ايماعىنان كەلگەن تولقىن تابىسبەك لايىق دەپ تابىلدى.    ءلايلا ەدىلقىزى.