27 مامىر، 2011

يسلامدىق قارجىلاندىرۋ باعىتىنداعى قادامدار

339 رەت كورسەتىلدى
يسلامدىق قارجىلان­دى­رۋ ۇدەمەلى يندۋستريالىق-ين­نو­ۆا­تسيا­لىق دامۋدىڭ مەملەكەتتىك باعدارلاماسىنىڭ باس­­تى قۇ­رالىنىڭ ءبىرى بو­لىپ تابى­لادى.   وسىعان بايلانىستى قا­زاق­ستان ۇكىمەتى تاياۋ شى­عىس جانە وڭتۇستىك-شىعىس ازيا ەلدەرىنەن ينۆەستور­لار­دى، وسى باعدارلامانى ىسكە اسىرۋعا يسلامدىق قار­جى ينستيتۋت­تارىن تارتۋ، سونىمەن قاتار يسلامدىق قارجىلاندىرۋ تەتىكتەرىن دا­مىتۋ بويىنشا جوس­پارلى جۇمىس جۇرگىزىپ كەلەدى.  قازاقستاننىڭ مۇسىلمان ەلدەرىمەن قىزمەت ەتۋىن دا­مىتۋعا جانە بەكىتۋگە ىقپال ەتەتىن باستى وقيعالارعا قا­زاق­ستاننىڭ يسلام كونفە­رەنتسياسى ۇيىمىنا توراعا­لىق ەتۋى جانە العاش رەت وسى جىلدىڭ 7-9 ماۋسىمى كۇن­دەرى تمد كەڭىستىگىندە VII دۇنيەجۇزىلىك يسلام ەكونو­مي­كالىق فورۋمىن وتكىزۋ جا­تاتىنىن اتاۋ قاجەت.  قازاقستان تمد جانە ور­تالىق ازيا كەڭىستىگىندە يس­لامدىق قارجىلاندىرۋدى دا­مىتۋ ءۇشىن زاڭناما بازا­سىن ەنگىزگەن، بۇل قازاقستان ءۇشىن ورتالىق ازيا وڭىرىندە يسلامدىق قارجى حابى بو­لۋعا جاعداي جاسايدى.  2009 جىلى اقپان ايىندا يسلامدىق بانكتەردى ۇيىم­داس­تىرۋ، ولاردىڭ قىزمەتى جانە يسلامدىق قارجى­لان­دىرۋدى ۇيىمداستىرۋ تۋرا­لى قازاقستان رەسپۋبلي­كاسىنىڭ قابىلداعان زاڭى ەلدە يسلام­دىق بانكتەردى، يسلامدىق ين­ۆەستيتسيالىق قور­لاردى اشۋ ءۇشىن، سونىمەن قاتار يسلام­دىق باعالى قاعازداردى شىعا­رۋ ءۇشىن مۇمكىندىكتەر جاساپ وتىر.  قازىرگى ۋاقىتتا دۇنيە ءجۇ­زىندە يسلامدىق باعالى قاعاز­دار­دىڭ 20-دان اسا تۇرلەرى بار. قازاقستاندىق زاڭناما­مەن يسلامدىق با­عالى قاعاز­دارى قاتىسۋدىڭ يسلامدىق سەرتيفيكات­تارى­مەن (سۋكۋك ال-مۋشاراكا) جانە يسلام­دىق جالعا بەرۋ سەرتيفيكات­تارىمەن (سۋكۋك ال-يدجارا) بەرىلگەن.  بۇعان قوسا، ەل ۇكىمەتى يس­لامدىق قارجىلاندىرۋدى تار­تۋ تەتىگىن قۇرۋ ءۇشىن زاڭ­نا­مالىق بازانى جەتىلدىرۋ بويىن­شا جۇمىس ىستەۋدە. قا­زىرگى ۋاقىتتا يسلامدىق باعا­لى قاعازداردىڭ (سۋكۋك) الەۋەتتى ەميتەتتەرىنىڭ تىزبەسىن كەڭەيتۋ بولىمىندە يسلام­دىق قارجىلاندىرۋدى ۇيىم­داس­تىرۋ ماسەلەلەرى بويىنشا قازاقستان رەسپۋب­ليكاسىنىڭ زاڭ جوباسى قاي­تا قارالۋدا.  قازاقستان يسلام الەمى ەلدەرىندە ەكونوميكالىق، ساياسي جانە مادەني باعىتتا بولا­شا­عى بار سەرىكتەستەردى تا­ۋىپ وتىر. وسى باعىتتا بەلسەندى بىرقاتار قاتىسۋ­شىلار دا بار.  2010 جىلدىڭ ناۋرىز ايى­نان باستاپ قازاقستاندا «Al Hilal» ءبىرىنشى يسلامدىق بانكى قىزمەت ەتۋدە. قازاق­ستان­نىڭ دامۋ بانكى «Amana­­Raya Malaysia» ما­لاي­زيالىق مەملەكەتتىك كوم­پانياسى­مەن جانە «Fattah Finance» قا­زاق­ستاندىق كومپانياسى­مەن بىرگە شاعىن جانە ورتا بيزنەستى قولداۋعا ارنال­عان ەكىنشى يسلامدىق بانك­ت­ى قۇرۋ جونىندە ءما­لىم­دەدى (2010 جىلى «قازاقستان­نىڭ دامۋ بانكى» اق قا­زاقستاندا ورتاق ەكىنشى يس­لامدىق بانكتى قۇرۋ تۋرالى «Fattah Finance» اق جانە «Amanah Raya Berhard» ءوزارا تۇسىنىستىك تۋرالى مەموران­دۋمعا قول قويعان). قازىرگى ۋاقىتتا وسى جوبانىڭ تەح­نيكالىق-ەكون­وميكالىق نەگىزدەمەسى ءازىر­لەنۋدە.  سونىمەن قاتار «يسلام­دىق قارجىلاندىرۋدى دامى­­تۋ اسسوتسياتسياسى» ويۋل قىز­مەت ەتەدى، يسلامدىق قارجى­لاندىرۋ بويىنشا ماماندان­دىرىلاتىن بىرقاتار قازاق­ستان­دىق كومپانيالاردى بىرىكتىرەدى (وف تاكافۋل ساق­تان­دىرۋ; Istisna’a Corpora­tion Ltd.; IFBTC – بيزنەس پەن وقىتۋدى قارجى­لاندى­رۋدىڭ يسلامدىق ورتالىعى; IFI  يس­لامدىق كونسالتينگتىك كومپا­نياسى جانە ت.ب.). بۇدان باسقا، 2010 جىلى «سامۇرىق-قازىنا ينۆەست» جشس «Al Hilal» يسلامدىق بانكى» اق-پەن ۇدەمەلى ين­دۋس­تريالىق-يننوۆاتسيالىق دامۋدىڭ مەملەكەتتىك باع­دار­­لا­­ماسى شەگىندە جۇزەگە اسى­رىلاتىن جوبالاردى ىسكە اسى­رۋ ءۇشىن يسلامدىق قار­جى­لان­دىرۋدى تارتۋعا با­عىت­تالعان كەلىسىمگە قول قويدى. وسى كەلىسىم شەگىندە «Al Hilal» بانكىنە ءۇيدمب-دا «سامۇرىق-قازىنا» ۇاق» اق جوبالارى بويىنشا اق­پاراتتار قارالۋ­عا ۇسىنىلدى.  بۇعان قوسىمشا «Ama­nah­­Raya»، «Kaznex Invest» اق جانە «Fattah Finance» اق قارجى توبى قازاق­ستاندا «حالال حابى» – حالال تاۋارلار مەن قىزمەت كورسە­تۋلەردىڭ لو­گيس­تيكالىق ور­تا­لى­عىن قۇرۋ جونىندە ءوزارا ىنتىماق­تاس­تىق تۋرالى مە­موراندۋمعا قول قويدى.  يسلام دامۋ بانكىنىڭ تو­بىمەن قىزمەت ەتۋ باعىتىن­دا بەلسەندى جۇمىس جۇرگى­زىلىپ كەلەدى. استانادا VII دۇنيە­جۇزىلىك يسلام ەكونو­مي­كالىق فورۋمى بارىسىن­دا بانك قا­زاقستان ءۇشىن دايىندالعان سە­رىك­تەستىكتىڭ ەلدىك ستراتە­گياسىنىڭ تۇ­ساۋ­كەسەرىن وتكى­زۋ جوس­پار­لانىپ وتىر.  اسىلحان سەرىكوۆ، يندۋستريا جانە جاڭا تەحنولوگيالار مينيسترلىگى ينۆەستيتسيالار جونىندەگى كوميتەتىنىڭ توراعاسى.
سوڭعى جاڭالىقتار

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار