تاۋەلسىزدىك تويىنا تارتۋلار

ەلىمىزدىڭ قاي ءوڭىرىن الىپ قا­راساڭىز دا, قانداي سالادا بول­ما­سىن ءوزىن­دىك ءبىر ەرەكشەلىكتە­رىمەن بى­لايعى جۇرتتى تامسان­دىرىپ جا­تا­دى. ارينە, بۇل رەتتە وقۋ ءبىلىم, مادەنيەت پەن ونەردىڭ, ادە­بيەت­تىڭ ورنىن بولە جارا ايتۋدىڭ ار­تىق­تىعى بولماس. ەجەلدەن ءسوز قادىرىن ءتۇسىنىپ, بىلىمگە باس يگەن حالقى­مىز كەيىنگى بۋىنعا ءوز ءتاجى­ري­بە­لەرى مەن بويىن­داعى بارىن سارقا بولىسۋدەن ءبىر ساتكە دە تانعان ەمەس. بۇل ورايدا ۇلتتىق اكادەميالىق كى­تاپحانا­داعى شى­عىس­قازاقستاندىق اقىن-جازۋشى­لار مەن ونەر يە­لەرى­نىڭ استانا جاس­تارىمەن ءوت­كىزگەن شى­عار­ما­شىلىق كەزدەسۋى كەيىنگى بۋىن­عا تىڭ سەرپىن بەرگەندەي. اتال­عان باس­قوسۋدى شىعىس قازاق­ستان وب­لىسى اكىمدىگى مەن مادە­نيەت باس­قارماسى ۇيىمداس­تىرعان. كەزدەسۋگە ەسىمدەرى ەلگە تانى­مال قابدەش ءجۇمادىلوۆ, ءشاربانۋ بەيسەنوۆا, الىبەك اسقاروۆ, تۇر­سىن جۇرتباي, نەسىپبەك ايت ۇلى, ۇلىقبەك ەسداۋلەت, تىنىشتىقبەك ابدىكاكىموۆ سىندى قالامگەرلەر مەن اقىندار, سونىمەن قاتار گۇل­ميرا سارينا, سەكەن تۇرىسبەكوۆ سەكىلدى ونەر يەلەرى قاتىسىپ, جاس تولقىنمەن ەمەن-جارقىن اڭگىمە ءوربىتتى. باسقوسۋدى بەلگىلى جۋرناليست سەرىك جانبولات جۇرگىزىپ وتىردى. شىعارماشىلىق كەزدەسۋدە «شى­­عىس جۇلدىزدارى» كىتابى­نىڭ تۇساۋى كەسىلىپ, جيناق جوعا­رىدا اتتارى اتالعان مەيماندارعا سىيعا تارتىلدى. ەلىمىزدىڭ شى­رايلى شىعىس ءوڭىرى تۋما تالانتتار مەن دارىندارعا كەندە ەمەس. ولاردىڭ ەسىمدەرى ەل تاۋەلسىز­دى­گى­نىڭ 20 جىلدىعىنا ارنالىپ شىق­قان وسى كىتاپقا ەنىپ وتىر. بۇل باسىلىمدا ۇلى اباي, شاكارىم, مۇحتار سىندى دانالارمەن قاتار, قازىرگى قالامگەرلەر دە بار. جي­ناقتى شىعارۋدى ۇسىنىپ, جوباعا جەتەكشىلىك ەتكەن وبلىس اكىمى بەردىبەك ساپارباەۆ بولسا, ال ونى باسىپ شىعارعان ەلورداداعى «فوليانت» باسپاسى. كەزدەسۋ سوڭىندا ايماق باس­شىسى جاس جۋرناليستەردىڭ ارا­سىندا وتكەن «توپجارعان» رەسپۋب­ليكالىق بايقاۋىنىڭ قورى­تىن­دىسىن جاريالاپ, جەڭىمپازداردى ماراپاتتادى. وسى ىنتالاندىرۋ شاراسىن العاش بولىپ قولعا العان شىعىس قازاقستان وبلى­سىنىڭ اكىمدىگى بۇل باستامانى كەلەشەكتە دە جال­عاستىرۋعا نيەتتى. وبلىس اكىمى بەردىبەك ساپار­باەۆتىڭ «نازارباەۆ ۋنيۆەرسيتەتىندە» ەلوردادا ءبىلىم الىپ ءجۇر­گەن شىعىسقازاقستاندىق ستۋدەنتتەرمەن كەزدەسۋى دە جاستاردىڭ جىگەرلەرىن جاني ءتۇستى. بۇگىندە بۇل اي­ماق كەلەشەگىنەن ءۇمىت كۇتتىرەر جاستاردىڭ بىلىمگە قۇشتارلىعىن ارتتىرىپ, ىنتالاندىرىپ وتىرۋ­دى داستۇرگە اينالدىرعان. سوڭعى ءتورت جىلدا 864 ستۋدەنت وبلىس اكىمىنىڭ گرانتىنا يە بولسا, ونىڭ 200-ءى بيىلعى وقۋ جىلىنداعى قىز-جىگىتتەر. وسى ۋاقىتقا دەيىن گرانتتى تەك مەديتسينالىق جانە پەداگوگيكالىق ماماندىقتا وقي­تىن ستۋدەنتتەر الىپ كەلسە, 2010 جىلدان بەرى تەحنيكالىق مامان­دىققا دا نازار اۋدارىلعان. سو­نى­مەن قاتار, مۇنان بولەك قازاق ءتىلىن جەتىك مەڭگەرگەن وزگە ۇلت وكىلدەرىنىڭ 8 جاس ورەندەرىنە ارنايى گرانت تاعايىندالعان. كەزدەسۋ بارىسىندا شىعىس قازاقستان وبلىسى مەن «نازارباەۆ ۋنيۆەرسيتەتى» اق اراسىندا ور­تاق مەموراندۋمعا قول قو­يى­لىپ, جيىلعان جۇرتقا «نازار­باەۆ زياتكەرلىك مەكتەبى» جانە «شى­عىس قازاقستان وڭىرىندەگى ءبىلىم بەرۋ جۇيەسىنىڭ قازىرگى جاع­دا­يى مەن دامۋى» اتتى كورمە ءوتتى. ءابدىراحمان قىدىربەك.