سپارتاكيادا جالاۋ كوتەردى

مەملەكەت باسشىسىنىڭ جولداۋىندا سالاماتتى ءومىر سالتىن ناسيحاتتاۋ قاجەت­تىگى اتاپ كورسەتىلگەنى بەلگىلى. وسى­نى باسشى­لىققا العان ءوڭىر جۇرتشىلىعى اراسىنداعى سپورتتىق جارىستار ۇيىم, مەكەمەلەر ارا­سىن­دا جالعاسىن تاۋىپ كەلەدى. تالدىقورعانداعى «جاستار» سپورت سارايىندا وتكەن سپارتاكياداعا بارلىق اۋداندار مەن قالالاردان مەملەكەتتىك قىز­­مەت­كەرلەر قاتىستى. كوماندالار سپورت­­­تىڭ 6 تۇرىنەن – پرەزيدەنتتىك كوپسايىس, كىشى فۋتبول, بيليارد, ۆولەيبول, ۇستەل تەننيسى مەن توعىزقۇمالاقتان شەبەرلىك بايقاستى. العاشقىدا وبلىس جانە تالدىقورعان قالاسى اكىمدىگىنىڭ كوماندالارى كىشى فۋتبولدان جاقسى ويىن ورنەگىن كورسەتتى. بيلىك باسىنداعىلاردىڭ اراسىندا وتكەن تارتىستا باسشىدان باستاپ, قاتارداعى­لارى شابۋىلدى جيىلەتىپ, وڭتايلى ساتتەردى پايدالانۋعا كۇش سالدى. اق تەر, كوك تەر بولعان مەملەكەتتىك قىزمەتكەر­لەردىڭ ءوز كوماندالارى ءۇشىن ەپتىلىك تا­نىتۋعا تالپىنعانىن سىرتتاي باقىلاعان جانكۇيەرلەر دە قيقۋلاپ جاتتى. ماسەلە, قاي كوماندانىڭ جەڭگەنىندە ەمەس, سپورتتىق كيىممەن الاڭعا شىعىپ, اياق دوپپەن الىسۋدىڭ ءوزى جاستارعا ۇلگى بولا­تىنىن ايتقان ءجون. وزگە دە سپورت تۇرلەرىنەن جەڭىسكە جەتكەندەر ەڭبەگى ەسكەرىلدى. كۇمىسجان بايجان. الماتى وبلىسى.