قۇرىلىس ىسىندەگى ىقپالداستىق ىڭعايى

استانادا تمد مەملەكەت­تە­رى­نىڭ سالالىق مينيسترلىكتەرى مەن ۆەدومستۆو باسشىلارىنىڭ قاتى­سۋى­مەن تاۋەلسىز مەملەكەتتەر دوس­تاستىعى ەلدەرىنىڭ قۇرىلىس قىزمەتىندەگى ىنتىماقتاستىق ءجو­نىندەگى ۇكىمەتارالىق كەڭەسىنىڭ XXXI ءماجىلىسى ءوتتى. اتالمىش جي­ىندا ەلىمىز تاراپىنان قۇرى­لىس جانە تۇرعىن ءۇي-كوممۋ­نال­دىق شارۋاشىلىق ىستەرى اگەنت­تى­گىنىڭ توراعاسى سەرىك نوكين بايانداما جاسادى. ۇكىمەتارالىق كەڭەس وتىرى­سىن­دا عيماراتتار مەن قۇرى­لىس­تاردىڭ ەنەرگەتيكالىق تيىمدىلىگىن قامتاماسىز ەتۋ سالاسىنداعى نورماتيۆتىك قۇقىقتىق بازانى دا­مىتۋ جانە جەتىلدىرۋمەن قاتار قۇرىلىستاعى تەحنيكالىق رەتتەۋ دە اڭگىمە بولدى. سونداي-اق, تمد ەلدەرىنىڭ ليتسەنزيالاۋ ورگاندارى قۇرىلىس قىزمەتىن جۇزەگە اسى­رۋعا بەرگەن ليتسەنزيانى جانە رە­سەيدىڭ ءوزىن-ءوزى رەتتەيتىن ۇيىم­دارى بەرگەن رۇقساتتار تۋرالى كۋالىكتەردى ءوزارا تانۋ ماسەلەسى ءسوز بولىپ, قۇرىلىس ونىمدەرىنىڭ قۇنىن ەسەپتەۋدى وڭتايلاندىرۋ ءۇشىن نورماتيۆتىك-ادىستەمەلىك قۇ­جات­تاردىڭ بىرىڭعايلانعان جۇيە­سىن جاساۋ سەكىلدى تاقىرىپتار اڭگىمە وزەگىنە اينالدى. جيىن بارىسىندا جۋرناليستەرگە سۇحبات بەرگەن قۇرىلىس جانە تۇرعىن ءۇي-كوممۋنالدىق شا­رۋاشىلىق ىستەرى اگەنتتىگىنىڭ توراعاسى سەرىك نوكين سالادا بۇگىنگى تاڭدا باستى ماسەلە بولىپ وتىرعان ەۋروكودتاردى ەنگىزۋ ەكەنىن ايتسا, ال ەكىنشى ماسەلە ءبىزدىڭ قۇرىلىسشىلار وزگە تمد ەلدەرىنە جۇمىسقا بارعاندا قازاق­ستان­دا بەرىلگەن ءوزىمىزدىڭ ليتسەن­زيا­لاردى ولاردا قابىلداۋ قاجەت­تىلىگى بولىپ وتىرعاندىعىن تىلگە تيەك ەتتى. جاڭا قۇرىلىس سالاسى مەن تۇرعىن ۇيلەر عيماراتتارىن ءجون­دەۋ جۇمىستارى قاي كەزدە دە كۇن تارتىبىنە ءجيى شىعاتىن ماسە­لە­لەردىڭ ءبىرى. سوندىقتان دا, باس­قو­سۋدا تاقىرىپقا وراي كوتەرىلگەن كوپتەگەن تۇيتكىلدى ماسەلەلەر تاراپتاردىڭ ءوزارا تاجىريبە ال­ماسۋلارىنا زور مۇمكىندىك بەرگەندەي. الداعى ۋاقىتتا وتاندىق قۇرىلىس كومپانيالارىنىڭ تمد ەلدەرىنە ورتاق ليتسەنزيامەن جۇ­مىس ىستەۋ مۇمكىندىگىنە قول جەتكىزۋ شارالارى دا وسى وتىرىستا قا­راس­تىرىلعان. ءابدىراحمان قىدىربەك.