سيرياداعى تولقۋلار سالدارىنان كوز جۇمعان ادامدار سانى 1000-نان استى. 10 مىڭنان استام ادامدى بيلىك تۇتقىنعا العان. سيريا قۇقىق قورعاۋشىلارى وزدەرىندە 1100 قۇرباندىقتىڭ تىزىمدەرى بار ەكەنىن مالىمدەپ وتىر.
باتىس ەلدەرى سيريا باسشىلىعىنا قارسى سانكتسيالاردى بىرىنەن كەيىن ءبىرى ەنگىزىپ جاتىر. 9 جانە 23 مامىر كۇندەرى ەۋرووداق ءوز اۋماعىنا كىرۋگە تىيىم سالىنعان 13 سيريالىق شەنەۋنىكتىڭ ءتىزىمىن جاريالادى. ولاردىڭ اراسىندا پرەزيدەنت باشار اساد تا بار. 18 مامىردا مۇنداي سانكتسيانى اقش تا ەنگىزگەن ەدى. بارلىعىنىڭ ەسەپ-شوتتارى جابىلعان.
يەمەندە تىنىشتىق ورنار سىڭاي جوق
يەمەن ب ۇلىكشىلەرى ەل استاناسى سانا قالاسىنداعى مەملەكەتتىك اقپارات اگەنتتىگىن باسىپ الدى. ب ۇلىكشىلەردىڭ قولىندا سونداي-اق Yemenia اۋە كومپانياسى دا تۇرعان كورىنەدى.
ەل پرەزيدەنتى الي ابدۋللا سالەحقا ادالدىعىن تانىتىپ وتىرعان ۇكىمەت اسكەرلەرىمەن قاقتىعىس سانا قالاسىندا 23 مامىردا باستالعان ەدى. سوڭعى 2-3 كۇن بەدەرىندە كەم دەگەندە 49 ب ۇلىكشى قازا تاپسا, 15 ۇكىمەتتىك كۇشتەردىڭ اسكەرى كوز جۇمعان. جاپپاي ۇكىمەتكە قارسى ارەكەتتەر يەمەندە ۇستىمىزدەگى جىلدىڭ قاڭتارىندا باستالعان بولاتىن.
جاۋاپكەرشىلىكتى «تاليبان» موينىنا الدى
كەشە پاكستاننىڭ پەشاۆار قالاسىندا لاڭكەستىك ارەكەت جاسالدى. پوليتسيا ۋچاسكەسىنە رولىندە جانكەشتى وتىرعان, جارىلعىشتار تولتىرىلعان كولىك بارىپ سوعىلدى. سوڭعى مالىمەت بويىنشا, كەم دەگەندە ەكى ادام قازا تاۋىپ, 20-دان استامى جاراقات العان.
«تاليبان» بۇعان دەيىنگىلەردى قوسا العاندا, 3 لاڭكەستىك ارەكەتكە جاۋاپكەرشىلىكتى ءوز موينىنا الدى. اتاپ ايتقاندا, 13 مامىر كۇنى ەلدىڭ سولتۇستىك-باتىسىندا قاتارىنان ەكى جارىلىس جاسالىپ, سولاردىڭ سالدارىنان 98 ادام قازا تاپقانى بەلگىلى. تاليبتەر ءوز ارەكەتتەرىن ۋساما بەن لادەننىڭ ولىمىنە كەك قايتارۋدامىز دەپ تۇسىندىرەدى.
ەكس-پرەمەرگە تاعىلعان ايىپ كوپ
ۋكراينانىڭ ەكس-پرەمەرى يۋليا تيموشەنكوعا رەسەيمەن گاز كەلىسىم-شارتى ءىسى بويىنشا ايىپ تاعىلدى. ۋكراينا باس پروكۋرورىنىڭ ءبىرىنشى ورىنباسارى رەنات كۋزميننىڭ ءمالىمدەۋىنشە, تەرگەۋ اياقتالعان جانە تيموشەنكو بيلىگىن اسىرا پايدالاندى, مەملەكەتكە اسا ءىرى كولەمدە شىعىن اكەلدى دەپ ايىپتالعان.
كۋزميننىڭ سوزىنە قاراعاندا, مەملەكەتكە ساتقىندىق جاسادى دەگەن تۇرعىداعى ايىپ جوق. ەندى تيموشەنكو ءىس ماتەريالدارىمەن تانىسۋى ءتيىس. 23 مامىردا پەچورا سوتى باس پروكۋراتۋرانىڭ مالىمدەمەسىنە وراي تيموشەنكونى ۇستاۋ تۋرالى قاۋلى قابىلداعان ەدى. بىراق باس پروكۋراتۋرا ازىرشە بۇرىنعى پرەمەردى تۇتقىنداۋعا سانكتسيا بەرمەي وتىر.
جارتى عاسىرداعى اسا كۇشتى قۇرعاقشىلىق
قىتاي بۇگىندە سوڭعى 50 جىلدان بەرگى ەڭ كۇشتى قۇرعاقشىلىقتى باستان كەشىپ جاتىر. ەلدە سۋ قويمالارى مەن كۇرىش پلانتاتسيالارى كەۋىپ قالۋىمەن قاتار, يانتسزى وزەنى بويىنداعى الەمدەگى ەڭ ۇلكەن گەس جۇمىسىنا دا قاتەر ءتونىپ تۇرعانداي.
قۇرعاقشىلىققا جىل باسىنان بەرى جاڭبىردىڭ اسا از مولشەردە جاۋى سەبەپ بولىپ وتىرسا كەرەك. قۇرعاقشىلىق ورتالىق پروۆينتسيالارداعى 10 ميلليون ادامدى شارپىسا, 30 ساۋىردەن بەرى شامامەن 700 كەمە قايراڭداپ قالعان. وسى ارالىقتا ەل بيلىگى ازىق-ت ۇلىك تاۋارلارىنىڭ باعاسىن قىمباتتاتپاۋعا بار كۇش-جىگەرلەرىن جۇمساپ جاتىر.
تەمىر جول ديۆەرسانتتارى سوتتالدى
وزبەكستاندا تەمىر جولدا ديۆەرسيا جاساۋعا ارەكەتتەنگەن ءبىر توپ ادامعا قاتىستى ۇكىم شىعارىلدى. ولاردى سوت كىنالى دەپ تاۋىپ, ءتۇرلى مەرزىمگە باس بوستاندىقتارىنان ايىردى.
قۇقىق قورعاۋ ورگاندارىنىڭ دەرەكتەرىنە قاراعاندا, وتكەن جىلدىڭ كوكتەمىندە بىرنەشە ادامنان قۇرالعان توپ تەمىر جولدىڭ ءبىر ۋچاسكەسىندە رەلستەردىڭ بەكىتكىشتەرىن بوساتىپ جاتقان كەزدەرىندە قولعا تۇسكەن ەكەن. ەندى سوت شەشىمى بويىنشا ايىپ تاعىلعاندار جەتى جىل مەن ون ەكى جىل ارالىعىنداعى ۋاقىتتارىن تۇرمەدە وتكىزەتىن بولادى.
قىسقا قايىرىپ ايتقاندا:
سولتۇستىك كورەيا كوسەمى كيم چەن ير ءوزىنىڭ ارناۋلى بروندى پويىزىمەن قىتاي استاناسى پەكينگە كەلدى. ول قىتاي باسشىلىعىمەن كەزدەسىپ, كەلىسسوز جۇرگىزەتىن كورىنەدى. اڭگىمە ناقتى قاي باعىتتا ءوربيتىنى ازىرگە بەلگىسىز.
يتاليادا اسا قاتتى ىزدەستىرىلىپ جۇرگەن نەاپوليتان مافياسى باسشىلارىنىڭ ءبىرى دجۋزەپپە دەل’اكۆيلا تۇتقىندالدى. ول ءتۇرلى قىلمىستىق ارەكەتتەر جاساۋمەن قاتار, جۇزدەن استام ادامنىڭ قانىن موينىنا جۇكتەگەن قانىشەر سانالادى.
اقش-تا تورنادولاردىڭ «ءداۋىرى» ءجۇرىپ تۇر. سوڭعىسى ءۇش شتات – وكلاحومانى, كانزاس پەن اركانزاستى سوعىپ ءوتتى. كەم دەگەندە 9 ادام قازاعا ۇشىرادى دەگەن مالىمەت بار. جالپى, جىل باسىنان بەرى تورنادولاردان 400-دەن استام ادام وپات بولعان ەكەن.
اۆستريانىڭ امشتەتتەن قالاسىنىڭ باسشىلىعى اتاقتى نەمىس ديكتاتورى ادولف گيتلەردى قالانىڭ قۇرمەتتى ازاماتى تىزىمىنەن ءوشىرىپ تاستاۋ تۋرالى شەشىم قابىلدادى. ەكىنشى دۇنيەجۇزىلىك سوعىستان كەيىن ەلدىڭ كوپتەگەن قالالارى گيتلەردى قۇرمەتتى ازامات تىزىمىنەن سىزىپ تاستاعان بولاتىن.
رەسەيلىكتەردىڭ كوپشىلىگى سەرگەي ميرونوۆتىڭ فەدەراتسيا كەڭەسىنەن شىعارىپ تاستالۋىنا بىزگە ءبارىبىر دەگەندەي, بەي-جايلىق تانىتقان. ماسەلەن, سۇراۋ سالىنعانداردىڭ 47 پايىزى ميرونوۆ ءۇشىن ەش باس قاتىرمايتىندىقتارىن مالىمدەگەن.
يسلانديانىڭ گريمسۆوتن جانارتاۋى كەشەگى كۇننەن باستاپ باسەڭ قىلىق تانىتا باستادى. ەۋروپاداعى جۇزدەگەن اۆيارەيستەردىڭ توقتاتىلۋىنا سەبەپ بولعان جانارتاۋ 21 مامىر كۇنى وت شاشا باستاعانى بەلگىلى. ونىڭ اسپانعا اتقان ءتۇتىنى مەن ك ۇلى 20 شاقىرىم بيىكتىككە دەيىن كوتەرىلگەن بولاتىن.
ينتەرنەت ماتەريالدارى نەگىزىندە ازىرلەندى.
