ەلشىمەن ەكىجاقتى اڭگىمە

كەشە پارلامەنت سەناتىنىڭ توراعاسى قاي­رات ءمامي جاپونيانىڭ قازاقستانداعى توتەنشە جانە وكىلەتتى ەلشىسى يۋ.حارادانى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى. كەزدەسۋ بارىسىندا قازاقستان مەن جا­پونيا­نىڭ ەكىجاقتى, ونىڭ ىشىندە پارلامەنتتىك ىنتى­ماق­تاس­تىق جەلىسى بويىنشا قارىم-قاتىناسىن ودان ءارى دامىتۋ ماسە­لەلەرى تالقىلاندى. – «قازاقستان جاپونيانى ازيا­داعى نەگىزگى ءارىپ­تەس­تەرىنىڭ ءبىرى رەتىندە قاراستىرادى», – دەدى توراعا جانە ەكى ەل پارلامەنتتەرى اراسىنداعى بايلانىستاردى نى­عايتۋدىڭ ماڭىزىن اتاپ ءوتتى. سەناتتا جاپونيا پارلا­مەنتى­نىڭ كەڭەسشىلەر پا­لا­تاسىمەن ىنتىماق­تاس­تىق جونىندەگى توپ قىز­مەت ەتۋدە, قازاقستانمەن ەكى­جاقتى قاتىناس­تار­دى دامىتۋعا جاپونيا پارلا­مەنتى­نىڭ دوستىق ليگاسى قوماقتى ۇلەس قوسىپ كەلەدى. – «ءبىز زاڭ شىعارۋ ىسىندەگى كە­ڭە­سۋ­لەر مەن تاجىريبە الماسۋعا ءمۇد­دە­لى­مىز», – دەدى توراعا جانە ول ينۆەس­تي­تسيالىق جانە تەح­نو­لو­گيالىق ىن­تى­ماقتاستىقتى ودان ءارى تەرەڭدەتۋگە بارلىق جاعداي جاسالعانىن ايتتى. بيىلعى جىلدىڭ 20-21 ماۋ­سى­مىن­دا استانادا الەمدىك جانە ءداس­تۇرلى دىندەر ليدەرلەرى سەزى­ حات­شى­لىعىنىڭ 10-شى وتىرىسى وتەتىنىن اتاپ وتە كەلىپ, ق.ءمامي ءدىن­با­سى­لار كونگرەسىن شاقىرۋ جونىندەگى قازاق­ستان باس­تاماسىن قولداعانى ءۇشىن جاپون جاعىنا ريزاشىلىق ءبىلدىردى. توراعا, سونداي-اق الداعى فورۋم جۇمىسىنا جاپونيا ءدىني قاۋىمداستىعىنىڭ وكىلدەرى قاتى­سا­تىنىنا سەنىم ءبىلدىردى.