انا مەن بالا اللەياسى اشىلدى

تاراز قالاسىنداعى وب­لىستىق پە­ريناتالدىق ور­تالىقتا «انا مەن بالا» ال­لەياسى اشىلىپ, گۇلگە وران­عان الاڭقايعا ءسابيىن يى­عى­نا كو­تەر­گەن باقىتتى انا­نىڭ ەسكەرتكىش-ءمۇسى­نى ور­ناتىلدى. بۇل يگى ءىس وبلىس اكىم­دىگى جانىنداعى ايەل­دەر ىستەرى جانە وتبا­سىلىق-دەموگرا­فيا­لىق سايا­سات ءجو­نىندەگى كوميسسيانىڭ ءجا­نە وبلىس­تىق دەنساۋلىق ساقتاۋ باس­قارماسى­نىڭ ۇيىم­داس­تىرۋىمەن ءدۇ­نيەگە كەلدى. ون ەكى ۇل-قىز وسىرگەن ارداقتى انا گۇلسىم ساپاربەكوۆا اق باتامەن «انا مەن بالا» ەسكەرتكىشىن اشىپ, پەريناتالدىق ور­تالىقتا دەنساۋلىقتارىن كۇتىپ جاتقان كەلىندەرىنىڭ اياق-قولدارى جەڭىل بولۋىن تىلەدى. بۇگىندە 25 نەمەرە, 27 شوبەرە ءسۇيىپ وتىرعان التىن قۇرساقتى انانىڭ اق تىلەگىنە جينالعاندار ءدان ريزا بولىستى. ەل تاۋەلسىزدىگىنىڭ جيىر­­ما جىل­دىعىنا وراي وب­لىستا جالپى 20 «انا مەن بالا» اللەياسى مەن گۇل­زارىن اشۋ جوس­پار­لا­نىپ وتىر­عان كورىنەدى. ونىڭ باسى-قاسىندا وب­لىس­تىق ىسكەر ايەلدەر قاۋىم­داس­تىعى­نىڭ ءتورايىمى گۇل­دارا نۇ­رىموۆا ۇلكەن ۇيىم­داس­تى­رۋ­شىلىقپەن كورىنىپ ءجۇر. كوسەمالى ساتتىباي ۇلى. جامبىل وبلىسى.