26 مامىر، 2011

قاۋىپسىزدىك كەڭەسىنىڭ كەزەكتى وتىرىسى

228 رەت كورسەتىلدى
كەشە اقوردادا مەملەكەت باسشىسى نۇرسۇلتان نازار­باەۆ­تىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى، دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وتىرىستا ەلىمىزدىڭ اقپارات­تىق قاۋىپسىزدىگىن قامتاماسىز ەتۋ مەن قىلمىستىق-اتقارۋ جۇيەسىن دامىتۋ ماسەلەلەرى قارالدى. مەملەكەت باسشىسى اقپارات­تىق-كوممۋنيكاتسيالىق تەحنولو­گيا­نى دامىتۋ جانە كەڭىنەن ەنگىزۋ قوعام مەن مەملەكەت ءۇشىن جا­عىمدى مۇمكىندىكتەر بەرىپ، ۇلكەن ۇلەس قوساتىنىن اتاپ ءوتتى. ەلىمىزدە ەلەكتروندى قىزمەت، «ەلەكتروندى ۇكىمەت»، كەڭ جول­اق­تى ينتەرنەت، بايلانىستىڭ سوڭعى بۋىنى، ساندىق جانە سپۋتنيكتىك تەلەۆيدەنيە بەلسەندى ەنگىزىلۋدە. سونىمەن قاتار، بۇل رەسۋرستار قوعامدىق قاۋىپسىزدىك ماقساتىنا سايكەس كەلمەيتىن قىلمىستىق جانە وزگە ماقساتتا پاي­دا­لا­نى­لاتىنىن ەسكەرمەۋگە بولمايدى، سوندىقتان مەملەكەت ءتيىستى رەت­تەۋ­شى شارالاردى ازىرلەۋى قاجەت. اتالعان ماسەلە بويىنشا بايانداما جاساعان پرەزيدەنتتىڭ كومەك­شىسى – قاۋىپسىزدىك كەڭەسىنىڭ حات­شى­سى مارات ءتاجين قازاق­ستاندىق قوعام مەن مەملەكەتتىڭ اقپاراتتىق قاۋىپ­سىزدىگىن قامتا­ما­سىز ەتۋدىڭ نورماتيۆتىك، ينستي­تۋتتىق، عىلىمي، رە­سۋرس­تىق جانە وزگە دە قىرلارىنا جان-جاقتى توقتالىپ ءوتتى. سونداي-اق جەكەلەگەن مەملەكەتتىك ورگانداردىڭ جەتەكشىلەرى­نىڭ ۇلتتىق قاۋىپسىزدىكتىڭ وسى ماڭىزدى سالاسىن قۇرايتىن ەل پرەزيدەنتىنىڭ اكتىلەرى مەن تاپ­سىر­مالارىنىڭ ورىندالۋ بارىسى تۋرالى اقپاراتتارى تىڭدالدى. وتىرىس بارىسىندا وتاندىق اقپاراتتىق كەڭىستىكتىڭ باسەكەگە قابىلەتتىلىگىن، ەلىمىزدە ساندىق جانە سپۋتنيكتىك تەلەحابار تارا­تۋ­دى ەنگىزۋدى، «ەلەكتروندى ۇكى­مەت­تىڭ» سەنىمدى قىزمەتى مەن ولار­دىڭ تۇرعىندارعا قىزمەت كور­سەتۋىن، اقپاراتتىق جۇيە مەن رەسۋرستاردى ءتيىمدى قورعاۋدى قام­تاماسىز ەتۋدىڭ وزەكتى ماسە­لە­لەرى تالقىلاندى. بۇدان باسقا، اقپاراتتىق سا­لا­نىڭ قاۋىپسىزدىگىن قامتاماسىز ەتە­تىن ءتيىستى مەملەكەتتىك مەحانيزمدەرگە باعا بەرىلدى، الەۋەتتى قاۋ­ىپ-قاتەرلەر مەن تاۋەكەلدەر قارالدى. مەملەكەت باسشىسى ءوز سوزىندە ور­ىن الىپ وتىرعان پروبلەما­لار­عا نازار اۋدارتا وتىرىپ، ولاردى جال­پى مەم­لەكەتتىك دەڭگەيدە شە­شۋ­دىڭ جول­دا­­رىن ۇسىنىپ، ەلىمىزدىڭ اقپا­رات­تىق قاۋىپسىزدى­گىن قامتاماسىز ەتەتىن سترا­تە­­­گيا­لىق باعىتتاردى اي­قىن­داپ بەردى. تالقىلاۋدىڭ قورىتىندىسى بوي­ىنشا ۇكىمەتكە اقپاراتتىق قاۋىپسىزدىك مەحانيزمدەرىنىڭ جاي-كۇيىنە تەكسەرىس جۇرگىزۋ، مەملەكەتتىك جانە كورپوراتيۆتىك اقپا­رات­تىق جۇيەنىڭ تۇراقتى قىزمەت ەتۋىن قامتاماسىز ەتۋ، كيبەرقىل­مىسپەن كۇرەس تاجىربيەسىنە تالداۋ جاساۋ بويىنشا بىرقاتار تاپ­سىرمالار بەرىلدى. اقپاراتتىق سالانىڭ جوعارى عىلىمي اۋقىمدىلىعىن ەسكەرە كەلە، ۋاكىلەتتى مەملەكەتتىك ور­گان­داردىڭ الدىنا اقپاراتتىق قاۋىپسىزدىك سالاسىندا عىلىمي-ءتا­جىريبەلىك قىزمەتتى دامىتۋ جانە كادرلار دايارلاۋ جونىندە مىندەتتەر قويىلدى. قازاقستان رەسپۋبليكاسىندا­عى قىلمىستىق-اتقارۋ جۇيەسىن دا­مىتۋ تۋرالى ماسەلەنى قاراۋ كەزىندە مەملەكەت باسشىسى بىزگە بۇل سالادا بەلگىلى ءبىر ناتيجە­لەرگە قول جەتكىزۋ مۇمكىن بولعانىن اتاپ ءوتتى. باس ەركىنەن ايىرۋعا سوتتال­عان ادامدار سانىن ەداۋىر قىس­قار­­تۋعا مۇمكىندىك بەرەتىن ىزگىلەندىرۋ تۋرالى زاڭعا قول قويىل­دى. ەلىمىزدىڭ تاۋەلسىزدىگىنىڭ 20 جىلدىعى قۇرمەتىنە راقىم­شى­لىق جاساۋدىڭ جوسپارلانۋى دا ءوزىنىڭ وڭ ءرولىن اتقارادى. سونىمەن بىرگە، ەلىمىزدە ۇزاق مەرزىمگە سوتتالعاندار سانى جو­عا­رى بولىپ وتىر، ال جازانى ورىن­داۋ جۇيەسى تۇبەگەيلى وزگە­رىس­كە ۇشىراعان جوق. وسىعان باي­لانىستى مەملەكەت ءتيىستى رەتتەۋشى شارالاردى ازىرلەۋى قاجەت. قىلمىستىق-اتقارۋشى جۇيەنى دامىتۋدىڭ نەگىزگى باعىتتارى تۋرالى ادىلەت ءمينيسترى راشيد تۇسىپبەكوۆ بايانداما جاسادى. سونداي-اق جەكەلەگەن مەملەكەتتىك ورگانداردىڭ جەتەكشىلەرى­نىڭ اقپاراتتارى تىڭدالدى. وتىرىس بارىسىندا «تۇرمە تۇرعىندارىنىڭ» سانىن تومەندە­تۋ، جازاسىن وتەپ جۇرگەندەردىڭ جاعدايىن جاقسارتۋ، سوتتى بول­عانداردىڭ قۇقىقتارى مەن ولار­دىڭ ەڭبەكپەن، مەديتسينالىق قىز­مەت­پەن قامتىلۋىن  قامتاماسىز ەتۋ، تۇرمە قاۋىپسىزدىگى جۇيەسىن جاڭ­عىرتۋ ماسەلەلەرى تالقىلاندى. بۇدان باسقا، جازانى وتەۋ ءجۇي­ە­سىنىڭ قىزمەتىن قامتاماسىز ەتەتىن ءتيىستى مەملەكەتتىك مەحانيزمدەرگە باعا بەرىلدى، الەۋەتتى قاۋىپ-قاتەر مەن تاۋەكەلدەر قارالدى. مەملەكەت باسشىسى ءوز سوزىندە بوستاندىقتان ايىرۋعا بالامانى قولدانۋ ءۇشىن جاعدايدى كەڭەي­تۋ­دە پەنيتەنتسيارلىق جۇيەنى ودان ءارى دامىتۋ، جازانى وتەۋ جاعدايى مەن رەجىمىنىڭ سانىن زاڭدىق تۇرعىدا ازايتۋ، سوتتالعانداردى كامەرادا ۇستاۋعا بىرتىندەپ اۋىسۋ، باس بوستاندىعىنان ايىرىلعان­دار ورنىن جالپىعا ورتاق حالىق­ارا­لىق ستاندارتتارعا سايكەستەن­دىرۋ ءۇشىن نەگىزگى باعىتتاردى انىقتاپ بەردى. تالقىلاۋدىڭ قورىتىندىسى بوي­ىنشا ۇكىمەتكە قىلمىستىق زاڭ­نامانى ودان ءارى ىزگىلەندىرۋ، بايقاپ كورۋ قىزمەتىن قۇرۋ، پەني­تەنتسيارلىق مەكەمەلەردە ۇستاۋ رەجىمدەرىن وزگەرتۋ، سونداي-اق جا­زاسىن وتەپ جۇرگەندەر جاعداي­ىن جاقسارتۋعا باعىتتالعان ءىس-شا­رالاردى قارجىلاندىرۋ ءجو­نىن­دە بىرقاتار تاپسىرمالار بەرىلدى. وتىرىستا بەرىلگەن تاپسىرما­لاردىڭ ورىندالۋىنا باقىلاۋ جاساۋدى مەملەكەت باسشىسى قاۋىپ­سىزدىك كەڭەسىنىڭ حاتشىلى­عىنا جۇكتەدى.
سوڭعى جاڭالىقتار

قاراتورعاي

ادەبيەت • بۇگىن، 21:00

كۇيدەن تۋعان ولەڭ

رۋحانيات • بۇگىن، 20:50

گوشە رەاكتسياسى

قوعام • بۇگىن، 20:48

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار