يادرولىق قارۋدى تاراتپاۋ – بارشاعا ورتاق ماسەلە

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى قانات ساۋدا­باەۆ­تىڭ توراعالىق ەتۋىمەن قا­زاق­ستان رەسپۋبليكاسىنىڭ پرەزيدەنتى جانىنداعى جاپپاي قى­رىپ-جويۋ قارۋىن تاراتپاۋ ءما­سە­لەلەرى جونىندەگى كوميس­سيا­نىڭ كەزەكتى وتىرىسى ءوتتى. وتى­رىستا كوميسسيانىڭ بۇدان بۇ­رىنعى شەشىمدەرىنىڭ ورىن­دالۋ بارىسى, سونداي-اق قارۋ­دى تاراتپاۋ سالاسىندا قازاق­ستاننىڭ حالىقارالىق ىنتى­ماق­تاستاعى وزەكتى ماسەلەلەرى قاراستىرىلدى. مەملەكەتتىك حاتشى, كوميس­سيا­نىڭ توراعاسى سەمەي يادرولىق سىناق پوليگونى جابىلۋىنىڭ 20 جىلدىعىنا وراي, اعىمداعى جىل دۇنيە جۇزىندە اپاتتى قارۋ-جاراق تاراتپاۋ ۇدەرىسى ءۇشىن ماڭىزدى ەكە­نىن اتاپ ءوتتى. بۇل واقيعا قا­زاق­ستاننىڭ جانە پرەزيدەنت ن.نا­زارباەۆتىڭ يادرولىق قاۋىپ-قا­تەردى قىسقارتۋ مەن تاراتپاۋدىڭ جاھاندىق ۇدەرىسىندەگى مويىن­دال­عان كوشباسشىلىعىن تاعى دا تەرەڭ تانىتۋعا مۇمكىندىك بەرەدى, دەدى قانات ساۋداباەۆ وسى تۋرا­لى. 29 تامىز – سەمەي پولي­گو­نىنىڭ جابىلۋ كۇنىن ياد­رو­لىق سىناقتارعا قارسى حالىق­ارالىق ءىس-ارەكەتتەر كۇنى رەتىندە جاريا ەتكەن بۇۇ باس اسسامبلەياسىنىڭ قارارى وسى ىستەردىڭ ناقتى اي­عاعى بولىپ تابىلادى. مەملەكەتتىك حاتشىنىڭ وتى­رىس­تا اتاپ وتكەنىندەي, كوميسسيا مەملەكەتتىڭ قاۋىپسىزدىگىن قامتا­ما­سىز ەتۋدەگى ەلباسىنىڭ ساياسا­تىن ىسكە اسىرۋ, قازاقستاننىڭ كەلەشەكتە جاپپاي قىرىپ-جويۋ قا­رۋىن تاراتپاۋ جاھاندىق ۇدە­رى­سىنە بەلسەندى قاتىسۋ جانە بۇل سالاداعى قازاقستان پرەزي­دەنتى­نىڭ بەلگىلى حالىقارالىق باس­تا­مالارىن ىلگەرى جىلجىتۋ قۇ­رالى بولىپ وتىر. كوميسسيا وتىرى­سىنىڭ كۇن ءتارتىبى وسى ءما­سە­لەلەردى شەشۋگە باعىت­تال­عان. كوميسسيا وتىرىسىنىڭ قورى­تىندىسى بويىنشا ەكسپورتتىق باقىلاۋدى ودان ءارى جەتىلدىرۋ, تاراتپاۋ رەجىمىن نىعايتۋ, سون­داي-اق سەمەي يادرولىق پوليگونى جا­بى­لۋىنىڭ 20 جىلدىعىنا ارنال­عان ءىس-شارالاردى جان-جاقتى جانە جوعارى دەڭگەيدە ۇيىم­داس­تىرۋ جونىندە مەملەكەتتىك ورگان­دارعا ءتيىستى تاپسىر­مالار بەرىلدى. ءاليسۇلتان قۇلانباي.