سپورت – سانا قالىپتاستىراتىن سالا

تۋريزم جانە سپورت مينيسترلىگىندە دۇنيەجۇزى قازاقتارى قۇ­رىل­تايىنىڭ اياسىندا شەتەلدەگى قانداس­تارى­مىزبەن كەزدەسۋ ءوتتى. كەزدەسۋدە تۋريزم يندۋس­تريا­سى كوميتەتىنىڭ ءتور­ايى­مى قار­لى­عاش كاكەن مەن سپورت ىستەرى جونىندەگى كومي­تە­ت توراعاسى ەلسيار قاناعاتوۆ بۇ­قا­رالىق سپورت­تى دا­مىتۋ, ەلىمىزگە تۋريستەردى كوپتەپ تارتۋدا ىستەلىپ جاتقان جۇمىستار مەن الداعى جوسپارلار تۋرالى مالىمەت بەردى. سودان كەيىن ۇلىبريتانيا­دا­عى قازاق قوعامىنىڭ باسشىسى كەس­سيجي يسمايل ءسوز الدى. ول قۇ­رىل­تايدىڭ بارلىق ءدۇ­نيە ءجۇزى قازاقتارىن ءبىر ماق­ساتقا جەتەلەۋ ءۇشىن بىرىكتىرەتىن ۇلكەن كۇش ەكەنىن ايتىپ, سولاردىڭ ءبىرى فۋتبولدان ۇيىمداستىرىلاتىن جا­رىس ەكەنىن تىلگە تيەك ەتتى. سون­دىقتان ول ەۋروپا قازاق­تارى­نىڭ اراسى­نان شىققان تالانتتى جاستار قا­زاقستاننىڭ ىشكى چەم­پيو­ناتتارى­نا, جارىستارىنا قا­تىس­تىرۋ ءۇشىن تاڭداپ الىنسا, ولار بولاشاقتا ۇلتتىق قۇرامادا ونەر كورسەتسە دەگەن تىلەگىن جەتكىزدى. كەزدەسۋدە ەكىنشى بولىپ ءسوز العان قىتايدان كەلگەن قاندا­سىمىز حايزا تابارىكقىزى قازىر ەكى ەل اراسىندا بارىس-كەلىستىڭ جىل سايىن قيىنداپ بارا جات­قانىنا, التايدىڭ ارعى جاعىن­داعى اعايىنداردىڭ اتامەكەنگە كەلۋ نيەتى زور ەكەنىنە, وسى كۇن­دەرى ۆيزا الۋ ماسەلەسى ايلار بويى ساعىزشا سوزىلىپ, شەشىلمەيتىن ماسەلەگە اينالىپ وتىرعا­نىنا وكىنىشىن ءبىلدىردى. ول قى­تايدان اتامەكەنگە كەلەمىن دەپ بۋىنىپ-ءتۇيىنىپ وتىرعان قان­داستارىمىز­دى قازاقستانعا اكەلۋ ءۇشىن باسقا دا جولداردى قاراس­تىرۋ كەرەكتىگىن ايتتى. قا­زاقستاننىڭ تۋريستىك فيرما­لارى قىتايداعى قانداستارىمىزعا جە­ڭىل­دىكپەن 10-15 كۇنگە ساپار جا­سايتىن جولدامالار بەرسە دەگەن تىلەگىن جەتكىزدى. سوندا قازاق­ستان­عا كەلگەن قانداستارىمىز وسى ۋاقىت ىشىندە الداعى كەزدە اتامەكەنگە كەلەمىن بە, كەلمەيمىن بە دەگەن ماسە­لەلەرىن شەشىپ الۋعا دا مۇمكىندىك الار ەدى. كەلەسى كەزەكتە ءسوز العان  ومبى وبلىسىنىڭ «ءمولدىر» ءما­دە­ني ورتالىعىنىڭ جەتەكشىسى ال­تىناي ءجۇنىسوۆا مينيسترلىككە ءوز ۇسىنىسىن كولدەنەڭ تارت­تى. ول اۋەلى رەسەيدە قازاق­تار­دان قۇرىل­عان «نامىس» كومان­داسىنا قازاق­ستان­نىڭ ىشكى جارىستارىنا قا­تىس­تىرۋ مۇمكىن­دىگى بەرىلسە, وسى كۇزدە قاجى­مۇ­قاننىڭ 140 جىل تو­لۋىنا وراي ومبىدا قازاق كۇرە­سىنەن حالىقارا­لىق تۋرنير وتسە دەگەن تىلەگىن ءبىلدىردى. شەتتەگى قانداستارىمىز ءتىلدى ساقتاۋ, سالت-ءداستۇردى دارىپتەۋ سياقتى ماسەلەلەر  وزدەرىن قالاي تولعاندىرسا, ادامنىڭ ۇلتتىق سانا-سەزىمىن قالىپتاستىراتىن سا­لا­لاردىڭ ءبىرى تۋريزم جانە سپورت سالاسىندا دا شەتەل قازاقتارىن الاڭ­داتىپ, مازالايتىن پروبلە­ما­لاردىڭ بار ەكەنىن جا­سىر­مادى. كەزدەسۋ سوڭىندا تۋريزم جانە سپورت مينيسترلىگىنىڭ وكىلدەرى ولار­دىڭ بارلىق ۇسىنىستارى قاراس­تىرىلاتىنىنا  سەندىردى. داستان كەنجالين.