27 مامىر، 2011

وتاندىق زاۋىت ءونىمى انا مەن بالا اعزاسىنا قاجەتتى دارۋمەندەرگە باي

334 رەت كورسەتىلدى
وتكەن جىلى الاتاۋ اۋىلدىق وكرۋگىندە «اميران» قازاق تاعامتانۋ اكادەميا­سى­نىڭ زاۋىتى ءوز جۇمىسىن باستاعان ەدى. جو­با­نىڭ باستاپقى ينۆەستيتسيالىق قۇنى 683،0 ملن. تەڭگەنى قۇراپ، جالپى يگەرىلگەن قارجى 1170،4 ملن. تەڭگەگە جەتىپتى. ونىڭ 487،4 ملن. تەڭگەسى ساۋدا ءۇيىنىڭ شىعىن­دارىن قۇرايدى. وڭىردەگى يندۋستريالىق-يننوۆاتسيالىق باعدارلاما اياسىندا تياناعى كەلتىرىلگەن زاۋىت اۋماعى ءبىر گەكتار جەردى الىپ جاتىر. قوعامنىڭ بولاشاعى سابيلەردىڭ قالىپتى جەتىلۋى مەن انا دەنساۋلىعىن قورعاۋدى مۇ­رات تۇتقان قازاق تاعامتانۋ اكادەميا­سى­نىڭ پرەزيدەنتى تورەگەلدى شارمانوۆ بو­لا­شاعى زور ءىستى باستاسا، وعان كورەيلىك ينۆەستورلار دا قارجى سالعان. زاماناۋي تەحني­كا­لىق قۇرالدارمەن جابدىقتالعان كاسىپ­ورىن­داعى جۇمىس تولىق اۆتوماتتاندىرىلعان. جاۋاپكەرشىلىگى شەكتەۋلى سەرىكتەستىك ديرەكتورى اللا ۆالەرەۆنا پاك بۇگىندە «بايسەركە-اگرو» سەرىكتەستىگىمەن، وزگە دە شارۋالاردان كەلىسىم-شارتپەن ءسۇت الىپ، ءتاۋ­لىگىنە 2،3 توننا ءونىم وڭدەۋدى جالعاستىر­عان­دارىن ايتادى. بۇل زاۋىتتىڭ جوسپارلانعان قۋاتتىلىعىنىڭ 19،2  پايىزىن قۇرايدى. جىل باسىنان بەرى مۇندا 52 توننا ءونىم ءوندىرىلىپ، زاۋىتقا 27،0 ملن.تەڭگە قار­جى تۇسكەن. شىعارىلعان ءسۇت، يوگۋرت، سۇزبە، ىركىت، قايماق الماتى قالاسىنداعى «اميران» ءسۇت ورتالىعىندا ساۋدالانىپ  كەلەدى. ءبىر ايتا كەتەتىن جاي ءونىمنىڭ قۇپياسى كوپ جىلعى زەرتتەۋ جۇمىستارىنىڭ بارى­سىن­دا تياناعى كەلتىرىلگەندىگى. شىعارىل­عان ونىمدە انا مەن بالا اعزاسىنا قاجەتتى دارۋمەندەر تاپشىلىعى ەسكەرىلگەن جانە بۇگىندە ەكىنىڭ بىرىندە كەزدەسەتىن اللەرگيا، ديسباكتەريوز، انەميا، ديابەت، تاعى باسقا اۋرۋلاردى ەمدەۋ، الدىن الۋعا ءمۇم­كىن­دىكتىڭ بارلىعى. وسى ماسەلەلەر جايلى ەلباسىنىڭ قاتىسۋىمەن وتكەن تەلەكوپىردە ت.شارمانوۆ ايتقان بولاتىن. وكرۋگتەگى ەلۋدەن استام ادامدى جۇ­مىس­پەن قامتىعان زاۋىت شىعاراتىن اشى­تىل­عان ءسۇت قوسپالارى مەن سارىسۋ نەگىزىندەگى سۋسىن، بوتقا دايىنداۋعا ارنالعان ءسۇت، تۇيىرشىكتى ىرىمشىككە تۇتىنۋشىلار تاپسى­رىس بەرۋدە. عالىمدار مەن ينۆەستور­لاردىڭ بىرلەسكەن جۇمىسىنىڭ ناتيجەسى وسىلايشا جوعارى باعالانعانىن كورەمىز. – ەگىز بالالارىمىز ومىرگە كەلگەلى ءبىر جىل بولدى. ارينە، ولارعا انا ءسۇتى جەتكىلىكسىز. بيىل زاۋىت اشىلعالى سابيلەرگە «اميراننىڭ» ءسۇتى مەن يوگۋرتىن، سۇزبەسىن الىپ بەرىپ ءجۇرمىز. وتە قۇنارلى. سابيلەر سالماق قوسىپ، الاڭسىز ءوسىپ كەلەدى. بۇعان دەيىن دۇكەن سورەلەرىندەگى شەتەلدىك بالالار تاعامىن پايدالاندىق. بايقاعانىم،  ءوزى­مىزدە شىعارىلعان بالا تاعامىنىڭ قۇنار­لىلىعى جوعارى. ءارى ەكولوگيالىق جاعىنان تازا. وسىنداي تاعام تۇرلەرىن شىعارعان عالىم اتامىزعا العىس ايتامىز، – دەيدى ديدار بەكدايىر دەگەن الماتىلىق ازامات. ءيا، تالعارداعى جاڭا زاۋىتتىڭ بولا­شا­عى زور. ويتكەنى، ونىڭ وندىرىستىك قۋات­تى­لىعىن ارتتىرۋ جانە ءونىم تۇرلەرىن كو­بەيتۋ باعىتىنداعى ىزدەنىستەر قۇپتارلىق. وتاندىق ونىمگە دەگەن تۇتىنۋشى تالعامى دا جوعارى. بۇل ەڭ نەگىزگى كورسەتكىش دەۋگە بولادى.
سوڭعى جاڭالىقتار

تاريحي فينال

سپورت • كەشە

كەزەكتى بەلەس

پىكىر • كەشە

اسكەري توپوگراف

قوعام • كەشە

كەدەرگى فيلوسوفياسى

رۋحانيات • كەشە

ءبىزدىڭ ليۋي-كو

ونەر • كەشە

رۋح

سپورت • كەشە

تاۋ شاڭعىسىن قالايتىندار كوپ

قىسقى سپورت • كەشە

فينالدا جولى بولمادى

تەننيس • كەشە

ۇقساس جاڭالىقتار