ق.توقاەۆ قىزمەتىنە رەسمي كىرىستى

24 مامىردا ەلىمىزدىڭ بەلگىلى مەملەكەت قايراتكەرى, پارلامەنت سەناتىنىڭ بۇرىنعى توراعاسى, قازىرگى تاڭدا بۇۇ باس حاتشى­سى­نىڭ ورىنباسارى, جەنەۆاداعى ەۋروپا بولىمشەسىنىڭ باس ديرەك­تو­رى قا­سىم-جومارت توقاەۆ قارۋسىزدانۋ كونفەرەنتسياسىنىڭ باس حاتشىسى – بۇۇ باس حاتشىسىنىڭ قارۋسىزدانۋ كونفەرەنتسياسىنداعى جەكە وكىلى قىزمە­تىنە رەسمي تۇردە كىرىستى, دەپ حابارلادى قر ءسىم-ءىنىڭ ءباسپاسوز قىزمەتى. قارۋسىزدانۋ كونفەرەنتسيا­سى­نىڭ قالىپتاسقان ەرەجەسىنە ءساي­كەس اتالعان جاۋاپتى قىزمەتكە بۇۇ باس حاتشىسىنىڭ ۇسىنىسى نەگىزىندە جانە قارۋسىزدانۋ كون­فەرەنتسياسى مۇشەلەرىنىڭ تولىق قولداۋىمەن تاعايىندالاتىنى بەلگىلى. حالىقارالىق قوعامداس­تىق­تىڭ قارۋسىزدانۋ, ونىڭ ىشىندە يادرو­لىق قارۋسىزدانۋ  جونىندە كەلىس­سوز­دەر جۇرگىزۋ ءۇشىن بالاماسى جوق جالعىز كوپجاقتى فورۋمى قارۋسىزدانۋ كونفەرەنتسياسى ەكەنى بەلگىلى. ول 1978 جىلعى بۇۇ باس اسسامبلەياسىنىڭ قارۋسىزدانۋ ءجو­نىندەگى العاشقى ارنايى سەس­سيا­سىنىڭ شەشىمىمەن 1979 جىلى قۇرىلعان. قازىرگى كەزدە بۇل كون­فەرەنتسياعا 66 مەملەكەت مۇشە جانە قازاقستان 1999 جىلعى 5 تا­مىزدان بەرى ونىڭ قۇرامىندا. وسى رەتتە, قارۋسىزدانۋ كون­فە­رەنتسياسى باس حاتشىسىنىڭ ءمىن­دەتى اتالعان فورۋمنىڭ جۇمى­سىنا جانە ونىڭ شەڭبەرىندە تال­قىلاناتىن ماسەلەلەرگە, سونداي-اق دەلەگاتسيالارعا جان-جاقتى قول­عابىس كورسەتۋ بولىپ تابىلادى. جاڭا تاعايىندالعان باس حات­شى ق.توقاەۆ ءوز سوزىندە حالىق­ارا­لىق قوعامداستىق 14 جىلدان بەرى كونفەرەنتسيانىڭ كۇن ءتارتى­بىندەگى ماسەلەلەر بويىنشا ناق­تى كەلىسسوزدەر كۇتەتىنىن ايرىق­شا اتاپ ءوتتى. سونداي-اق ول ءوز قىزمەتىنىڭ قك ءۇشىن وتە شەشۋشى كەزەڭگە ءدوپ كەلگەنىن مويىنداي وتىرىپ, كونفەرەنتسيا مۇشە­لە­رى­ن ۇيىمنىڭ بەدەلىن ساقتاپ قالۋ ءۇشىن تىزە قوسىپ جۇمىس جا­ساۋعا شاقىردى. قارۋسىزدانۋ كونفەرەن­تسيا­سى­نىڭ ايماقتىق توپتارىنىڭ اتى­نان ءسوز العان ەلشىلەر باس حات­شىنىڭ كونفەرەنتسيانىڭ جۇمى­سىن جان­دان­دىرۋ ماقساتىنداعى سىندارلى ۇسى­نىس-پىكىرلەرىنە ءار­كەز اشىق ەكەندىكتەرىن مالىمدەدى. قىتاي, رەسەي, بەلارۋس جانە وڭتۇستىك كورەيا ەلدەرىنىڭ وكىلدەرى قازاقستاننىڭ يادرولىق قا­رۋ­­سىز­دانۋ سالاسىنداعى قادام­دا­رىن جو­عارى باعالاي كەلىپ, ق.تو­قاەۆ­تىڭ قازاقستانداعى ءبىر­قاتار جاۋاپتى مەملەكەتتىك قىزمەتتەردە بولعان كەزىندە ەكىجاقتى قارىم-قاتىناستاردى دامىتۋعا سۇبەلى ۇلەس قوسقانىن دا اتاپ كورسەتتى. وسى سالتاناتتى سەسسيادا كوپ­تەگەن دەلەگاتسيالار وسىنداي جاۋاپ­تى قىزمەتكە قازاقستاندىق وكىلدىڭ تاعايىندالۋىنا ەلىمىزدىڭ ابدەن لايىقتى ەكەندىگىن ءبىلدىرىپ, وزدەرى­نىڭ قۇتتىقتاۋلارىن جەتكىزدى.