بالانى كەدەنشى قۇتقاردى

قارابالىق كەنتىنىڭ تۇرعىنى ولگا مۇرتازينا  ەكى جاسار با­لا­­سىن ەنەسىنە قالدىرىپ كەتەدى. اجەسى قاسىندا وتىرعان نەمەرەسىنەن ءاپ-ساتتە كوز جازىپ قالا­دى. قولدى-اياققا تۇرمايتىن  ءبۇل­دىر­شىن دالاعا شىعىپ كەتىپ,  كوپ قا­باتتى ءۇيدىڭ جانىنداعى قازى­لىپ تاستالعان كاناليزاتسيا قۇدىعىنا ءتۇسىپ كەتەدى. «قاي­راق» كەدەن بەكەتىنىڭ قىزمەتكەرى رۋسلان تەمىرباەۆ وقيعا ورنىنا جاقىن جەردە توقتاپ تۇرعان ماشينا ىشىندە وتىرىپ, جان­ۇشىرعان داۋىستان سەلت ەتە قا­لادى. ول ايەلدىڭ داۋسى شىققان جەرگە جۇگىرىپ كەلەدى دە, قۇ­دىققا سەكىرىپ ءتۇسىپ, سۋ  تۇبىنە كەت­كەن بالانى الىپ شى­عادى. سۋعا شاشالسا دا, تۇنشىعا قوي­ماعان بالا  امان قالادى. – العاشىندا مەندە بالانى امان الىپ قالۋ كەرەك دەگەن عانا وي بولدى. قۇدىقتىڭ قاۋىپتى ەكەنىن سوڭىنان عانا بارىپ ءتۇسىندىم, مەن دە ەكى بالانىڭ اكەسىمىن عوي...– دەيدى رۋسلان. ءبىر قىزىعى, دارىگەرلەر  دەرەۋ اۋرۋحاناعا جەتكىزىلگەن كىشكەنتاي  تيمۋردىڭ ەشقانداي جاراقات ال­ماعانىن, دەنساۋلىعىنىڭ قا­لىپ­تى ەكەنىن انىقتادى. ءنازيرا جارىمبەتوۆا. قوستاناي وبلىسى, قارابالىق اۋدانى.