ۇلتتار ۇيىمى وكىلىمەن اڭگىمە

كەشە پارلامەنت سەناتىنىڭ توراعاسى قايرات ءمامي بۇۇ بالالار قورىنىڭ قازاقستان رەسپۋبليكاسىنداعى وكىلى حاناا سينگەردى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى. كەزدەسۋ بارىسىندا ق.ءمامي يۋنيسەف-ءتىڭ قازاقستانداعى قىز­مەتىن جوعارى باعالاپ, دەن­ساۋلىق ساقتاۋ جانە ءبىلىم بەرۋ سالالا­رىن­داعى بالالاردى الەۋ­مەتتىك قورعاۋ جۇيەسىن جەتىلدىرۋ ءجو­نىن­دەگى بۇۇ بالالار قو­رىنىڭ باع­دارلاماسىن جۇزەگە اسىرۋعا ەلى­مىزدىڭ مۇددەلىلىگىن ءبىلدىردى. – «قازاقستان مەن يۋنيسەف ءوزارا ءىس-قيمىلدىڭ زور الەۋە­تىنە يە», – دەدى توراعا جانە ول بالالار قۇقىقتارىن قورعاۋ, تاربيە­لەۋ مەن وقىتۋ ءۇشىن جا­ع­دايدى قامتاماسىز ەتۋ سالا­سىنداعى زاڭ­نامالاردى جەتىلدىرۋ جونىندەگى بۇۇ بالالار قو­رىنىڭ شارا­لا­رىنا سەنات بەلسەندى قاتىسىپ كەلە جاتقانىن اتاپ ءوتتى. قازاقستاندا بيىل تاۋەلسىز­دىك­تىڭ 20 جىلدىعى اتاپ وتىلەتىنىن ايتا كەلىپ, ق.ءمامي دەربەس ءور­كەندەۋدىڭ العاشقى جىلدارىنان باستاپ ەلىمىزدە ادام قۇقى مەن بوستاندىعىن قامتاماسىز ەتۋ ءما­سەلەلەرىنە ەرەكشە نازار اۋدا­رى­لىپ كەلە جاتقانىنا توقتالدى. – «پرەزيدەنت ن.نازارباەۆتىڭ باسشىلىعىمەن جۇزەگە اسقان الەۋ­مەتتىك-ەكونوميكالىق جانە قوعامدىق-ساياسي رەفورمالاردىڭ ءبارىنىڭ نەگىزىندە وسى سترا­تە­گيا­لىق باسىمدىقتار بار», – دەدى توراعا. ح.سينگەر جەتكىنشەك ۇر­پاق­تىڭ قۇقىقتارى مەن مۇددەلەرىن قورعاۋ جونىندەگى قازاقستانداعى بەلسەندى جۇمىستاردى اتاپ وتە كەلىپ, كىشى كورسەتكىشتەر زەرتتەۋىن ۇيىمداستىرۋ مەن جۇرگىزۋگە ءجار­دەمدەسكەنى ءۇشىن سەناتقا العىس ايتتى. مۇنداي زەرتتەۋ جۇرگىزىلگەن تمد مەن شىعىس ەۋروپاداعى جالعىز ەل قازاقستان بولعانىن اتاپ وتە كەلىپ, ح.سينگەر قورى­تىندى باياندامانىڭ تۇساۋ­كە­سە­رىن جوعارعى پالاتا قابىر­عا­سىن­دا وتكىزۋدى ۇسىندى. كەزدەسۋ بارىسىندا جاستار ساياساتىنىڭ ماسەلەلەرى دە تال­قى­لاندى. قازىرگى كەزدە «جاستار سايا­ساتى تۋرالى» زاڭ جوباسى ءازىر­لەنۋدە. ق.ءمامي اتاپ ءوت­كەندەي, قۇجات جۇرتشىلىق ارا­سىندا, ءاسى­رەسە, جاستار ور­تاسىندا جان-جاق­تى تالقىلانۋى كەرەك. توراعانىڭ ايتۋىنشا, زاڭ جاستاردىڭ لايىق­تى ءومىرى, ولاردىڭ ءوزىن كورسەتە الۋى, ەلدىڭ قوعامدىق-ساياسي ءومى­رىنە بەلسەندى قاتىسۋى ءۇشىن جاعداي جاساۋ ءتيىس.