سۋديا ىرىكتەۋ – ماڭىزدى مىندەت

كەشە جوعارى سوت كەڭەسىنىڭ كەزەكتى وتىرىسى بولدى. ونىڭ جۇمىسىنا ءتور­اعالىق ەتكەن وڭالسىن جۇمابەكوۆ كەڭەس­تىڭ قۇرامى جاڭارعاندىعىن ايتتى. بۇل وزگەرىستەر مەملەكەت باسشىسىنىڭ ءۇستىمىز­دەگى جىلدىڭ 6 مامىرىنداعى جارلىعىنا بايلانىستى تۋىندادى. ەلباسىنىڭ اتالعان جارلىعىنا وراي كەڭەستىڭ قۇرامىنا جوعارعى سوتتىڭ توراعاسى ب.بەكنازاروۆ جانە باس پروكۋرور ا.داۋىلباەۆ ەنگىزىلدى. ال كەڭەستىڭ قۇرا­مىنان  جوعارعى سوتتىڭ سۋديالارى ءا.قۇ­رىقباەۆ, ل.پولتوراباتكو جانە جوعار­عى سوتتىڭ وتستاۆكاداعى سۋدياسى س.رايىم­باەۆ شىعارىلدى. ولاردىڭ ورنىن ع.اق­قۋوۆا مەن ا.ليننيك جانە د.نۇرالين باستى. وتىرىستى اشقان و.جۇمابەكوۆ سۋديا­لاردى ىرىكتەۋ ماسەلەسىنە توقتالىپ ءوتتى. ول بۇقارالىق اقپارات قۇرالدارىنىڭ بەتتەرىندە كەيبىرەۋلەردىڭ جەرگىلىكتى سۋديا­لار­دىڭ لاۋا­زىمدى بوس ورىندارىنا ءجۇر­گىزى­لەتىن كون­كۋرس­تا ءبىر ورىنعا بەس ءجۇز ادامنان كەلەدى  دەگەن جانە باسقا دا شىندىققا سايكەسپەيتىن بول­جام­دارى ايتىلۋدا دەدى. مۇنداي پىكىرلەر نەگىزسىز كورىنەدى. ويتكەنى, سوڭعى ەكى جىل بويىنا كانديداتتاردىڭ سۋديالىق بوس ورىن­دارعا كونكۋرس بۇقارا­لىق اقپارات قۇرال­دارىندا ۇنەمى جاريا­لا­نىپ كەلەدى. بۇعان قوسا سايتتاردا ءۇمىت­كەر­لەردىڭ دە ءتىزىمى بەرىلىپ تۇرادى. جالپى, كونكۋرس بويىنشا تو­لىق­­قان­دى اقپاراتتى ءتيىستى سايتتاردان الۋعا بولا­دى. سوتقا كادرلار ىرىكتەۋ ىسىمەن جوعارى سوت كەڭەسى اينالىسادى. ولار كونكۋرسقا تۇسكەن ءۇمىت­كەرلەردىڭ قۇجاتتارىن قاراپ, تەكسەرەدى. وسىعان وراي جوعارى سوت كەڭەسى ولاردىڭ ءتىزىمىن جاريالاپ, بولاشاق سۋديا­لار­عا قاتىستى وزگەلەردىڭ پىكىرلەرىن دە بىلەدى. قانشا ءۇمىت­كەر كونكۋرسقا تۇسسە ولاردىڭ بارلى­عىنىڭ اتى-جوندەرى جوعارى سوت كەڭەسى, سوت سايتىن­دا اشىق جاريالانادى. ياعني كەز كەلگەن ازامات ونىمەن تانىسىپ, سايتتا ءۇمىت­كەرگە قا­تىستى ءوز پىكىرىن قال­دىرا الادى. وسىدان كەيىن جۇرتتىڭ دا پىكىرى ساراپتا­لىنىپ, ءۇمىت­كەردىڭ ءارى قاراي كونكۋرسقا جىبەرىلۋ-جىبەرىلمەۋ ماسەلەسى شەشىلەدى. بۇل كەڭەس جۇمىسىنىڭ اشىقتىعىن بىلدىرەدى. سۋديالىققا ۇمىتكەرلەر ابدەن زەردەلەنىپ, سارالانىپ بارىپ ىرىكتەلەدى, ولار­دىڭ بىلىمدەرى, ادامگەرشىلىك قاسيەتتەرى, ومىرلىك تاجىريبەلەرى مۇقيات زەرتتەلىنەدى. ولار تۋرالى ءاربىر دەرەك ارقاشاندا نا­زارعا الىنادى. ماسەلەن, بۇگىنگى كونكۋرس­تى وتكىزۋگە دايارلىق بارىسىندا بارلىق وبلىستاردان كونكۋرسقا ءوتىنىش بەرگەن ۇمىتكەرلەرگە بايلانىستى ءتۇرلى مالىمەتتەر كەلىپ ءتۇستى, دەدى و.جۇمابەكوۆ. جالپى, كەڭەس ەلىمىزدىڭ جەرگىلىكتى جانە باسقا سوتتارى سۋديالارىنىڭ 34 بوس قىز­مەت ورىندارىنا كونكۋرس وتكىزگەن ەكەن. ولاردىڭ ىشىندە  22 اۋداندىق جانە وعان تەڭەستىرىلگەن سوتتار, سونىمەن قاتار 12 وبلىستىق جانە وعان تەڭەستىرىلگەن سوتتار بار. سوندا كونكۋرسقا بارلىعى 344 ۇمىتكەر قاتىسسا, ونىڭ ىشىندە 312 ۇمىتكەر اۋدان­دىق سوتتار سۋديالارى بوس قىزمەت ورىن­دارىنا باقتارىن سىناپ كورگەن. مۇندا ءبىر ورىنعا  14 ادامنان كەلگەن. ال وبلىستىق سوتتار سۋديالارىنىڭ بوس قىزمەت ورىن­دارى­نا 32 كانديدات قاتىسىپ, ءبىر ورىنعا 2,6 ادامنان كەلگەن كورىنەدى. كەڭەس وتىرىسىندا جوعارعى سوتتىڭ توراعاسى سۋديالىق قىزمەتتەرگە كادر رەزەرۆىمەن جۇمىستىڭ جاي-كۇيى, سۋدياعا كان­دي­داتتاردىڭ وبلىستىق جانە اۋداندىق سوت­تاردا تاعىلىمدامادان ءوتۋى, سۋديا قىز­مەتىندە بولۋدىڭ شەكتى جاسىن كوزدەيتىن «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونس­تيتۋتسيالىق زاڭىنىڭ 34-1-بابىن قول­دانۋ تاجىريبەسى تۋرالى جانە باسقا دا ماسەلەلەردى ورتاعا سالدى. جوعارعى سوت توراعاسىنىڭ كەيبىر جەرگىلىكتى جانە باسقا دا سوت توراعالارىن, القا توراعالارى مەن سۋديالاردى قىزمەتكە  تا­عا­يىنداۋ مەن قىزمەتتەن بوساتۋ تۋرالى ۇسى­نىمدارى قاراستىرىلدى. ناقتى ايت­قان­دا, سۋديالاردىڭ بىرقاتارى قويىلاتىن تالاپ­تارعا سايكەس كەلمەۋىنە بايلانىستى ولاردى بىردەن قىزمەتتەن بوساتۋ تۋرالى مەملەكەت باسشىسىنا ۇسىنىمدار قابىل­داۋ قارالدى. كەڭەس جانىنداعى بىلىكتىلىك جونىندەگى كوميسسيانىڭ قۇرامىنا وزگەرىستەر ەنگىزۋ تۋرالى ماسەلە كەلەسى وتىرىسقا قالدى­رىل­دى. جوعارعى سوتتىڭ جانىنداعى سوتتار­دىڭ قىزمەتىن قامتاماسىز ەتۋ دەپار­تا­مەنتىنىڭ جوعارعى سوت اپپاراتى باسشىلىق قىزمەتىنە ب.جۇماعۇلوۆتى تاعا­يىنداۋ تۋرا­لى جوعارعى سوت توراعاسىنىڭ ۇسى­نىسى قابىلداندى. بۇل جوعارعى سوت­تاعى جاڭا باسشىلىق كەلگەلى بەرى العاشقى ۇلكەن كادرلىق وزگەرىستىڭ ءبىرى بولىپ تابىلادى. ءسويتىپ, وتىرىس قورىتىندىسى بويىنشا جوعارعى سوت كەڭەسىنىڭ وزگە دە ماڭىزدى ءتيىستى شەشىمدەرى قابىلدانىپ, قاجەتتى ۇسىنىمدار بەرىلدى. الەكساندر تاسبولاتوۆ.