تاۋەلسىزدىك جانە جاستار

تاۋەلسىز ەلدىڭ جاستارى جاستىق جالىنىمەن الاۋلاپ, قاي سالادا بول­سىن كۇش-جىگەر تانىتىپ كەلەدى. ءويت­كەنى, جاستىق – بۇلا كۇشتىڭ قۇر­ساۋىن بۇزاتىن, جاڭا باستامالارعا جول اشاتىن شاق. دەمەك, ونى جاقسى ىستەرگە باعىشتاۋ مەن قولداۋدىڭ ماڭىزى زور. مىنە, وسى ماقساتتا  ءوت­كەن جىلدان بەرى اۋداندار مەن قا­لا­لاردا جاستار جيىنى ءوتىپ, ونىڭ تا­قى­رىپ اياسى دا كەڭەيە تۇسكەن. بي­ىل­عى فورۋم تاۋەلسىزدىگىمىزدىڭ 20 جىل­دىعىنا وراي ەل بىرلىگى مەن ىنتى­ماعى اياسىندا وتكىزىلۋدە. «اۋىلدىڭ گۇلدەنۋى – قازاق­ستان­نىڭ گۇلدەنۋى» رەسپۋبليكالىق جاس­تار ەستافەتاسىمەن تالعار اۋدا­نىندا «ەل ۇرانى: دوستىق. ىن­تى­ماق. بىرلىك» سيمپوزيۋمى ءوتىپ, جاڭا عاسىر جاستارىنىڭ ەلجاندىلىق سەزىمى سەرپىن العان, جىگەر-قايراتى شىڭ­دالعان, ءبىلىم-بىلىگى تولىققان­دىلى­عىمەن ەرەكشەلەندى دەۋگە بولادى. تۇرار رىسقۇلوۆ اۋىلىنداعى «عۇندار» تۋريستىك ورتالىعىنا جي­نال­عان جاستار ءوز تاعدىرلارىن ەلى­نىڭ ەرتەڭىمەن بىرىكتىرگەنىن تانىت­تى. سال­تاناتتا اۋدان اكىمىنىڭ ورىن­با­سارى بەرداۋلەت ابدۋلداەۆ كوپ ۇلت­تى اۋدان حالقىنىڭ بىرلىگى مەن بەرەكەسى نىعايىپ, تاعدىرى ورتاق تۇ­تاس­تىققا اينالعانىن جەتكىزدى. جاس­تار­دىڭ جالىن جىگەرى قاي ۋاقىتتا دا قوعامنىڭ قوزعاۋشى كۇشى ەكەنىن اتاپ ءوتتى. جاستار ەلدىڭ ەرتەڭى ءۇشىن تەر توگەتىندىكتەرىن جانە قاي سالادا بولسىن باسەكەگە قابىلەتتى بىلىمدەرىن تانىتۋعا كۇش سالاتىنىنا توقتالدى. وبلىستىق ىشكى ساياسات باسقار­ما­سىنىڭ باستىعى گۇلجيان ماعدان­قىزى, «قازاقستان ستۋدەنتتەرى اليان­سى» رەسپۋبليكالىق قوعامدىق بىرلەستىگىنىڭ كوشباسشىسى شىڭعىس بەسكەمپىروۆ جانە باسقالارى سيم­پوزيۋمنىڭ العا قويعان ماقساتى مەرەي جىلداعى جاستار بەلسەندىلىگىن شىڭداۋ جانە كوپ ۇلتتى ەلىمىزدەگى ىنتىماق پەن بىرلىكتى, تاتۋلىقتى تۋ ەتىپ, جاڭاشىل باستامالاردى ءورىس­تەتۋ ەكەنىنە باسىمدىق بەردى. جيىندا كوكبايراعىمىز بەن ەلتاڭبامىز اسپەتتەلىپ, جاستاردىڭ ەلى مەن جەرىنە دەگەن پاتريوتتىق سەزىمى شارىقتادى. بۇدان سوڭ تالعار اگروبيزنەس جانە مەنەدجمەنت كوللەدجىندە «دوڭگەلەك ۇستەل» ءوتىپ, ستۋدەنت-جاستار ەلباسىنىڭ ساياساتىن قىزۋ قۋاتتايتىندىقتارىن ورتاعا سالدى. الماتى وبلىسى.